- 2020-03-12 09:51:26
- ព័ត៌មាន
សង្ស័យលាភធំហើយ ទ្រី ដាណា ប្រកាសរកជាងគំនូរដែលគូររូបខ្លួនបានស្អាតបំផុត
- 2020-03-12 09:51:26
- ចំនួនមតិ 0 | ចំនួនចែករំលែក 0
សង្ស័យលាភធំហើយ ទ្រី ដាណា ប្រកាសរកជាងគំនូរដែលគូររូបខ្លួនបានស្អាតបំផុត
ចន្លោះមិនឃើញ
ថៅកែហាងពេជ្រល្បីឈ្មោះមួយនៅខណ្ឌព្រែកព្នៅ និងជាអគ្គនាយិកាក្រុមហ៊ុននាំចូល និងចែកចាយផ្ដាច់មុខនូវផលិតផលសម្អាងម៉ាក N N P គឺអ្នកនាង ទ្រី ណា ប្រកាសរកជាងគំនូរម្នាក់ដែលបានគូររូបអ្នកនាងយ៉ាងវិចិត្រ ដើម្បីផ្ដល់កាដូ។
ទស្សនិកជនភាគបានស្គាល់ ទ្រី ដាណា តាមរយៈសកម្មភាពច្រៀង ឡាយលក់ពេជ្រ និងសកម្មភាពមនុស្សធម៌ជាច្រើនទៀត។ គេជឿថា ការប្រកាសរបស់អ្នកនាង នៅពេលនេះអាចជាលាភធំសម្រាប់ម្ចាស់គំនូរក្នុងការទទួលវត្ថុអនុស្សាវរីយ៍ ឬប្រាក់រង្វាន់ពីនាង ព្រោះគេសង្កេតឃើញថា ទ្រី ដាណា គឺជាមនុស្សដៃទូលាយ ចូលចិត្តធ្វើបុណ្យ ហើយតែងតែឲ្យតម្លៃការងារគ្រប់ប្រភេទ។
នៅលើទំព័រហ្វេសប៊ុករបស់ ទ្រី ដាណា ផ្ទាល់បានបង្ហោះរូបគំនូរមួយមួយសន្លឹកដែលជារូបរបស់អ្នកនាងមានពាក់ពេជ្រ និងបួងសក់ឡើងលើយ៉ាងស្រស់សោភា អមដោយពាក្យពេចន៍កោតសរសើរពីនាង។ នៅក្នុងសារនោះក៏បានស្នើឲ្យម្ចាស់គំនូរទាក់ទងមកអ្នកនាងផ្ទាល់ ដើម្បីទទួលរង្វាន់។
ម្ចាស់គណនីយហ្វេសប៊ុកមួយដែលមានឈ្មោះថា Won smile Lee បានបង្ហោះគំនូរដែលជារូបរបស់អ្នកនាង ទ្រី ដាណា ហើយទទួលបានការគាំទ្រយ៉ាងខ្លាំងពីសាធារណៈជន។
តាមរយៈហ្វេសប៊ុកនេះ គេស្គាល់ថា ម្ចាស់គំនូរមានវ័យក្មេង តែមានទឹកដៃល្អឯក ដោយបានគូររូបអ្នកល្បីៗជាច្រើនដូចជា៖ លោក ស៊ីន ស៊ីសាមុត អ្នកនាង អម្ពរ ទេវី ម្ចាស់កវីស្ទឹងសង្កែ លោក គង្គ ប៊ុនឈឿន អ្នកនាង ទូច ស៊ុននិច្ច និងរូបរបស់លោកវេជ្ជបណ្ឌិត Beat Richner ជាដើម៕