- 2019-01-29 02:42:48
- ព័ត៌មាន
មោទនភាពហ្មង! តារាល្បីហុងកុង Nicholas Tse មកកម្ពុជាស្ងាត់ៗ ថតភាគថ្មីកម្មវិធីចុងភៅដ៏ល្បីរបស់ខ្លួន
- 2019-01-29 02:42:48
- ចំនួនមតិ 0 | ចំនួនចែករំលែក 0
មោទនភាពហ្មង! តារាល្បីហុងកុង Nicholas Tse មកកម្ពុជាស្ងាត់ៗ ថតភាគថ្មីកម្មវិធីចុងភៅដ៏ល្បីរបស់ខ្លួន
ចន្លោះមិនឃើញ
កាលពីអំឡុងខែ ធ្នូ ឆ្នាំ២០១៨ វត្តមានរបស់តារាសម្ដែងប្រុសដ៏ល្បី Nicholas Tse មកកាន់ព្រះរាជាណាចក្រកម្ពុជាស្ងាត់ៗ បានធ្វើឲ្យមហាជនជាច្រើនមានការភ្ញាក់ផ្អើលជាខ្លាំង។
ភាពភ្ញាក់ផ្អើលទាំងនោះ កើតមានឡើង ក្រោយរូបភាពប៉ុន្មានសន្លឹករបស់លោករួមនឹងតារាចម្រៀង G.E.M កំពុងដើរទិញទំនិញក្នុងផ្សារមួយកន្លែង នៅខេត្តសៀមរាប ត្រូវបានបែកធ្លាយ និងចែកចាយពាសពេញបណ្ដាញសង្គម។ ទោះជាយ៉ាងណាក៏ដោយ វត្តមានរបស់លោកនៅកម្ពុជាលើកដំបូងនេះ អ្នកគាំទ្រមិនច្បាស់ទេថា លោកមកជាលក្ខណៈដើរកម្សាន្តធម្មតា ឬមកថតកម្មវិធីទូរទស្សន៍ដ៏ល្បីរបស់លោកនោះទេ គ្រាន់តែអ្នកគាំទ្រភាគច្រើន ជឿជាក់ថា ជាការថតកម្មវិធីរបស់លោកច្រើនជាង។
ជាការពិតណាស់ អ្វីដែលអ្នកគាំទ្រគិតស្មាន និងជឿជាក់នោះ គឺមិនខុសនោះទេ។ តារាសម្ដែងប្រុសដ៏ល្បីរូបនេះ ពិតជាមកថតកម្មវិធីរបស់លោកពិតមែន។ វីដេអូភាគថ្មីរបស់កម្មវិធី "Chef Nic” បានបញ្ចេញជាផ្លូវការកាលពីថ្ងៃទី ២៦ ខែមករាថ្មីៗកន្លងទៅនេះ។ តាមរយៈវីដេអូនោះដែរ បង្ហាញពីសកម្មភាពដំណើរកម្សាន្តក្នុងតំបន់អង្គរ រួមនឹងការភ្លក់ចំណីអាហាររបស់ខ្មែរយើងជាច្រើនមុខ ដែលមើលទៅគួរឲ្យទាក់ទាញជាខ្លាំង៕
ចង់ដឹងវីដេអូនោះគួរឲ្យចាប់អារម្មណ៍យ៉ាងណានោះ ទស្សនាខាងក្រោមនេះ៖