- 2020-04-14 03:55:00
- ចម្រៀង
ចេញបទ "អូនធំ" ត្រូវព្រនង់ធំ ឥឡូវ សោភា ទេពី ដឹងខ្លួន ចេញបទថ្មីមួយទៀតភ្លាម ដើម្បីសុំទោស!
- 2020-04-14 03:55:00
- ចំនួនមតិ 0 | ចំនួនចែករំលែក 0
ចេញបទ "អូនធំ" ត្រូវព្រនង់ធំ ឥឡូវ សោភា ទេពី ដឹងខ្លួន ចេញបទថ្មីមួយទៀតភ្លាម ដើម្បីសុំទោស!
ចន្លោះមិនឃើញ
តារាចម្រៀង សោភា ទេពី ទទួលបានការគាំទ្រច្រើន ហើយការរិះគន់ក៏ច្រើនដែរក្រោយពីចេញបទចម្រៀងមួយបទមានចំណងជើងថា "អូនធំ" កាលពីខែមុន ហើយឥឡូវនេះនាងបានចេញបទថ្មីមួយទៀត ធ្វើការសុំទោសទៅសាធារណជន និងអ្នកគាំទ្រ។
បទថ្មីរបស់ ទេពី មានចំណងជើងថា "ស្លៀកអីចឹងសមទេ?” ដែលទើបនឹងចេញ២០ម៉ោងមុននេះនៅលើបណ្ដាញសង្គមយូធូប។ តាមរយៈបទនេះ អតីតបេក្ខភាពប្រឡងក្នុងកម្មវិធី Cambodian Idol 3បានទទួលស្គាល់កំហុសនៅក្នុងបទចាស់ ព្រោះតែពួកនាងបានស្លៀកពាក់ខើចខ្លី ធ្វើឲ្យសាធារណជនពិបាកទទួលយកបានជាទូទៅ ទើបពេលនេះ នាងបានបញ្ចេញបទ "ស្លៀកអីចឹងសមទេ?" បង្ហាញពីការស្លៀកពាក់ជារបៀបខ្មែរទុកជាការសុំទោស។
តារាស្រីមាឌធំ លើកឡើងនៅក្នុងបទចម្រៀងថា ពួកគេសុទ្ធតែនៅក្មេងខ្ចី គំនិតនៅរាក់ និងមិនទាន់ដឹងរឿងគ្រប់សព្វ ទើបមានការភ្លាំងភ្លាត់ដូច្នេះ។ ប៉ុន្តែចាប់ពីពេលនេះទៅ នាមជាយុវជន យុវនារី ពួកនាង នឹងចូលរួមថែរក្សា និងលើកស្ទួយវប្បធម៌ខ្មែរជារៀងរហូត។
តាមរយៈបទ "ស្លៀកអីចឹងសមទេ" នេះ គេឃើញអ្នកគាំទ្ររបស់ សោភា ទេពី ភាគច្រើនបានកោតសរសើរ ក្នុងនោះពួកគេខ្លះ ឲ្យតម្លៃទៅលើការដឹងខ្លួនខុស ចេះទទួលយកកំហុស ហើយព្យាយាមកែខ្លួន។ ឯអ្នកខ្លះទៀត បានលើកសរសើរពីបទចម្រៀង ពីការច្រៀង និងក្បាច់រាំរបស់ពួកគេ ថាធ្វើបានល្អឥតខ្ចោះ។ តោះ...ទស្សនាទាំងអស់គ្នា!!!