- 2020-04-11 04:24:05
- ភាពយន្ត
ចេញហើយរឿងនិទានខ្លី ពីអ្នកម្ដាយក្រីក្រម្នាក់ សាច់រឿងរំជួលចិត្តអាណិតអ្នកម្ដាយគ្រប់រូប
- 2020-04-11 04:24:05
- ចំនួនមតិ 0 | ចំនួនចែករំលែក 0
ចេញហើយរឿងនិទានខ្លី ពីអ្នកម្ដាយក្រីក្រម្នាក់ សាច់រឿងរំជួលចិត្តអាណិតអ្នកម្ដាយគ្រប់រូប
ចន្លោះមិនឃើញ
នៅសប្ដាហ៍មុន មានការទម្លាយចេញនូវវីដេអូ Teaser អំពីភាពយន្តខ្នាតខ្លីរឿង "ម៉ែខ្ញុំ ម៉ែគេ" ឥឡូវថ្ងៃនេះ រឿងនិទានខ្លីពីអ្នកម្ដាយក្រីក្រម្នាក់ បានចេញជាសាច់រឿងពេញលេញហើយ ដោយសាច់រឿងពិតជារំជួលចិត្តដល់កូនៗគ្រប់រូប។
នេះជាភាពយន្តខ្នាតខ្លី ប៉ុន្តែមានអត្ថន័យអប់រំជ្រាលជ្រៅ ឆ្លុះបញ្ចាំងពីសង្គមជីវិតពិត និងពលិកម្មរបស់អ្នកម្ដាយសព្វបែបយ៉ាងចំពោះកូន។ ប៉ុន្តែពលិកម្មទាំងនោះ ពេលខ្លះហាក់ត្រូវបានមើលរំលង...យ៉ាងណាអ្វីដែលអ្នកមានគុណបានធ្វើ មិនប្រាថ្នាឲ្យអ្នកណាវាយតម្លៃ ឬដាក់ពិន្ទុ ឬការតបស្នងអ្វីនោះទេ ប៉ុន្តែអ្វីទាំងនោះកើតពីក្ដីស្រឡាញ់ បារម្ភ ហើយវាជាកាតព្វកិច្ចរបស់អ្នកមានគុណគ្រប់រូបដែលមាននាទីត្រូវមើលថែ និងផ្គត់ផ្គង់កូនភ្ងារឲ្យបានរឹងដៃរឹងជើង។
ដូច្នេះហើយ អ្នកម្ដាយ ឬលោកឪពុកដឹងតែម្យ៉ាងប៉ុណ្ណោះ គឺធ្វើអ្វីគ្រប់យ៉ាង មិនថា ក្ដៅ ត្រជាក់ គ្រោះថ្នាក់ ឬឧបសគ្គយ៉ាងណា ក៏មិនថយដែរ។ ដោយឡែកកូន អាចវាយតម្លៃបែបណាក៏បានចំពោះពលិកម្មទាំងនេះ ហើយថា កូននឹងមិនមានកំហុសនោះឡើយក្នុងរឿងនេះ។ មិនខុសទេ "ម៉ែខ្ញុំ មិនដូចម៉ែគេ ប៉ុន្តែជាមួយគ្នា ម៉ែគេ ក៏មិនដូចម៉ែខ្ញុំ" អ្វីដែលម៉ែខ្ញុំមិនមាន ម៉ែគេមាន ប៉ុន្តែអ្វីដែលម៉ែគេមិនមាន គឺម៉ែខ្ញុំមាន" នេះជាខ្លឹមសារនៃសាច់រឿងនិទានពីអ្នកម្ដាយក្រីក្រខាងលើ។
ពលិកម្មមួយនេះ ថ្ងៃណាមួយ "កូន" នឹងយល់!!!
