- 2020-02-27 02:20:42
- ភាពយន្ត
តារាសម្ដែងជើងចាស់ លោក ម៉េង សាវុធ អន្ទះសាចង់ថតរឿងសំខាន់មួយនៅក្នុងឆ្នាំ២០២០ នេះ
- 2020-02-27 02:20:42
- ចំនួនមតិ 0 | ចំនួនចែករំលែក 0
តារាសម្ដែងជើងចាស់ លោក ម៉េង សាវុធ អន្ទះសាចង់ថតរឿងសំខាន់មួយនៅក្នុងឆ្នាំ២០២០ នេះ
ចន្លោះមិនឃើញ
តារាសម្ដែងជើងចាស់ បានប្រឡូកក្នុងវិស័យភាពយន្ដតាំងឆ្នាំ១៩៨៧។ លោក ម៉េង សាវុធ ទន្ទឹងរង់ចាំថតរឿង"មរណៈមាតា” ដែលអគ្គនាយកដ្ឋានស្ថានីយ៍ទូរទស្សន៍ជាតិកម្ពុជា និងផលិតកម្មមហាហង្ស សហការគ្នាផលិតខ្សែភាពនេះឡើងវិញ ដើម្បីទាក់ទាញទស្សនិកជន។
លោក ម៉េង សាវុធ៖"យើងងាកមកជួយជាតិតាមរយៈផលិតរឿងភាគទៅចាក់នៅ ទ ទ ក ដើម្បីទទួលបានការគាំទ្រឡើងវិញ។ រឿងនេះមិនយកលំនាំតាមណាគេទាំងអស់ តែយើងសង្ខេបយកសាច់រឿងមរណៈមាតាខ្មែរយើងពីដើមទៅដាក់ដែរ ហើយបញ្ចូលនូវសាច់រឿងពិតក្នុងសង្គមបច្ចុប្បន្ន"។
លោក ម៉េង សាវុធ នឹងសម្ដែងជាតួអង្គសំខាន់ម្នាក់ក្នុងរឿងនេះ គឺជាតួអង្គសេដ្ឋីមានប្រពន្ធពីរដោយប្រពន្ធដើមស្លាប់ ហើយយកប្រពន្ធចុងមួយទៀត។ ប្រពន្ធ និងកូនចុងសេដ្ឋី បានតាមឈ្នានីសកូនដើម ឬនាងមរណៈមាតា និងម្ដាយដែលស្លាប់កើតទៅជាត្រីដំរីហើយនោះក៏នៅតែតាមឈ្នានីសទៀត។ ប៉ុន្ដែលោកម៉េង សាវុធ ថាឈុតឆាកខ្លះអ្នកនិពន្ធនឹងប្ដូរវាឲ្យស៊ីទៅនឹងសាច់រឿងសង្គមខ្មែរយើងជាក់ស្ដែងដែរ។
រូបភាព៖ ហ្វេសប៊ុក ម៉េង សាវុធ
បើតាមលោក ម៉េង សាវុធ។ រឿង"មរណៈមាតា"ថ្មីនេះ នឹងចាប់ផ្ដើមថតនៅក្នុងខែមេសា ឆ្នាំ២០២០ ពោលគឺនៅក្រោយថ្ងៃ បុណ្យចូលឆ្នាំខ្មែរ ប្រពៃណីជាតិ។ ការសម្រេចថតរឿងនេះនៅក្នុងខែមេសា គឺបន្ទាប់ពីអ្នកនិពន្ធ បានដកស្រង់សាច់រឿងដើមរបស់ខ្មែរទាក់ទងនឹងរឿងមរណៈមាតា ហើយបានសរសេរបន្ថែមលើចំណុចខ្លះ ដើម្បីតម្រូវទៅតាមស្ថានភាពសង្គម និងតម្រូវចិត្ដរបស់ទូរទស្សនិកជន៕