មានប៉ុន្មានបទ ខ្លាំងដូចបទរបស់ ទេព បូព្រឹក្ស តែប៉ុន្មានម៉ោងរកបាន១លានដងផុយ

2020-03-31 00:11:00
ចម្រៀង

2020-03-31 00:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទេព បូព្រឹក្ស និងគូស្នេហ៍ ងួន ចាន់ដេវីដ បានផ្ទុះខ្លាំងជាមួយបទចម្រៀងថ្មីមួយបទមានចំណងជើងថា "អួតសាហាវ" ដែលក្រោយចេញលើបណ្ដាញសង្គមប៉ុន្មានម៉ោងប៉ុណ្ណោះទទួលបានការចុចចូលទស្សនា១លានដងទៅហើយ។

វីដេអូចម្រៀងបទ "អួតសាហាវ" បានចេញផ្សាយនៅលើទំព័រហ្វេសប៊ុកផ្លូវការរបស់តារាស្រីកាលពីសប្ដាហ៍មុន ដោយបានបង្ហាញពីការគាំទ្រខ្លាំងដូចទឹកបាក់ទំនប់ ដែលបានធ្វើឲ្យ បូព្រឹក្ស ទប់រំភើបមិនបាន។ "ពិតជាអរគុណខ្លាំងមែនទែនដល់បងប្អូនទាំងអស់គ្នាដែលតែងតែគាំទ្រនាងខ្ញុំ រឹតតែរំភើបទៀត MV បទ "អួតសាហាវ" បាន1លាន views ក្នុងរយ:ពេលត្រឹមតែ14ម៉ោង 70.5k like 9k share អរគុណមែនទែនបងប្អូន ក៏ដូចជាFanទាំងអស់"។ បូព្រឹក ថ្លែង។

គូស្នេហ៍លោក ដេវីដ បន្តថា នេះជាការជំរុញទឹកចិត្តអោយនាង និងក្រុមការងារទាំងអស់អោយរឹតតែប្រឹងបង្កើតអ្វីថ្មីសម្រាប់អ្នកគាំទ្រទាំងអស់គ្នា ហើយថា វីដេអូចម្រៀងបទថ្មីរបស់នាងមួយទៀត អាចនឹងចេញនៅក្នុងសប្ដាហ៍នេះទៀត យ៉ាងណា មិនទាន់បង្ហាញពីចំណងជើងនៅឡើយ។

បទ "អួតសាហាវ" បានបង្ហាញឲ្យឃើញពីភាពខុសប្លែកជាច្រើនធៀបនឹងបទចម្រៀងនានាក្នុងអតីតកាល។ បទនេះ ជាប្រភេទរបស់ចង្វាក់ប្រជាប្រិយយ៉ាងកម្ររបស់គូស្នេហ៍វ័យក្មេង។ ក្រៅពីនេះ ការសម្ដែងបានប្រព្រឹត្តទៅដោយស្លៀកពាក់បែបប្រពៃណីខ្មែរថែមទៀតដែលធ្វើឲ្យប្រិយមិត្តនាងជាច្រើនបានកោតសរសើរ។ រឹតតែពិសេសបទនេះ ទេព បូព្រឹក្ស ថែមទាំងចូលរួមដឹកនាំថតដោយផ្ទាល់ថែមទៀត។