- 2019-05-05 04:34:42
- ភាពយន្ត
ដាច់ផ្ងារហ្មង! Endgame ចេញបានប៉ុន្មានថ្ងៃ ជិតតាមទាន់ Infinity War បាត់
- 2019-05-05 04:34:42
- ចំនួនមតិ 0 | ចំនួនចែករំលែក 0
ដាច់ផ្ងារហ្មង! Endgame ចេញបានប៉ុន្មានថ្ងៃ ជិតតាមទាន់ Infinity War បាត់
ចន្លោះមិនឃើញ
ទើបចាក់បញ្ចាំងជាផ្លូវការលើទីផ្សារសកលលោកបានជាង ១០ ថ្ងៃសោះ ខ្សែភាពយន្ត Avengers: Endgame អាចរកចំណូលសរុបបានដល់ ១ ៩១៤ លានដុល្លារ បើគិតត្រឹមថ្ងៃទី ៥ ខែឧសភានេះ។ ចំណូលនេះគឺជិតតាមទាន់ខ្សែភាពយន្ត Avengers: Infinity War ចេញផ្សាយកាលពីឆ្នាំមុន ដែលរកចំណូលបានសរុប ២ ០៤៨ លានដុល្លារ។
ជាមួយនឹងចំណូលក្បែរ ២ ពាន់លានដុល្លារនេះ គឺបានធ្វើឲ្យ Endgame ក្លាយជាខ្សែភាពយន្តទី ៥ ដែលរកចំណូលបានច្រើនជាងគេក្នុងប្រវត្តិសាស្ត្រ នៅពីក្រោយ Infinity War។ ខ្សែភាពយន្តដែលឈរនៅតំណែងទីមួយគឺ Avatar ចេញផ្សាយនៅឆ្នាំ ២០០៩ ដែលអាចរកចំណូលបាន ២ ៧៨៧ លានដុល្លារ។
ចាប់តាំងពីចេញផ្សាយមក Endgame អាចបំបែកកំណត់ត្រាជាច្រើនដូចខាងក្រោមនេះ ៖
៣ ថ្ងៃអាចរកចំណូលបាន ៥០០ លានដុល្លារ (កំណត់ត្រាចាស់គឺ Infinity War ប្រើពេល ៥ ថ្ងៃ)
៥ ថ្ងៃអាចរកចំណូលបាន ១ ពាន់លានដុល្លារ (កំណត់ត្រាចាស់គឺ Infinity War ប្រើពេល ១១ ថ្ងៃ)
៨ ថ្ងៃរកចំណូលបាន ១,៥ ពាន់លានដុល្លារ (កំណត់ត្រាចាស់ Infinity War ប្រើពេល ១៨ ថ្ងៃ)
ចាក់បញ្ចាំងចុងសប្ដាហ៍ដំបូងរកចំណូលបាន ១ ២២៣ លានដុល្លារ (Infinity War ម្ចាស់កំណត់ត្រាចាស់រកបាន ៦៤០ លានដុល្លារ)
គួរដឹងថាខ្សែភាពយន្តទី ២២ នៃសែស្រឡាយភាពយន្ត Marvel Cinematic Universe នេះ ចំណាយការផលិតអស់ប្រមាណ ៣៥៦ លានដុល្លារ ជាខ្សែភាពយន្តដែលចំណាយដើមទុនដ៏ច្រើនមួយ៕