- 2020-01-04 05:19:34
- ព័ត៌មាន
ហេតុតែគេ! បើកក្បាល២០២០ ឡុង ថាវរី មានមនុស្សពិសេសជូនកាដូរថយន្តតម្លៃ១៥ម៉ឺនដុល្លារ
- 2020-01-04 05:19:34
- ចំនួនមតិ 0 | ចំនួនចែករំលែក 0
ហេតុតែគេ! បើកក្បាល២០២០ ឡុង ថាវរី មានមនុស្សពិសេសជូនកាដូរថយន្តតម្លៃ១៥ម៉ឺនដុល្លារ
ចន្លោះមិនឃើញ
គ្រាន់តែបើកក្បាលឆ្នាំថ្មី ២០២០ មិនបានប៉ុន្មានផង តារាសម្ដែង ឡុង ថាវរី បានទទួលកាដូដ៏ធំមួយពីមនុស្សពិសេសរបស់នាង ដែលកាដូនោះ គឺរថយន្តប្រណិតម៉ាក់ឡិចស៊ីសដែលមានតម្លៃខ្ពស់សម្បើម ដល់ទៅជាង ១៥ម៉ឺនដុល្លារអាមេរិកឯណោះ។
រថយន្តដ៏ប្រណិតនេះ គឺម៉ាក Lexus RX ស៊េរីឆ្នាំ 2020 នេះតែម្ដង ដែលនាងបានបង្ហោះនៅលើបណ្ដាញសង្គមរបស់នាង បញ្ជាក់ពីការមកដល់របស់ជាទីស្រឡាញ់របស់នាង។ ថាវរី សរសេរថា "រង់ចាំយូរហើយទើបតែមកដល់ សែនស្រលាញ់ពេញបេះដូង នាំហេងៗអោយម៉ាក់ណាកូនស្រី️️ឆ្នាំថ្មីនេះ"។ សារនេះ ក៏បានធ្វើឲ្យប្រិយមិត្តរបស់នាងជាច្រើន ចូលមកអបអរជាមួយនាង។
តាមការបញ្ជាក់របស់តារាស្រីដដែល នេះគឺជាកាដូពិសេសពីមនុស្សសំខាន់របស់នាង ក្នុងនោះ គឺមិនមានអ្នកណាឆ្ងាយទេ គឺជាអ្នកម្ដាយតែម្ដង។ ថាវរីថា ម្ដាយទិញរថយន្តលំដាប់មួយនេះ ធ្វើជាកាដូឲ្យនាង ហើយនោះជាលុយរបស់អ្នកមានគុណសុទ្ធ មិនមានចំណែកលុយរបស់នាងទេ ដែលកាដូនេះ បានធ្វើឲ្យនាងសប្បាយចិត្តយ៉ាងខ្លាំង។
តារាស្រី បញ្ជាក់នេះ នាងបានកុម្ម៉ង់ពីសហរដ្ឋអាមេរិកតែម្ដង ដោយមិនបានទិញនៅក្នុងស្រុកនោះទេ ទើបជាហេតុធ្វើឲ្យរថយន្តមួយនេះ មានតម្លៃកប់តែម្ដង គឺសរុបទាំងអស់មានតម្លៃដល់ទៅជាង ១៥ម៉ឺនដុល្លារអាមេរិកឯណោះ។ "ខ្ញុំកុម្ម៉ង់ដឹងពីអាមេរិកមកហ្មងបង អត់បានទិញនៅក្នុងស្រុកទេ ព្រោះកាលដែលខ្ញុំរកទិញនោះ ក្រុមហ៊ុននៅក្នុងស្រុកយើងនេះ អត់ទាន់មានទេ ទើបខ្ញុំធ្វើការកុម្ម៉ង់តែម្ដង ហើយវាទើបនឹងមកដល់ថ្មីៗហ្នឹងឯង!”។
កញ្ញា ឡុង ថាវរី គឺជាអតីតជយលាភីលេខ៣ ក្នុងការប្រឡងបវរកញ្ញា Miss Nikkon។ នាងបានចូលសិល្បៈអំឡុងឆ្នាំ ២០១៤ និងបានផ្អាកពីសិល្បៈទៅវិញ អំឡុងឆ្នាំ ២០១៧។ ក្រោយពីផ្អាកពីការងារសិល្បៈ ថាវរី បានងាកមកសម្ងំរកស៊ីជាមួយម្ដាយវិញ ក្នុងតាមដែលនាងធ្លាប់ប្រាប់សារព័ត៌មាន គឺនាងរកស៊ីធ្វើជាអ្នកចងការប្រាក់ និងមុខរបរមួយចំនួនទៀត។
ទាំងនេះ បានធ្វើឲ្យតួឯកស្រីក្នុងរឿង "2 Brother" អាចរស់នៅជាមួយជីវិតហ៊ឺហារ ទោះមិនពឹងសិល្បៈក៏ដោយ។ បែបនេះ ក្ដីកញ្ញា ឡុង ថាវរី ប្រាប់ថា សិល្បៈនាងក៏មិនចោលដែរ នៅពេលវេលាអំណោយផលមួយ នាងនឹងងាកខ្លះមករកការងារដែលនាំឲ្យគេស្គាល់នាងតាំងពីដំបូងនេះ៕