- 2019-06-07 09:48:29
- ជីវិតតារា
មិននឹកស្មានថាសម្លៀកបំពាក់១ឈុតរបស់ទេព រិនដារ៉ូ បង្កប់អត្ថន័យពីក្រោយធំធេងយ៉ាងនេះសោះ
- 2019-06-07 09:48:29
- ចំនួនមតិ 0 | ចំនួនចែករំលែក 0
មិននឹកស្មានថាសម្លៀកបំពាក់១ឈុតរបស់ទេព រិនដារ៉ូ បង្កប់អត្ថន័យពីក្រោយធំធេងយ៉ាងនេះសោះ
ចន្លោះមិនឃើញ
តារាសម្តែងជើងចាស់រូបសង្ហារ ដ៏មានប្រជាប្រិយជានិច្ច ជាមួយអ្នកគាំទ្រលោក ទេព រិនដារ៉ូពិតជាគួរឲ្យគោរព និងកោតសរសើរខ្លាំងបំផុត ចំពោះការរក្សាបាននូវកេរ្តិ៍ឈ្មោះល្បីល្បាញ ក្នុងវិស័យសិល្បៈ យ៉ាងរឹងមាំជាង៣ទសវត្សរ៍ តាំងពីឆ្នាំ៩០ រហូតមកទល់បច្ចុប្បន្ន មិនថាសុខភាព សម្រស់ រូបរាងកាយនៅតែស្រស់សង្ហារ។
ជាក់ស្តែង កាលពីមុននេះដែរ តារាជើងចាស់រូបនេះ ក៏បានបង្ហាញរូបថតមួយសន្លឹក នៅក្នុងបណ្តាញសង្គម ថតនៅរមណីដ្ឋាន ឧទ្យានជាតិ គីរីរម្យ ក្នុងឈុតសម្លៀកបំពាក់អាវក្រណាត់ដៃវែងពណ៌ស ខោក្រណាត់ជើងវែងពណ៌សាច់ជាមួយនឹងអាវធំដែលមើលទៅដូចសម្លៀកបំពាក់កាលពីជំនាន់បារាំង។ តែអ្វីដែលពិតជាធ្វើឲ្យ អ្នកគាំទ្រមើលហើយ លាន់មាត់សរសើរគឺសម្លៀកបំពាក់១ឈុតដែលលោកបានស្លៀកនោះគឺជារាជប្រទានដ៏ខ្ពង់ខ្ពស់របស់សម្តេចព្រះរាម បុប្ជាទេវី អំឡុងពេលថតវីដេអូបទ "លាហើយបូកគោ" ថ្វាយព្រះករុណា នរោត្តម សីហនុ ក្នុងឆ្នាំ ២០០៧ ហើយអ្វីដែលគួរឲ្យកត់សម្គាល់ គឺសម្លៀកបំពាក់នេះមានអាយុកាល ១១ឆ្នាំមកហើយ ប៉ុន្តែនៅតែថ្មីដដែល អាចនិយាយបានថាតារារូបនេះពិតជាជាពូកែរក្សាទុកបានយ៉ាងល្អពិតមែន។
យ៉ាងណាមិញលោកបានរៀបរាប់បញ្ជាក់មកកាន់ Sabay ថា៖ "ប្រាកដណាស់គឺខ្ញុំបានរក្សាទុកកម្រងអនុស្សាវរីយ៍ដែលសម្តេចព្រះរាមបុប្ជាទេវីប្រទានឲ្យ គឺស្លៀកថតបានតែម្តងប៉ុណ្ណោះ ទើបតែយកមកស្លៀកថតជាលើទី២ រួមការងារជាមួយតារាចម្រៀងស្រី ឈួន សុវណ្ណឆៃ ក្នុង MVបទ " បុរីជូឡុង " បទមរតកដើមយក Coverសារជាថ្មី ក្នុងសម័យបារាំងដូចគ្នាទើបធ្វើឲ្យនឹកឃើញលើកយកមកស្លៀកជាថ្មីតែម្តងទៅ ណាមួយចម្រៀងបទនេះត្រូវសម័យកាលបារាំង ហើយជាសម្លៀកបំពាក់ដែលខ្ញុំស្រលាញ់ផង អរគុណបងប្អូនដែលគាំទ្ររូបខ្ញុំតាំងពីដើមមកទល់ពេលនេះ"៕
** ទស្សនារូបភាពខាងក្រោម៖ **