- 2019-01-29 08:33:00
- ព័ត៌មាន
Big Hit ចេញមកបញ្ជាក់ច្បាស់ៗ ទាក់ទងព័ត៌មាននៃដំណើរវិលមកវិញរបស់ BTS
- 2019-01-29 08:33:00
- ចំនួនមតិ 0 | ចំនួនចែករំលែក 0
Big Hit ចេញមកបញ្ជាក់ច្បាស់ៗ ទាក់ទងព័ត៌មាននៃដំណើរវិលមកវិញរបស់ BTS
ចន្លោះមិនឃើញ
ផលិតកម្ម Big Hit បានចេញសេចក្ដីប្រកាសមួយ ដើម្បីមកបញ្ជាក់ឲ្យអ្នកគាំទ្រទាំងអស់ជ្រាបច្បាស់ ពីដំណើរវិលមកវិញរបស់ BTS។
នៅថ្ងៃទី ២៩ ខែមករា ស្រាប់តែមានសេចក្ដីរាយការណ៍មកថា BTS បានបញ្ចប់ការថតវីដេអូបទចម្រៀងថ្មីរួចរាល់អស់ហើយ និងត្រៀមខ្លួនមកជួបអ្នកគាំទ្រវិញក្នុងពេលឆាប់ៗ។ ទោះបីជាយ៉ាងណាក៏ដោយ អ្នកតំណាងនៃផលិតកម្ម Big Hit បានបញ្ជាក់ថា "ព័ត៌មានដែលបានផ្សព្វផ្សាយថា BTS បញ្ចប់ការថតវីដេអូបទចម្រៀង គឺមិនពិតទេ។ មួយវិញទៀត យើងនឹងជម្រាបព័ត៌មានជាក់លាក់ពីការវិលមកវិញរបស់ BTS នៅពេលគ្រប់យ៉ាងបញ្ជាក់ច្បាស់អស់"។
សូមបញ្ជាក់ផងដែរថា មុននេះស្រាប់តែពាក្យចចាមអារ៉ាមមួយផ្ទុះឡើង បង្កឲ្យមានការភ្ញាក់ផ្អើលជាខ្លាំងថា BTS ទើបបញ្ចប់ការថតវីដេអូបទចម្រៀងថ្មី ហើយវិលមកវិញក្នុងខែមេសា ឬឧសភាឆ្នាំ ២០១៩ខាងមុខនេះ។ ប៉ុន្តែសរុបមកវិញអ្វីដែលបានលើកឡើងនេះ គឺមិនពិតឡើយ។
ទោះជាយ៉ាងណាអ្នកគាំទ្រ ក៏នៅតែបន្តការរង់ចាំតាមដាន ការវិលមកវិញរបស់ក្រុម ជាមួយក្ដីសង្ឃឹមថានឹងបានឃើញអ្វីថ្មីៗជាបន្ត៕