• 2019-09-19 10:30:10
  • ព័ត៌មាន

គំរូល្អ ឧកញ៉ា ឡេង ណាវ៉ាត្រា ស្នើបញ្ចប់ទំនាស់ជាមួយ​ពលករ​នៅប្រលានយន្តហោះបរទេសត្រឹមនេះ

  • 2019-09-19 10:30:10
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ទើបតែប៉ុន្មាននាទីមុនប៉ុណ្ណោះ ឧកញ៉ា ឡេង ណាវ៉ាត្រា បានចេញសារនៅលើបណ្ដាញសង្គមរបស់ខ្លួន ដោយសុំបញ្ចប់រឿងរ៉ាវទាំងអស់ដែលកើតមានឡើងត្រឹមប៉ុណ្ណឹង ដើម្បីកុំអោយអ្វីៗកាន់តែអូសបន្លាយថែមទៀត។

ក្នុងសំណេរខ្លីនោះ អតីតពលករនៅប្រទេសកូរ៉េរូបនេះ បានទទួលស្គាល់ថា ការរាំរបស់យុវតីម្នាក់រួមដំណើរជាមួយក្រុមសិល្បៈរបស់លោក នៅប្រលានយន្តហោះ គឺជាដើមហេតុ។ ដូច្នេះហើយ លោកស្នើសុំបញ្ចប់សាច់រឿងទាំងអស់។ “ខ្ញុំបាទស្នើសូមបង ហេង ឡុង សូមបញ្ចប់រឿងត្រឹមប៉ុណ្ណឹង សូមកុំមានការប្ដឹងបន្តវែងឆ្ងាយអី ហើយសង្ឃឹមថា បងប្អូនទាំងអស់ នឹងយោគយល់ ដោយការគោរពស្រលាញ់ពីខ្ញុំ”។

ឧកញ៉ាវ័យក្មេងបន្តថា ការរាំរបស់យុវតីនៅព្រលានយន្តហោះ ដែលមិនមែនជាអ្នកសិល្បៈ លោកនឹងទុកជាកំហុសឆ្គង និងជាបទពិសោធន៍ក្នុងការកែតម្រូវ។ ចំពោះកាយវិការនេះ ឧកញ៉ា ឡេង ណាវ៉ាត្រា បានទទួលការសាទរជាច្រើន និងរាប់ទុកថា ជាគំរូដល់ល្អមួយផង៕

អត្ថបទ៖ ទារិកា

មតិយោបល់