- 2019-12-06 00:51:00
- ចម្រៀង
អ្នកណាទប់ទឹកភ្នែកបាន! នឹកពេកខំច្រៀងផ្ញើពុកម៉ែកុំអោយបារម្ភពីកូន តែទីបំផុតកូនលាអ្នកមានគុណទៅហើយ
- 2019-12-06 00:51:00
- ចំនួនមតិ 0 | ចំនួនចែករំលែក 0
អ្នកណាទប់ទឹកភ្នែកបាន! នឹកពេកខំច្រៀងផ្ញើពុកម៉ែកុំអោយបារម្ភពីកូន តែទីបំផុតកូនលាអ្នកមានគុណទៅហើយ
ចន្លោះមិនឃើញ
នេះគឺរឿងពិតរបស់ពលករខ្មែរធ្វើការនៅប្រទេសកូរ៉េម្នាក់ឈ្មោះ ពក ពឿន ហៅ ប៊ុនថាន ហើយប្រិយមិត្តនៅលើ Youtube ស្គាល់លោកឈ្មោះថា "Ra Hoo" ដែលពេលនេះលោកបានលាចាកលោកទៅហើយ បន្សល់នូវការសោកស្ដាយ អាឡោះអាល័យ យ៉ាងខ្លាំងពីក្រុមគ្រួសារ និងសូម្បីតែមិត្តភ័ក្ដិពលករបម្រើការនៅប្រទេសកូរ៉េដូចគ្នា។
នៅមុនពេលស្លាប់ដោយសារគាំងបេះដូង កាលពីពាក់កណ្ដាលខែវិច្ឆិកា ប៊ុនថាន ឬ Rahoo ដែលមានរូបរាងស្រស់សង្ហា មានសំឡេងពីរោះដូចតារាចម្រៀងអាជីព បានចេញបទចម្រៀងមួយបទនេះ មានចំណងជើងថា "កូននៅឯកូរ៉េ" ដែលលោកត្អូញថ្ងូរពីក្ដីនឹករលឹក អាឡោះអាល័យ ដែនដី ស្រុកភូមិកំណើត ទីដែលធ្លាប់ជួបជុំ ឥឡូវឃ្លាតឆ្ងាយសែនឆ្ងាយ ពិសេសគឺលោកនឹកអ្នកមានគុណលោកទាំងទ្វេខ្លាំង គឺនឹកខ្លាំងណាស់...។
“ពេលនឹកម្ដងៗ បេះដូងអង្រួនឡើងយោល នឹកដែនដីខ្ញុំ ដែលធ្លាប់បានរស់នៅជុំក្បែរ ឥឡូវត្រូវឃ្លាតកាយរសាត់ឆ្ងាយមកកូរ៉េ...ធ្វើការនៅស្រុកគេ ដួងចិត្តនឹកពុកម៉ែឥតស្បើយ!"។ ឃ្លាមួយដ៏គួរឲ្យស្រណោះនៅក្នុងបទ "កូននៅឯកូរ៉េ"។
ប៊ុនថាន នៅបានសារសព្ទទៀតថា លោកទន្ទឹងតែថ្ងៃចប់អាណត្តិដើម្បីបានត្រឡប់មកផ្ទះជួបជុំពុក និងម៉ែវិញ។ លោកស្នើកុំឲ្យអ្នកមានគុណមានការបារម្ភពីលោកអី លោកនៅស្រុកគេនេះ សុខសប្បាយទេ។
ប៉ុន្តែគួរឲ្យស្រណោះបំផុត ប៊ុនថាន បានលាចាកអ្នកគ្រប់គ្នាដោយមិននឹកស្មាន និងគ្មានថ្ងៃវិលត្រឡប់ទៅហើយ ដោយនាំយកទៅជាមួយនឹងការនឹករលឹកដីភូមិកំណើត ពិសេសអ្នកមានគុណ គ្មានថ្ងៃណាអាចស្រាយបាន។ ប្រិយមិត្តក៏ដូចជាមិត្តធ្វើការនៅកូរ៉េដូចគ្នា ជាច្រើនបានសោកស្ដាយ និងស្រណោះ ដែល ពឿន អភ័ព្វអស់ជីវិតលឿនយ៉ាងនេះ។
ពិសេសពួកគេថ្លែងថា រាល់ពេលដែលពួកគេស្ដាប់បទចម្រៀងពេញដោយមនោសញ្ចេតនា ពេញដោយការត្អូញត្អែររបស់ ពឿន នេះហើយ ធ្វើឲ្យពួកគេរឹតតែស្រណោះពន់ពេក ក្នុងនោះសូម្បីតែអ្នកមិនដែលស្គាល់គ្នាសោះ ក៏ទប់ទឹកភ្នែកមិនជាប់ដែរ។ ពេលនេះអ្វីៗ សល់ត្រឹមអនុស្សាវរីយដែលជាការចងចាំប៉ុណ្ណោះ។ ស្ដាប់ទាំងអស់គ្នាបងប្អូនប្រិយមិត្ត៖
