- 2019-10-25 04:50:00
- ព័ត៌មាន
Luna បង្ហោះរូប ១សន្លឹករម្លឹកអតីតកាល និងក្ដីនឹករលឹកដល់ Sulli
- 2019-10-25 04:50:00
- ចំនួនមតិ 0 | ចំនួនចែករំលែក 0
Luna បង្ហោះរូប ១សន្លឹករម្លឹកអតីតកាល និងក្ដីនឹករលឹកដល់ Sulli
ចន្លោះមិនឃើញ
Luna សមាជិក f(x) បានបង្ហោះរូបថតមួយសន្លឹកលើ Instagram ក្នុងន័យរម្លឹកអតីតកាលល្អជាមួយសមាជិក ៤នាក់ផ្សេងទៀតរបស់ក្រុម ពិសេសហាក់ដូចជាចង់ឲ្យ Sulli បានដឹងថានាងស្រឡាញ់ប្អូនស្រីរួមក្រុមម្នាក់នេះយ៉ាងណា។
ក្នុង Post នោះ Luna បានសរសេរថា៖ «ជូនចំពោះសមាជិកដែលខ្ញុំស្រឡាញ់ ខ្ញុំពិតជាអរគុណខ្លាំងសម្រាប់អ្នកទាំងអស់ដែលនៅជាមួយខ្ញុំជាប់រយៈពេល ១០ឆ្នាំកន្លងមក... Sulli ដ៏ស្រស់ស្អាតរបស់យើង បងកំពុងតែ Post ពីប្អូនហើយ។ បងបានសើចសប្បាយច្រើន ហើយក៏យំច្រើនដងដែរដោយសារអូន... យើងក៏ធ្លាប់ឈ្លោះគ្នាច្រើនដង មិនអ៊ីចឹងហ្អី? បងសុំទោស ដែលបងមិនអាចនៅមើលថែអូនឲ្យបានច្រើនជាងនេះ ហើយបងមិនបានផ្ដល់ក្ដីស្រឡាញ់ឲ្យអូនឲ្យបានច្រើនជាងនេះ។ បងសូមបួងសួងសូមឲ្យ Sulli ស្រស់ស្អាតរបស់បង រះបញ្ចេញពន្លឺចែងចាំងនៅលើមេឃដ៏សែនស្រស់ស្អាត។ បងស្រឡាញ់អូនណាស់។ បងចង់និយាយថា អរគុណប្អូនណាស់ គ្មានពាក្យអ្វីមកបញ្ជាក់បាន។ អូនជាក្មេងស្រីគួរឲ្យស្រឡាញ់ ដែលនៅតែជាក្មេងមិនទាន់ធំ, ប្អូនស្រីរបស់បង»៕
រម្លឹកកាលពីដឹងព័ត៌មានមរណៈរបស់ Sulli សមាជិក f(x) ៤នាក់បានផ្អាកការងាររៀងៗខ្លួន ដើម្បីមកបុណ្យសព និងជូនដំណើរ Sulli របស់ពួកគេជាលើកចុងក្រោយ៕