- 2020-01-02 02:31:08
- ព័ត៌មាន
ផលិតកម្ម SM និង JYP ប្រកាសពីទំនាក់ទំនងស្នេហារវាង Heechul និង Momo ហើយ
- 2020-01-02 02:31:08
- ចំនួនមតិ 0 | ចំនួនចែករំលែក 0
ផលិតកម្ម SM និង JYP ប្រកាសពីទំនាក់ទំនងស្នេហារវាង Heechul និង Momo ហើយ
ចន្លោះមិនឃើញ
ព័ត៌មានទាក់ទងស្នេហារបស់តារា K-Pop ១គូទៀតត្រូវបានបង្ហាញជាផ្លូវការហើយ បន្ទាប់ពីលេចឮដំណឹងចចាមអារ៉ាមអស់រយៈពេលជាយូរមក។
ជាក់ស្ដែងនៅថ្ងៃទី ០២ ខែមករានេះ ដំណឹងស្នេហារវាង Heechul សមាជិកក្រុម Super Junior និង Momo សមាជិកក្រុម TWICE ត្រូវបានបញ្ជាក់ជាផ្លូវការហើយ។ ទំនាក់ទំនងរបស់ពួកគេបានបែកធ្លាយតាំងពីខែសីហា ឆ្នាំ ២០១៩ម្ល៉េះ ប៉ុន្តែត្រូវបានច្រានចោលថាមិនមែនជាការពិត។
ទើបតែឈានចូលឆ្នាំ ២០២០នេះ ផលិតកម្មដែលជាជម្រករបស់អ្នកទាំង ២គឺ Label SJ និង JYP Entertainment បានទទួលស្គាល់ការពិត និងប្រកាសជាសាធារណៈថាពួកគេពិតជាទាក់ទងគ្នាមែន។
Label SJ បានបញ្ជាក់ថា៖ «សួស្ដី នេះគឺ Label SJ ពួកយើងសូមបញ្ជាក់ថា Heechul និង Momo ពិតជាទាក់ទងគ្នាមែន កាលពីពេលថ្មីៗនេះតាំងពីទំនាក់ទំនងក្នុងនាមជា សិស្សច្បង និងសិស្សប្អូន រហូតជិតស្និទ្ធនឹងគ្នាខ្លាំង សូមអរគុណ!»។
មិនខុសគ្នាទេ ងាកទៅផលិតកម្ម JYP វិញក៏បានលើកឡើងដែរថា៖ «សួស្ដី នេះគឺផលិតកម្ម JYP ពួកយើងសូមទទូលស្គាល់ចំពោះទំនាក់ទំនងស្នេហារបស់ Heechul និង Momo។ ថ្មីៗនេះពួកគេមានទំនាក់ទំនងល្អ ជាមួយគ្នា ដោយចាប់ផ្ដើមពីរៀមច្បង និងសិស្សប្អូនក្នុងពិភពសិល្បៈ។ សូមអរគុណ!»
កន្លងមកគេតែងសង្កេតឃើញថា តារាប្រុសស្រីទាំង ២នាក់នេះតែងលើកទឹកចិត្តគាំទ្រគ្នាទៅវិញទៅមកមិនដែលខាន ហើយគូស្នេហ៍ ១គូនេះក៏ទទួលបានការសាទរអបអរជាច្រើនពីអ្នកគាំទ្រមិនតិចដែរ៕