- 2019-10-24 07:51:39
- ព័ត៌មាន
រឿងអីមិនគាំទ្រ! មហោស្រពចាប៉ីដងវែងដ៏ធំប្រចាំឆ្នាំ ២០១៩ ជិតដល់ថ្ងៃចាប់ផ្ដើមហើយ!
- 2019-10-24 07:51:39
- ចំនួនមតិ 0 | ចំនួនចែករំលែក 0
រឿងអីមិនគាំទ្រ! មហោស្រពចាប៉ីដងវែងដ៏ធំប្រចាំឆ្នាំ ២០១៩ ជិតដល់ថ្ងៃចាប់ផ្ដើមហើយ!
ចន្លោះមិនឃើញ
មហោស្រពចាប៉ីដងវែងលើកទី ២ឆ្នាំ២០១៩ នឹងប្រារព្ធធ្វើឡើងទ្រង់ទ្រាយធំរួមគ្នាដោយមានការសម្តែងពិសេសរបស់ក្រុមសិល្បករចាប៉ីដងវែង មានចំនួន ៤៤រូប ទូទាំងរាជធានីភ្នំពេញ នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)ក្រោមជំនួយឧបត្ថម្ភពីអង្គការយូណេស្កូ និងក្រសួងវប្បធម៌ និងវិចិត្រសិល្បៈ។
លោក ពេជ្រ សារ៉ាត ប្រធានសហគមន៍ចាប៉ីអមតៈ ដែលរៀបចំកម្មវិធីមហោស្រពចាប៉ីដងវែងនេះបានប្រាប់ Sabayឲ្យដឹងថា៖ កម្មវិធីមហោស្រពចាប៉ីដងវែងឆ្នាំនេះគឺជាលើទី២ហើយ នឹងធ្វើនៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) ប្រព្រឹត្តទៅចំនួន ៣ ថ្ងៃ គឺថ្ងៃទី ២៧-២៨-២៩ ខែ វិច្ឆិកា ឆ្នាំ ២០១៩ដែលរួមមានសិល្បករចាប៉ីដងវែងចូលរួមចំនួន៤៤រូប។
អ្វីដែលកាន់តែធ្វើឲ្យមានលក្ខណៈពិសេសខ្លាំងជាងឆ្នាំមុនៗដោយក្រុមសិល្បករចាប៉ីដងវែងជាច្រើនទាំងក្មេងចាស់ចូលរួមជាលក្ខណៈទ្រង់ទ្រាយធំផងដែរ។ យុវជនចាប៉ីដងវែង ហាត់សមយ៉ាងសកម្មសម្រាប់សម្តេច ទ្រង់ លោកជំទាវ លោកឧកញ៉ា អស់លោក លោកស្រី បងប្អូនចូលរួមទស្សនា មហោស្រពចាប៉ីដងវែងឆ្នាំនេះឲ្យបានច្រើន ខណៈយើងមានវត្តមានព្រឹទ្ធាចារ្យកោសល្យវោហា គង់ ណៃ ព្រឹទ្ធាចារ្យ អ៊ិន សារ៉ុន ព្រឹទ្ធាចារ្យ ឯែ យិន និងលោកតា លោកយាយ យុវតី យុវជន កុមារ ចាប៉ីដងវែងសរុប ៤៤ រូប។
ព្រឹត្តិការណ៍នេះ ហៅថា ការសម្តែងចាប៉ីដងវែង ៣ ជំនាន់រួមគ្នា ដោយពួកគាត់មកពីបណ្តាខេត្តក្រុងមកសម្តែងជូនពុកម៉ែ បងប្អូន ចូលរួមគាំទ្រផ្តល់កម្លាំងចិត្ត និងចូលទស្សនាដោយសេរី។
ពិសេសលោកបានបញ្ជាក់បន្ថែមថា ពីកម្មវិធីមហោស្រពចាប៉ីដងវែងលើកទី២នេះគឺមានគោលបំណងធំៗ៣សំខាន់ការប្រារព្ធធ្វើលើកទី ២ នាឆ្នាំ ២០១៩ នេះ ដែលមានការជុំគ្នាជាទ្រង់ទ្រាយធំ គឺសម្តែងរួមគ្នា ៤៤ រូប នោះ ក៏ព្រោះតែចង់រំឮកការចងចាំនៃខួបដាក់ចាប៉ីដងវែងចូលក្នុងបញ្ជីជាសម្បត្តិបេតិកភណ្ឌមនុស្សជាតិ របស់អង្គការយូណេស្កូ កាលពីចុងឆ្នាំ ២០១៦ ផង និងនៅថ្ងៃ៣០ ខែវិច្ជិកា។ ក្រៅពីនេះ ក៏ចង់ផ្សព្វផ្សាយឲ្យបានទូលំទូលាយពីសិល្បៈចាប៉ីដងវែងនេះផងដែរ ទៅដល់កូនខ្មែរជំនាន់ក្រោយបានស្គាល់វាឲ្យកាន់តែបានច្បាស់។
លោក សារ៉ាត លើកឡើងថា តន្ត្រីចាប៉ីដងវែងនេះ ពេញនិយមខ្លាំងក្លាណាស់អំឡុង នាទសវត្សរ៍ទី ៦០-៧០ ពីសំណាក់ប្រជាជនខ្មែរគ្រប់ស្រទាប់វ័យ ដោយសារជាសិល្បៈតន្ត្រីមួយប្រភេទតម្រូវឲ្យសិល្បករមានបញ្ញាឈ្លាសវៃ ចំណេះដឹងទូលំទូលាយ ហើយមានសំនួនវោហារស័ព្ទណែងណង នឹកឃើញភ្លាមច្រៀងភ្លែត។
ពិសេសចង់បន្សាបទស្សនៈយល់ច្រឡំ លង់ជឿពាក្យចចាមអារ៉ាមដែលថា ការរៀនចាប៉ីដងវែងយូរៗទៅនឹងធ្វើឲ្យងងឹតភ្នែកទើបធ្វ្វើផ្នែកតន្ត្រីចាប៉ីដងវែងមួយនេះ ថមថយនូវប្រជាប្រិយភាពលែងមានអ្នកចាប់អារម្មន៍រៀន ក៏ដូចជាចង់លេង។ ដូច្នេះ ចង់បង្ហាញឲ្យយុវវ័យខ្មែរឲ្យចាប់អារម្មណ៍លើឧបករណ៍តន្ត្រីបុរាណនេះ ខណៈវាមិនមែនបែបនោះទេហើយក៏អាចប្រគំក្នុងបទសម័យបានដែរ អីចឹងលោកសំណូមពរចូលរួមឲ្យបានច្រើនកោះករក្នុងកម្មវិធីនេះផង ដើម្បីឆ្លៀតឱកាសចូលរួមផ្សព្វផ្សាយ និងលើកសិល្បៈដែលជិតបាត់បង់មួយនេះផងដែរ៕
ផ្តល់សិទ្ធរូបភាពដោយ៖ លោក ពេជ្រ សារ៉ាត់