Heechul និង Daniel ក្លាយជា Fanboy របស់ TWICE សំណាងជាងគេលើលោក

2020-01-03 07:03:53
ព័ត៌មាន

2020-01-03 07:03:53
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីការផ្សាយដំណឹងទាក់ទងនឹងសម្ព័ន្ធភាពស្នេហារបស់ Heechul (Super Junior) និង Momo (TWICE) មក ក៏បានក្លាយជាការភ្ញាក់ផ្អើលលើកទី២ សម្រាប់ក្រុមចម្រៀងនារី TWICE បន្ទាប់ពីព័ត៌មានរបស់ Jihyo និង Kang Daniel។

Jihyo និង Kang Daniel

មនុស្សភាគច្រើនសុទ្ធតែដឹងច្បាស់ថា តារាប្រុសទាំង ២នេះជាអ្នកគាំទ្រស្មោះស្ម័គ្ររបស់ក្រុម TWICE។ តួយ៉ាងដូចក្នុងភាគមួយរបស់ Wanna One មានឈ្មោះថា "Wanna One Go” Kang Daniel មិនស្ទាក់ស្ទើរនឹងបង្ហាញក្បាច់រាំបទ "Signal” របស់ TWICE ឡើយ បន្ទាប់ពីឮ Yoon Jisung ច្រៀងភ្លាម។

មិនត្រឹមតែប៉ុណ្ណោះ លោកថែមទាំងបានបង្ហាញកាយវិការជារាងបេះដូងទៀតផង ទាំងដែលខ្លួនមិនទាន់ស្វាងពីដំណេកស្រួលបួល។

ចំណែក Heechul វិញក៏មិនខុសគ្នាប៉ុន្មានដែរ ជាឧទាហរណ៍បើរម្លឹកទៅភាគចាស់មួយក្នុងកម្មវិធី Knowing Bros ស្រីស្អាត Momo បានបង្ហាញក្បាច់រាំមួយក្នុងបទ "Signal”។ គ្រាន់តែឃើញភ្លាម Heechul ក៏បានត្រាប់តាមយ៉ាងលឿនតបទៅ Momo វិញ អមជាមួយនឹងស្នាមញញឹមបង្ហាញពីក្ដីពេញចិត្តបំផុត។

ផ្អែកតាមភស្តុតាងកំប្លែងៗទាំងនេះ ពិតជាបានបញ្ជាក់ថា ទាំង Heechul និង Daniel ពិតជាសមជា Fanboy របស់ TWICE ណាស់ ហើយរឿងនេះគ្រប់គ្នាសុទ្ធតែដឹង មុនព័ត៌មានប្រកាសពីទំនាក់ទំនងទទួលស្គាល់ពីស្នេហារបស់ពួកគេទៀត។ សរុបមកបញ្ជាក់បានថា កំលោះសង្ហាទាំង ២ ពិតជាអ្នកគាំទ្រដ៏មានសំណាងបំផុតដែលអាចឆក់បេះដូងស្រីស្អាតប្រចាំក្រុម ២នាក់នេះបាន៕