- 2019-11-21 02:34:22
- ព័ត៌មាន
បើមានទម្លាប់ដូចគ្នា តាមដានបទពិសោធន៍ ករុណា ពេជ្រ ប្រិយមិត្តនឹងដឹងថា បើកបរបែបណាឲ្យកាន់តែសុវត្ថិភាព
- 2019-11-21 02:34:22
- ចំនួនមតិ 0 | ចំនួនចែករំលែក 0
បើមានទម្លាប់ដូចគ្នា តាមដានបទពិសោធន៍ ករុណា ពេជ្រ ប្រិយមិត្តនឹងដឹងថា បើកបរបែបណាឲ្យកាន់តែសុវត្ថិភាព
ចន្លោះមិនឃើញ
លោក ករុណា ពេជ្រ បានជួបហេតុការណ៍នឹកស្មានមិនដល់កាលពីប្រមាណ៣ខែមុន ដោយត្រូវក្រុមជនខិលខូចកាក់ឡាន បម្រុងធ្វើសកម្មភាពផ្សេងៗទាំងរំលងអធ្រាត្រ។ បញ្ហានោះ សាមីខ្លួនបានបង្ហើបថា បញ្ហានេះ ដោយសារតែលោកមានទម្លាប់បើករថយន្តពេលយប់តែនៅលើផ្លូវតូចៗ។
ត្បិតថា រឿងរ៉ាវបានកើតឡើងតាំងពីជាង ៣ខែមុនក៏ពិតមែន ប៉ុន្តែតារាប្រុសរូបនេះ ទើបតែយកមកលាតត្រដាងកាលពីសប្ដាហ៍មុន ក្រោយពីលោកបានឃើញបងប្អូនប្រជាពលរដ្ឋផ្សេងទៀត បានជួបករណីដូចលោកដែរ។ ដូច្នេះហើយ ទើបលោកសម្រេចបើកទូលាយចែកជូនមហាជនដឹង និងទុកជាបទពិសោធន៍ ព្រមទាំងបង្កើនភាពប្រុងប្រយ័ត្នផង។
និយាយពីហេតុការណ៍នោះ លោក ករុណា ពេជ្រ បានឲ្យដឹងថា នាយប់មួយ(កាលពីប្រមាណ៣ខែមុន) វេលាម៉ោងប្រមាណ២រំលងអាធ្រាត្រលោកបានបើករថយន្តតែម្នាក់ឯងចេញពីការងារច្រៀងនៅក្លឹបយូខេក្នុងបំណងត្រឡប់ទៅផ្ទះវិញ។ លោកបានធ្វើដំណើរតាមផ្លូវតូចៗ ក្នុងភូមិសាស្ត្រក្រោយផ្សារដីហុយ លុះមកដល់ចំណុចកើតហេតុ ក៏មានជនខិលខូចមួយក្រុមមានគ្នា ៥នាក់ បានចេញមករាំងផ្លូវលោកឲ្យឈប់។
ប៉ុន្តែលោកអត់បានឈប់ទេ និងបានបន្ថែមល្បឿនបំណងគេចពីក្រុមនេះ។ ពេលឃើញ មិនព្រមឈប់ឡានហើយព្យាយាមបើកគេចបែបនេះ ក្រុមជនខិលខូច ក៏បានយកដុំថ្មគប់រថយន្តរបស់លោកធ្វើឲ្យបែកកញ្ចក់តែម្ដង។ ។ចាត់ទុកថាសំណាងនៅមានលោក ករុណា ពេជ្រ បានគេចផុតគ្រោះអាក្រក់ទាំងព្រលឹងចុងសក់។ "កម្លាំងដៃរបស់វាខ្លាំងណាស់ បងឯងគិតមើលកញ្ចក់ឡាន ៥៧០ វាគប់ឡើងធ្លុះភ្លុចដូចគ្រាប់កាំភ្លើង បើកម្លាំងដៃល្មមៗត្រឹមតែប្រេះអីទេ តែនេះបងឯងមើល...សំណាងណាស់ដែលមិនត្រូវខ្ញុំ បើត្រូវក្បាល មិនដឹងថាសន្លប់ ឬក៏ធ្ងន់ជាងហ្នឹងផងមិនដឹង!"
ជាមួយបទពិសោធន៍នេះ តារាផលិតកម្មថោន បានឲ្យដឹងថា តាមទម្លាប់របស់លោករាល់ពេលបើកបរនៅពេលយប់ គឺលោកចូលចិត្តបើកតែនៅលើផ្លូវតូចៗជាងផ្លូវធំ ដោយសារតែលោកយល់ថា ផ្លូវតូច ឬផ្លូវក្នុងស្ងាត់ល្អ ទូលាយស្រួលបើកបរជាងផ្លូវធំដែលភាគច្រើនជួបបញ្ហាកកស្ទះ។ ប៉ុន្តែដោយសារតែស្ងាត់ល្អបែបនេះហើយ ទើបលោកបានជួបរឿងខាងលើ ដែលស្ទើរតែនឹងមានរឿងនឹកស្មានមិនដល់កើតឡើង។
“តាំងពីជួបរឿងហ្នឹងមក ឥឡូវពេលយប់ ខ្ញុំជិះតែផ្លូវធំវិញហើយ លែងជិះហើយឲ្យអាផ្លូវតូចហ្នឹង ព្រោះអាងតែស្ងាត់ល្អ ប៉ុន្តែអាផ្លូវតូចហ្នឹង វាឆក់ឱកាសដែរ!" ករុណា ពេជ្រ ថ្លែង។ ក្រៅពីជួបហេតុការណ៍ជនខិលខូចស្ទាក់ផ្លូវ កាលពីខែមុន ករុណា ពេជ្រ ក៏ទើបនឹងជួបករណីចោរកម្មមួយដែរ ដោយកញ្ចក់មើលចំហៀងរថយន្តស៊េរីទំនើបតម្លៃជាង ២០ម៉ឺនដុល្លារផ្នែកខាងឆ្វេង ត្រូវចោរលួចយកទៅបាត់។
កញ្ចក់នោះ ត្រូវបានលោក ករុណា ពេជ្រ អះអាងថា ដាក់ថ្មីអស់ ២០០ដុល្លារ ដោយឡែកកញ្ចក់ទ្វារក្រោយដែលគេគប់បែកនោះ ដាក់ថ្មីអស់ ១០០ដុល្លារអាមេរិកទៀត៕
