- 2019-11-29 03:32:14
- ចម្រៀង
បានសប្បាយហើយ ជួយជាតិទៀត! តន្រ្តីសប្បុរសធម៌ពីតារា Original ល្បីៗ រកលុយជួយពេទ្យគន្ធបុប្ផា
- 2019-11-29 03:32:14
- ចំនួនមតិ 0 | ចំនួនចែករំលែក 0
បានសប្បាយហើយ ជួយជាតិទៀត! តន្រ្តីសប្បុរសធម៌ពីតារា Original ល្បីៗ រកលុយជួយពេទ្យគន្ធបុប្ផា
ចន្លោះមិនឃើញ
កញ្ចនា កញ្ញាពេជ្រ សោភា កញ្ញា Adda លោក G-Devith កញ្ញា Laura Mam លោកអូន និងកញ្ញាទេព បូព្រឹក្ស នឹងរួមគ្នាសម្តែងក្នុងកម្មវិធីប្រគំតន្ត្រីសប្បុរសធម៌របស់ក្រុមហ៊ុន Smart ដែលនឹងប្រព្រឹត្តឡើងនៅថ្ងៃទី១៥ ខែធ្នូ ឆ្នាំ២០១៩ នៅរោងមហោស្រពកោះពេជ្រ ក្នុងរាជធានីភ្នំពេញ ក្រោមទស្សនទាន «ធ្វើរឿងល្អថ្ងៃនេះ»។
សំបុត្រមួយសន្លឹកមានតម្លៃតែ ១០ដុល្លារ ហើយរាល់ប្រាក់ចំណូលពីការលក់សំបុត្រទាំងអស់ នឹងត្រូវបរិច្ឆាកទៅឲ្យមូលនិធិគន្ធបុប្ផាកម្ពុជា។ ស្របពេលជាមួយគ្នានេះ ក្រុមហ៊ុន Smart នឹងបរិច្ចាគថវិកាបន្ថែម១០ដុល្លារ ទៅលើរាល់ចំនួនសំបុត្រដែលបានលក់ចេញ ដើម្បីបន្ថែមថវិកាសម្រាប់មូលនិធិពីការលក់សំបុត្រ។ រាល់អតិថិជនទិញសំបុត្រចូលទស្សនាទាំងអស់ នឹងក្លាយសមាជិកគាំទ្រមូលនិធិគន្ធបុប្ផាកម្ពុជា។ សាធារណជនក៏អាចធើ្វការបរិច្ឆេទបន្ថែមទៀតតាមរយៈការទិញសម្ភារៈផ្សេងៗក្នុងការប្រគំតន្ត្រីនេះផងដែរ»។
ក្នុងនាមជាអ្នកផ្តួចផ្តើមកម្មវិធីប្រគំតន្ត្រីនេះ ក្រុមហ៊ុន Smart រួមជាមួយនឹងដៃគូសហការជាច្រើនទៀត នឹងរ៉ាប់រងរាល់ការចំណាយទាំងអស់ ដែលមានចំនួនមិនតិចជាង ១០០ ០០០ ដុល្លារឡើយសម្រាប់ការរៀបចំការប្រគំតន្ត្រី ក៏ដូចជាការបង្កើតយុទ្ធនាការស្វែងយល់បន្ថែម ដើម្បីបង្កើនការបរិច្ឆេទជាសាធារណៈសម្រាប់មូលនិធិនេះ។ លើសពីនេះទៅទៀត ក្រុមហ៊ុន Smart ក៏បានសន្យាផ្ដល់ថវិកាបង្គ្រប់ចំនួនទឹកប្រាក់បរិច្ចាគផងដែរ ប្រសិនបើទឹកប្រាក់ដែលប្រមូលបានពីការលក់សំបុត្រ និងសម្ភារៈផ្សេងៗ មានចំនួនតិចជាងគោលដៅដែលត្រូវបានកំណត់ចំនួន ១០០ ០០០ ដុល្លារនោះ។
សម្រាប់ព័ត៌មានបន្ថែមទាក់ទងនឹងការប្រគំតន្ត្រីខាងមុខនេះ សូមតាមដានលើគេហទំព័រ Facebook ខាងក្រោមនេះ៖ Smile Charithy by Smart និង Smart for Cambodia ឬចូលទៅកាន់គេទំព័រ www.smart.com.kh៕