មើលចុះក្រុមស្រីស្អាត OMG លាគ្នាទាំងយំសស្រាក់គួរឲ្យស្រណោះ

2019-07-12 08:17:41
ព័ត៌មាន

2019-07-12 08:17:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់ជយលាភីលេខ១កម្មវិធី Kpop World Festival 2019 ក្រុម OMG ត្រូវបានគេឃើញយំសស្រាក់ក្រោយពីសមាជិក២រូបរបស់ខ្លួនបានសម្រេចចាកចេញពីក្រុម ក្នុងខណៈកំពុងត្រៀមខ្លួនធ្វើតំណាងកម្ពុជា ទៅប្រកួតរាំ K-Pop នៅទីក្រុងនៅចុងឆ្នាំនេះ។

សមាជិកក្រុមទាំងពីររូបនោះ គឺ Marslee និង Emily ពួកគេបានសម្រេចចិត្តចាកចេញពីក្រុមដោយសារតែមូលហេតុផ្ទាល់ខ្លួន។ Marslee នឹងទៅរស់នៅខេត្តសៀមរាប ហើយគ្រោងបើកហាងរចនាក្រចកនៅទីនោះផ្ទាល់តែម្ដង។ ជាងនេះទៅទៀត កញ្ញាក៏ទើបតែបានប្រលងបញ្ចប់ថ្នាក់បរិញ្ញាប័ត្រផ្នែកអក្សរសាស្រ្តកូរ៉េ នៅ CKCC ផងដែរ

ដោយឡែក រីឯ Emily វិញ មកពីកញ្ញាមានសុខភាពទន់ខ្សោយ និងមិនមានពេលគ្រប់គ្រាន់សម្រាប់ហ្វឹកហាត់រាំជាមួយក្រុមទើបសម្រេចចិត្តចាកចេញពីក្រុម។ ក្រោយពីសម្រេចចិត្តចាកចេញរៀងខ្លួន យប់មិញនេះ គេឃើញសមាជិកក្រុម OMG បានជួបជុំគ្នាចុងក្រោយជាការលាគ្នា ដែលនៅក្នុងទិដ្ឋភាពនោះ ពួកគេបានយំសស្រាក់រៀងខ្លួន មើលទៅគួរឲ្យស្រណោះ។

ប្រធានក្រុមស្រីស្អាត ដាណែត បាននិយាយថា ការចាកចេញនេះគឺជាការសោកស្ដាយមួយរបស់ក្រុមទាំងមូល ហើយកញ្ញាក៏បានសុំទោសទៅដល់អ្នកគាំទ្រទៀតផង។ ក្រោយសម្រេចចិត្តចាកចេញ ក្រុមរាំស្រីស្អាត OMG ដែលដើមឡើយមានសមាជិក ១០ បានថយនៅត្រឹម ៨នាក់ប៉ុណ្ណោះ។ សមាជិកដែលនៅសល់មាន ណែត លីកា អូវ៉ាន់ទីន ពេជ្រ Cammie Pichma Danoch (Drowninpink) និង Motaa ។

ពួកគេទាំង៨នាក់ នឹងធ្វើដំណើរទៅកាន់ទីក្រុងសូវ៉ុនសាធារណរដ្ឋកូរ៉េខាងត្បូង ដើម្បីប្រកួតក្នុងកម្មវិធី Kpop World Festival 2019 នាខែ ១២ចុងឆ្នាំ ២០១៩ នេះ៕