- 2019-09-25 08:16:04
- ព័ត៌មាន
លេងឈុតធំហើយ! EXO, Red Velvet និង NCT នឹងវិលវិញក្នុងពេលឆាប់ៗ
- 2019-09-25 08:16:04
- ចំនួនមតិ 0 | ចំនួនចែករំលែក 0
លេងឈុតធំហើយ! EXO, Red Velvet និង NCT នឹងវិលវិញក្នុងពេលឆាប់ៗ
ចន្លោះមិនឃើញ
បើតាមការប្រកាសឲ្យដឹងពី សហនាយកប្រតិបត្តិរបស់ផលិតកម្ម SM លោក Kim Young Min បានបង្ហើបពីគម្រោងធំៗជាច្រើនដែលត្រៀមរៀបចំជូនអ្នកគាំទ្រទាំងអស់របស់ផលិតកម្មនូវការវិលត្រឡប់មកវិញរបស់តារារបស់ខ្លួន។
ថ្នាក់ដឹកនាំជាន់ខ្ពស់របស់ SM រូបនេះបានប្រាប់ថា ក្នុងឆ្នាំនេះ ផលិតកម្ម SM ផ្ដោតខ្លាំងលើគម្រោងថ្មីៗសម្រាប់ឆមាសទី ២។ តារារបស់ SM អាចលក់អាល់ប៊ុមបាន ១,៤លានដុំ នៅក្នុងឆមាសទី ១ប្រចាំឆ្នាំ ២០១៩ ដូចនេះវាហាក់ដូចជានៅមានកម្រិតខ្សោយបន្តិច មិនទាន់ហក់ខ្លាំងនោះទេ។ ប៉ុន្តែប្រសិនបើ EXO, NCT និង Red Velvet ចេញអាល់ប៊ុមថ្មីៗនៅឆមាសទី២នេះ ដូចនេះវានឹងមិនមានបញ្ហាចោទខ្លាំងឡើយ សម្រាប់កំណើនការលក់ប្រចាំឆ្នាំ។ ក្នុងនោះ នៅឆ្នាំក្រោយ ខាងផលិតកម្មក៏នឹងមានគម្រោងបង្ហាញមុខក្រុមប្រុសស្រីជើងថ្មី ២ក្រុមទៀត ហើយរំពឹងថានឹងអាចស្ដារប្រជាប្រិយភាពបានជាបន្តទៀត។
ដូចនេះសរុបមកវិញ នៅចុងឆ្នាំនេះ EXO, Red Velvet និង NCT នឹងមានឱកាសវិលមកជួបអ្នកគាំទ្ររបស់ខ្លួនជាថ្មី ហើយសម្រាប់ឆ្នាំ ២០២០ ក្រុមថ្មី ២ក្រុមទៀតក៏នឹងស្វាគមន៍ពិភព K-Pop បន្តពីរៀមច្បងទាំងអស់ដែលកំពុងសាងភាពល្បីល្បាញក្នុងផលិតកម្មយក្ស SM៕
