- 2019-09-11 05:00:00
- ព័ត៌មាន
ល្បីថាតារាប្រុសទាំងនេះ សម្លេងផ្អែមដូចទឹកស្ករ
- 2019-09-11 05:00:00
- ចំនួនមតិ 0 | ចំនួនចែករំលែក 0
ល្បីថាតារាប្រុសទាំងនេះ សម្លេងផ្អែមដូចទឹកស្ករ
ចន្លោះមិនឃើញ
មិនត្រឹមតែមានទេពកោសល្យក្នុងការសម្ដែង ប៉ុណ្ណោះទេ តារាប្រុសទាំង ៤នាក់របស់ថៃនេះ ក៏ត្រូវអ្នកគាំទ្រកោតសរសើរស្ទើរគ្រប់គ្នាថាមានសម្លេងពីរោះក្រអួន ទាំងនិយាយ និងច្រៀង។
១. Nadech Kugimiya
សម្លេងរបស់តារាប្រុសរូបនេះ ពេលនិយាយម្ដងៗតែងធ្វើឲ្យនារីៗលួចពេញចិត្ត។ កត្តានេះហើយ ក៏អាចនិយាយបានថា នៅពេលរឿងលោកចេញម្ដងៗ អ្វីដែលគេចង់ឮនោះ គឺសម្លេងចេញពីការសន្ទនាក្នុងខ្សែភាពយន្តរបស់ Nadech។ ដោយសារតែសម្លេងពីរោះបែបនេះហើយ ទើប Nadech តែងត្រូវផលិតករភាពយន្តឲ្យលោកច្រៀងដាក់រឿងស្ទើរមិនរំលងមួយរឿងណា។
២. Nine Naphat
ឯតារាប្រុសកើតឆ្នាំ ១៩៩៦រូបនេះវិញ សម្លេងឡើងគ្រលរ បង្កប់ភាពផ្អែមល្ហែមទន់ភ្លន់ ពង្រាយមន្តស្នេហ៍គួរសម។ ក្រៅពីសម្ដែង Nine ក៏មានដុងខាងច្រៀងដែរ ហេតុនេះទើបអ្នកគាំទ្រទាយថាមិនយូរមិនឆាប់ កម្លោះម្នាក់នេះនឹងបន្ថែមអាជីពជាអ្នកច្រៀងទៀតមិនខាន។
៣. Weir Sukollawat
ទឹកដមនៃសម្លេងរបស់តារាប្រុសកម្ពស់ខ្ពស់រូបនេះ ក៏បានចាប់ចិត្ត Fan ដកចិត្តមិនរួច និយាយឲ្យស្រួលស្ដាប់ គឺលង់នឹងសម្លេងរបស់ Weir តែម្ដង។ អមជាមួយចរិតនៃតួអង្គនីមួយៗទៀត រឿងអីគេមិនបាក់ចិត្តស្រឡាញ់តារាប្រុសរូបនេះ។
៤. Tik Jesdaporn
គិតពីទឹកមុខរបស់ Tik ត្បិតជាតារាជើងចាស់វ័យច្រើនមែន តែនៅតែបង្កប់មន្តស្នេហ៍ ហើយនិយាយពីទឹកដៃសម្ដែងវិញ រឹតតែពិសេសមិនងាយតារាជើងថ្មីផ្ដួលបានស្រួល។ ប៉ុន្តែបើលើកពីការនិយាយស្ដីរបស់ Tik ក៏ផ្អែមទន់ភ្លន់ទៅទៀត ដូចនេះអាចនិយាយបានថាវាក៏ជាភាពទាក់ទាញប្រចាំរបស់លោកដែរ៕
