- 2019-02-11 08:00:00
- ជីវិតតារា
ក្រោយប្រកាសចង់ច្រៀង Diss Track ជាមួយ G-Devith អេដា បញ្ជាក់រឿងការងារនៅហង្សមាស
- 2019-02-11 08:00:00
- ចំនួនមតិ 0 | ចំនួនចែករំលែក 0
ក្រោយប្រកាសចង់ច្រៀង Diss Track ជាមួយ G-Devith អេដា បញ្ជាក់រឿងការងារនៅហង្សមាស
ចន្លោះមិនឃើញ
តារាចម្រៀង Original Song អេដា ធ្វើឲ្យអ្នកគាំទ្រដាក់ការសង្ស័យគ្រប់គ្នា នៅពេលម្ចាស់បទ "ចាំស្អែកចាំបែកគ្នា" បង្ហោះរូបមួយប៉ុស្ត៍ភ្ជាប់ដោយកាន់ក្រដាសមួយសន្លឹកមាន Logo ក្រុមហ៊ុនហង្សមាស ហើយសរសេរថា ៖ "ការងារថ្ងៃនេះ ថត ថត ថតComing soon”។
អ្នកគាំទ្រ របស់តារាចម្រៀងរាងតូចច្រឡឹងរូបនេះ គិតថា អេដា អាចចូលទៅច្រៀងនៅហង្សមាស ឬមិនដូច្នោះទេ ក៏ត្រូវជាប់ភារកិច្ចជាពិធីការីនី ឬ Coach ក្នុងកម្មវិធីតន្ត្រីណាមួយ ក្នុងស្ថានីយទូរទស្សន៍ហង្សមាសជាក់ជាមិនខាន។
ពាក់ព័ន្ធនឹងចម្ងល់នេះ តារាចម្រៀងអេដា មិនអាចសុំការបំភ្លឺបានទេ តែប្អូនស្រីរបស់តារាពូកែភាសាអង់គ្លេសរូបនេះ ប្រាប់ថា អេដា មិនបានក្លាយជាតារាចម្រៀងនៅផលិតកម្មហង្សមាសឡើយ ហើយនោះគឺជាការថត ដើម្បីត្រៀមស្វាគមន៍កម្មវិធីតន្រ្តីរបស់ Smart ដែលមានឈ្មោះថា Pleng by Smart ។ លើសពីនេះ កម្មវិធីនេះក៏មានការសហការរវាងហង្សមាសផងដែរ ហេតុនេះទើបអេដា ត្រូវថតនៅហង្សមាសដូច្នេះ។ ម្យ៉ាងទៀត តន្រ្តីនេះ ក៏មានការចូលរួមច្រើនពីតារាចម្រៀងមកពីហង្សមាសផងដែរ ដោយប្រព្រឹត្តិឡើងនៅថ្ងៃទី ១៩ ខែកុម្ភៈ នៅផ្សារទំនើប Aeon Mall 2 ខាងមុខនេះ ថែមទៀត។
ទោះយ៉ាងណា គេជឿជាក់ថា អេដា ទំនងមិនទាន់អាចជាតារាចម្រៀងនៅហង្សមាសបានទេ ព្រោះម្ចាស់បទ "ពីរនាក់ បានហើយ" ទើបចុះកុងត្រាបន្ថែមនៅក្រុមហ៊ុន Smart ថ្មីៗនេះប៉ុណ្ណោះ។ ម្យ៉ាងទៀត អេដា ក៏បានសរសេរលើរូបរបស់ខ្លួនថា ត្រៀមចេញចម្រៀងឆាប់ៗជាមួយ តារាចម្រៀង ងួន ចាន់ដេវីត ថែមទៀតផង ដោយលោកពេលនេះ ក៏ជាតារាចម្រៀង Original Song នៅ Smart ផងដែរ៕
