- 2019-02-07 07:28:38
- ព័ត៌មាន
ចូលវ័យ ៦០ ឆ្នាំ សម្រស់ ចាន់ចាវ នៅតែមិនប្រែប្រួល
- 2019-02-07 07:28:38
- ចំនួនមតិ 0 | ចំនួនចែករំលែក 0
ចូលវ័យ ៦០ ឆ្នាំ សម្រស់ ចាន់ចាវ នៅតែមិនប្រែប្រួល
ចន្លោះមិនឃើញ
ក្រោយចាកចេញពីវិស័យសិល្បៈកម្សាន្តក្នុងឆ្នាំ ២០១៤មក អតីតតារាសម្ដែង Kenny Ho (ចាន់ចាវ) បានបង្កើតរបរមុខជំនួញផ្ទាល់ខ្លួនក្នុងទឹកដីនៃប្រទេសចិន។
ជាមួយគ្នានេះដែរ ក្នុងឱកាសបុណ្យចូលឆ្នាំប្រពៃណីចិន Kenny បានវិលត្រឡប់មកទីក្រុងហុងកុងវិញ ដើម្បីជួបជុំមិត្តភ័ក្ដិរបស់លោក ក្នុងនោះក៏មានតារាចម្រៀង Hacken Lee ផងដែរ។ អ្វីដែលអ្នកគាំទ្រចាប់អារម្មណ៍ និងកោតសរសើរនោះគឺ ខណៈពេលលោកលេងបាល់ទាត់ជាមួយមិត្តរបស់លោក Kenny នៅតែមានរូបរាងស្រស់សង្ហា និងសម្រស់មិនប្រែប្រួលទៅតាមវ័យរបស់លោកឡើយ។ ខណៈនៅមិនទាន់រកបានគូជីវិតនៅឡើយ អតីតតារាសម្ដែងរូបនេះ តែងតែគិតគូលើសុខភាពរបស់លោកជាចម្បង។ ជារៀងរាល់ព្រឹក លោកតែងតែផឹកទឹកគ្រាប់ធញ្ញជាតិ ដើម្បីជួយឲ្យលោកមានអារម្មណ៍ថាឆ្អែត និងជួយបណ្ដេញជាតិពុលផង។ បន្ថែមពីនេះទៀត លោកចូលចិត្តទទួលទានផ្លែឈើ និងបន្លែ បូករួមនឹងការហាត់ប្រាណផង ទើបសម្រស់ និងរូបរាងរបស់លោកមិនប្រែប្រួលបែបនេះ។
គួរបញ្ជាក់ថា Kenny Ho បានចូលប្រឡូកវិស័យសិល្បៈ តាមរយៈថ្នាក់ហ្វឹកហាត់ការសម្ដែងក្នុងឆ្នាំ ១៩៨១។ ទោះបីជាលោកបានចូលរួមសម្ដែងក្នុងភាពយន្តជាច្រើនក៏ដោយ ប៉ុន្តែ Kenny ទទួលបានភាពល្បីល្បាញខ្លាំងក្នុងតំណែងជាតួអង្គ ចាន់ចាវ ក្នុងរឿង "តុលាការមុខដែក"។ ក្រោយចាកចេញពីវិស័យសិល្បៈ លោកបានបង្កើតក្រុមហ៊ុនអាហារសុខភាពមួយជារបស់ខ្លួន ដែលស្ថិតក្នុងទីក្រុង Huizhou ៕