- 2019-04-21 04:19:21
- ព័ត៌មាន
ក្ដៅ! ករុណា ពេជ្រ បង្ខំចិត្តចេញមុខបំភ្លឺរឿងគេថា យកលុយជាង២០ម៉ឺនទៅទិញឡាន មិនទុកមើលជំងឺឪពុក
- 2019-04-21 04:19:21
- ចំនួនមតិ 0 | ចំនួនចែករំលែក 0
ក្ដៅ! ករុណា ពេជ្រ បង្ខំចិត្តចេញមុខបំភ្លឺរឿងគេថា យកលុយជាង២០ម៉ឺនទៅទិញឡាន មិនទុកមើលជំងឺឪពុក
ចន្លោះមិនឃើញ
លោក ករុណា ពេជ្រ នៅថ្ងៃនេះ បានចេញមុខស្រាយបំភ្លឺក្រោយពីមានពាក្យនិន្ទាមួយចំនួន ថាលោកយកលុយ១០-២០ម៉ឺនទៅទិញឡានទំនើបជិះ មិនទុកលុយមើលជំងឺឪពុកដែលកំពុងឈឺធ្ងន់ដាច់សរសៃឈាមក្នុងខួរក្បាល។
ការចេញមុខនៅពេលនេះ ក្រោយពីលោកបានបង្ហោះរូបទិញរថយន្ត Lexus ស៊េរីឆ្នាំ ២០១៧ ឡើង ២០១៩ និងបានប្រាប់ទស្សនិកជនថា នេះជាកាដូសម្រាប់ខ្លួនឯង។ ដោយសារបែបនេះ ទើបតារាចម្រៀងផលិតកម្មថោន បានទទួលរងពាក្យនិន្ទាមួយចំនួន រហូតដល់លោកត្រូវបង្ខំចិត្តបកស្រាយនៅថ្ងៃនេះ។ លោកថា ចង់ឲ្យបងប្អូនមួយចំនួនតូចក្នុង Facebook បានយល់បន្ថែម ពីមូលហេតុដែលលោកបានសម្រេចចិត្តដូរ ឡានថ្មី ក្នុងកាលៈទេសៈ ឪពុកកំពុងតែឈឺធ្ងន់នេះ។
"សូមបញ្ជាក់ថា អ្វីៗដែលបងប្អូនគិត អ្វីៗដែលបងប្អូនដឹង គឺពិតជាត្រឹមត្រូវដដែល ហើយការសម្រេចយកជម្រើសច្រើនលក់សម្ភារៈ ផ្ទះ ដីធ្លី ដែលខ្ញុំមានបន្តិចបន្តួចនោះ នៅតែដដែល ប៉ុន្តែ នៅពេលនេះផ្ទះធំ ទ្រនំខ្ពស់ ដែលជាទីស្រលាញ់របស់ខ្ញុំនោះ ត្រូវបានរកម្ចាស់ថ្មីបានហើយ ហើយខ្ញុំនឹងចាកចេញពីវា នាពេលឆាប់ៗខាងមុខ ដោយក្នុងចិត្តពោរពេញដោយក្តីស្រណោះ និងអនុស្សាវរីយជាច្រើន!”។
លោក ពេជ្រ សុំមិនបញ្ចេញតម្លៃលក់ផ្ទះវីឡាខាងលើ តែបានពន្យល់បន្តថា លោកបានចែកជា ៥ចំណែកលើលុយដែលបានពីលក់ផ្ទះដែលពោរពេញដោយអនុស្សាវរីយ៍នោះ។
ទី១ លោកយកមួយផ្នែក នៃថវិកានេះ លោកយកទៅដាក់ក្នុង ធនាគារ ដើម្បីតម្កល់ទុក មើលថែជំងឺលោកឪពុកបន្តទៀត ជៀសវាងជួបការលំបាកដូចពីមុន ដែលលោកពិបាករកថវិកាសុទ្ធ មកព្យាបាលភ្លាមៗ ខណៈការចំណាយលើការព្យាបាលឪពុកក្នុង១ខែពី ៣ពាន់-៤ពាន់ដុល្លារអាមេរិកឯណោះ។ លោកថា ក្នុងរយៈពេល ១៦ខែមកនេះ សរុបការចំណាយលើការព្យាបាលអ្នកមានគុណ អស់ជិត ១៥ ម៉ឺនដុល្លារអាមេរិកទៅហើយ។
២. លោកយកទៅធ្វើផ្ទះថ្មី តូចល្មមសមរម្យមួយលើដីរបស់លោកមួយកន្លែងទៀត ដើម្បីរស់បន្ត។ ទី៣ យកទៅសាកល្បង ទិញដីនៅតំបន់ផ្សេងៗ សង្ឃឹមថាថ្ងៃក្រោយអាចបានចំណេញខ្លះ ទុកគ្រាន់ដោះស្រាយជីវភាពក្នុងគ្រួសារ។ ទី៤ សម្រាប់ដោះស្រាយជីវិតប្រចាំថ្ងៃ ក្នុងគ្រួសារ និងទី៥- មួយផ្នែកសល់ចុងក្រោយនេះហើយ ដែលលោកបានធ្វើសម្រាប់ខ្លួនឯង។ "គឺខ្ញុំដូរឡានថ្មីនេះ ដោយខ្ញុំយកឡាន ចាស់របស់ខ្ញុំ ទៅលក់ រួចយកថវិកាខ្លះបន្ថែមដូរឡានថ្មីនេះទេ"។ ករុណា ពេជ្រ បញ្ជាក់៕
អាន៖ តារាខ្មែរយើងកាត់បារាំង ស្អាតៗណាស់ រកផ្ទឹមសឹងគ្មាន
អាន៖ មកមើលកាដូ ករុណា ពេជ្រ ទិញឲ្យខ្លួនឯងក្នុងឆ្នាំថ្មីនេះចុះ តម្លៃកប់ពពក
អាន៖ Bross La ចេញបទថ្មី ផ្ទុះក៏ផ្ទុះ គេរិះគន់ ក៏រិះគន់ចាស់ដៃដែរ!