- 2020-03-11 02:33:34
- ព័ត៌មាន
សម្រេចហើយ! BIGBANG ព្រមបន្តកុងត្រារួមរស់ជាមួយ YG បន្តទៀត
- 2020-03-11 02:33:34
- ចំនួនមតិ 0 | ចំនួនចែករំលែក 0
សម្រេចហើយ! BIGBANG ព្រមបន្តកុងត្រារួមរស់ជាមួយ YG បន្តទៀត
ចន្លោះមិនឃើញ
ផលិតកម្ម YG បានប្រកាសជាផ្លូវការហើយថា ក្រុមចម្រៀង BIGBANG នឹងបន្តកុងត្រារបស់ពួកគេ ជាមួយផលិតកម្មជាថ្មី ដោយក្នុងនោះទាំង G-Dragon, T.O.P, Taeyang និង Daesung សម្រេចច្បាស់លាស់ថាត្រូវរួមសុខទុក្ខជាមួយគ្នាជាក្រុម និងផលិតកម្មបន្តទៀត។
គិតដល់ឆ្នាំ ២០២០នេះ BIGBANG នៅជាមួយ YG រយៈពេល ១៥ឆ្នាំហើយ។ សមាជិកទាំងអស់បានចំណាយពេលហ្វឹកហាត់ជាមួយគ្នា តាំងតែផលិតកម្មនេះនៅជាក្រុមហ៊ុនតូចម្ល៉េះ។ BIGBANG បានបង្ហាញមុខជាក្រុមរួមគ្នាតាំងពីឆ្នាំ ២០០៦ ហើយចាប់ផ្ដើមទទួលបានភាពជោគជ័យជាបន្តបន្ទាប់ ហើយអាចនិយាយបានថាក្រុមនេះ គឺជាគ្រាប់ពេជ្យរបស់ YG ដែលស្ទួយផលិតកម្មរហូតមានមុខមាត់ខ្លាំងនៅក្នុងប្រទេសកូរ៉េ។
ងាកទៅដើមឆ្នាំនេះ ទីផ្សារភាគហ៊ុនក្នុងប្រទេសកូរ៉េបានទស្សន៍ទាយថា ភាគហ៊ុនរបស់ YG អាចឡើង ឬចុះអាស្រ័យទៅលើ ថាតើ BIGBANG សម្រេចនៅបន្ត ឬបញ្ចប់កុងត្រាជាមួយផលិតកម្ម។ ប៉ុន្តែពេលនេះលទ្ធផលចេញហើយថាក្រុមនេះនឹងបន្តវាសនាជាមួយផលិតកម្ម ដូចនេះភាគហ៊ុនរបស់ពួកគេអាចនឹងមានសុវត្ថិភាពនៅឆ្នាំនេះ។
សម្រាប់ YG ក៏បានលើកឡើងដែរថា ពួកគេនឹងបន្តគាំទ្រពេញទំហឹងចំពោះ BIGBANG សម្រាប់ការចេញបទថ្មីៗនៅពេលខាងមុខ ទោះបីមានសមាជិកសល់ ៤នាក់ក៏ដោយ។ ជាមួយគ្នានោះ គ្រាន់តែសមាជិកវិលពីបំពេញកាតព្វកិច្ចក្នុងជួរទាហានចប់ ពួកគេគ្រោងនឹងឡើងសម្ដែងនៅក្នុងកម្មវិធី Caochella 2020 នៅខែមេសា។ ប៉ុន្តែដោយសារមេរោគឆ្លង COVID-19 នៅអុកឡុកសាហាវបេក ទើបកម្មវិធីត្រូវពន្យារដល់ខែតុលាវិញ៕