- 2020-03-13 07:40:22
- ព័ត៌មាន
Taeyeon ចេញទម្លាយអារម្មណ៍ពិតលើកដំបូង ក្រោយឪពុកលាចាកលោកថ្មីៗនេះ
- 2020-03-13 07:40:22
- ចំនួនមតិ 0 | ចំនួនចែករំលែក 0
Taeyeon ចេញទម្លាយអារម្មណ៍ពិតលើកដំបូង ក្រោយឪពុកលាចាកលោកថ្មីៗនេះ
ចន្លោះមិនឃើញ
Taeyeon មេក្រុម Girls Generation បានបង្ហោះសារមួយនៅលើគណនី Instagram របស់នាង បង្ហាញទៅកាន់អ្នកគាំទ្រទាំងអស់ ពីមរណភាពរបស់ឪពុកជាទីគោរព ដែលបានឃ្លាតឆ្ងាយទៅ ទីសែនឆ្ងាយចំថ្ងៃខួបកំណើតរបស់នាងដែលជាកូន។
នេះជាលើកដំបូងបង្អស់ដែលនាងបង្ហោះរូបលើបណ្ដាញសង្គម ចាប់តាំងពីឪពុករបស់នាងទទួលមរណភាព។ រូបដែលបង្ហោះនោះ ជារូបនាងជាមួយនឹងឪពុកម្ដាយ បង្ហាញពីពេលវេលាដ៏មានសុភមង្គល។ នាងក៏មានភ្ជាប់ជាមួយសារដ៏វែងនោះ នាងបានបង្ហាញពីអារម្មណ៍ពិតដែលដែលនាងបានទទួលទាំងរឿងរីករាយ គឺចំថ្ងៃកំណើតរបស់នាង និងទាំងរឿងសោកសៅ ទាក់ទងនឹងមរណភាពឪពុក។
«ខ្ញុំចង់ឱកាសនេះបង្ហាញនូវអំណរគុណដ៏ជ្រាលជ្រៅចំពោះអ្នកទាំងអស់គ្នា ដែលផ្ញើសារជាច្រើនមកកាន់ខ្ញុំ ទាំងសារអបអរសាទរ (សម្រាប់ថ្ងៃខួបកំណើត) និងលួងលោមខ្ញុំ (សម្រាប់ការបាត់បង់ឪពុកជាទីស្រឡាញ់) ចំថ្ងៃតែមួយគឺថ្ងៃទី ០៩ ខែមីនា ឆ្នាំ ២០២០។
មនុស្សជាច្រើន បានមកឱប និងផ្ដល់ភាពកក់ក្ដៅ និងលួងលោមខ្ញុំ។ ជាមួយនឹងក្ដីស្រឡាញ់ និងការមើលថែទាំងនេះ ខ្ញុំនឹងបន្តរស់នៅឲ្យល្អជាទីបំផុត។
សម្រាប់អ្នកដែលមកសួរសុខទុក្ខខ្ញុំភ្លាមៗ ក៏ដូចជាអ្នកដែលសួរសុខទុក្ខពីចំងាយ... ខ្ញុំចង់សុំការយោគយល់ និងអភ័យទោសពីអ្នកទាំងអស់ ដែលខ្ញុំមិនអាចឆ្លើយតប និងអរគុណផ្ទាល់ដល់អ្នកទាំងអស់គ្នាម្ដងម្នាក់។ទាំងគ្រួសារ និងខ្ញុំខ្លួនឯង ថ្ងៃទី ០៩ ខែមីនា ជាថ្ងៃដែលយើងមិនអាចបំភ្លេចបានដាច់ខាត។
ឪពុករបស់ខ្ញុំ តែងនៅជិតខ្ញុំគ្រប់ពេលជានិច្ច តាំងតែពីថ្ងៃដំបូងដែលខ្ញុំចាប់ផ្ដើមអាជីពចម្រៀង ស្របពេលខ្ញុំនៅជាក្មេងនៅឡើយ។ គាត់តែងបញ្ឆេះម៉ាស៊ីនឡានចាំ មុនពេលខ្ញុំចូលឡានទៅទៀត ហើយគាត់តែងតែបង្រៀនកូនឲ្យចេះផ្លាស់ប្ដូររហូត។ សូម្បីពេលនេះ ខ្ញុំនៅតែច្បាស់ក្នុងចិត្តដូចមុនថា គាត់ឈានទៅមុខមួយជំហានទៅមុខ មុនយើងទៀតហើយ។ ខ្ញុំជឿថា គាត់នឹងមើលថែការពារយើងទាំងអស់ ពីទីដ៏ស្ងប់សុខ។
ជាចុងបញ្ចប់ ខ្ញុំចង់ថ្លែងអំណរគុណចំពោះគ្រប់គ្នា ដែលបានបារម្ភពីពួកយើង និងតែងព្យាយាមធ្វើអ្វីគ្រប់យ៉ាងសម្រាប់យើង! មួយទៀត លោកប៉ា Taeyeon ស្រឡាញ់ប៉ាខ្លាំងណាស់៕»