- 2019-03-28 09:38:33
- ព័ត៌មាន
មើលហ្ន៎ ស៊ីន យូប៊ិន រាំរបាំខ្មែរយ៉ាងល្វតល្វៃក្នុងពិធីបួងសួងរួមគ្នា ខ្មែ-ថៃ និងឡាវ
- 2019-03-28 09:38:33
- ចំនួនមតិ 0 | ចំនួនចែករំលែក 0
មើលហ្ន៎ ស៊ីន យូប៊ិន រាំរបាំខ្មែរយ៉ាងល្វតល្វៃក្នុងពិធីបួងសួងរួមគ្នា ខ្មែ-ថៃ និងឡាវ
ចន្លោះមិនឃើញ
ប្រិយមិត្តអ្នកគាំទ្រជាច្រើន សម្ដែងការភ្ញាក់ផ្អើល ស្រីស្អាត ស៊ីន យូប៊ីន ក្រោយឃើញតារាស្រីរូបនេះ បញ្ចេញរូបភាពប៉ុន្មានសន្លឹក បង្ហាញពីការរាំរបាំខ្មែរ យ៉ាងទន់ល្វតល្វៃ កម្រនឹងឃើញ។
រូបនោះ គេឃើញ យូប៊ីន ស្លៀកសំលៀកបំពាក់ពណ៌សរបៀបអ្នករាំរបាំខ្មែរយ៉ាងល្អឯង។ សាមីខ្លួន បានថ្លែងប្រាប់អ្នកគាំទ្រនាងថា នោះជាឈុតសម្ដែងរបស់នាងក្នុងកម្មវិធីបួងសួងដ៏ធំមួយរវាង៣ប្រទេស គឺខ្មែរ ថៃ និងឡាវ។ ដោយសារតែបែបនេះ តារាស្រី លើកឡើងថា នាងមានមោទកភាពដែលបានគ្រងឈុតដ៏ពិសេសនេះ។ នាងមិនបញ្ជាក់ឡើយថា ពិធីបួងសួងរវាងប្រទេសទាំង៣ នោះក្នុងគោលបំណងអ្វី។
យ៉ាងណាក៏ដោយ នាងបញ្ជាក់ថា មោទកភាពណាស់៖ "មានមោទកភាពណាស់ដែលបាននាំយកនូវរបាំរបស់ខ្មែរមកសម្ដែងជូនអន្តរជាតិទស្សនា នេះជាការរាំថ្វាយក្នុងពិធីបួងសួងដ៏ធំមួយដែលមានការសម្តែងរបាំ៣ប្រទេសរួមគ្នាគឺខ្មែ-ថៃនិងឡាវ។
ជាមួយគ្នា តួឯកស្រីក្នុងរឿង “អូនជាការចងចាំរបស់បង” ប្រាប់ថា នាងក៏មានការសោកស្ដាយមួយដែរ ក៏ព្រោះតែមិនបានគ្រងឈុតរបាំដ៏ស្រស់ស្អាតរបស់ខ្មែរមកបង្ហាញអោយបានពេញទំហឹងដោយសារតែហេតុផលមួយចំនួន។តែយ៉ាងណាមិញនាងរំភើបចិត្តដែលទទួលបានការគាំទ្រ និងលើកសរសើរពីសាសន៍ដទៃមកលើរបាំជាតិយើងគ្រប់ៗគ្នា។ “សូមអភ័យទោសសម្រាប់កំហុសឆ្គងដោយប្រការណាមួយព្រោះការហាត់រៀនត្រឹម២ម៉ោងតែប៉ុណ្ណោះ"។ យូប៊ិន ថ្លែង។
បើទោះជា យូប៊ីន ស្នើសុំការអភ័យទោសចំពោះការរាំរបាំមួយនេះ ដោយសារហាត់រៀនរយៈពេលខ្លី ក៏ដោយ ប៉ុន្តែអ្នកគាំទ្រនាងច្រើនសរសើរថា នាងពិតជារាំបានស្អាត និងអាចទទួលយកបានហើយ៕