- 2020-04-14 07:26:57
- ចម្រៀង
រឿងពិតនៅក្នុងគ្រួសារពេទ្យ សម័យ Covid-19 ស្ដែងចេញតាមចម្រៀងមួយបទ កំពុងធ្វើឲ្យអ្នកស្ដាប់រំជួលចិត្ត
- 2020-04-14 07:26:57
- ចំនួនមតិ 0 | ចំនួនចែករំលែក 0
រឿងពិតនៅក្នុងគ្រួសារពេទ្យ សម័យ Covid-19 ស្ដែងចេញតាមចម្រៀងមួយបទ កំពុងធ្វើឲ្យអ្នកស្ដាប់រំជួលចិត្ត
ចន្លោះមិនឃើញ
រឿងពិតមួយបានស្ដែងចេញដោយឆ្លុះបង្ហាញពីស្ថានភាពរបស់ក្រុមគ្រួសារពេទ្យ តាមរយៈបទចម្រៀងមួយបទ មានចំណងជើងថា "ឃ្លាតបងព្រោះ Covid-19" ដែលនិពន្ធដូចលោកគ្រូពេទ្យម្នាក់ ហើយបកស្រាយដោយអ្នកគ្រូពេទ្យម្នាក់ទៀត ដែលបទនេះមានខ្លឹមសារលាតត្រដាងពីមនោសញ្ចេតនារបស់ភរិយា ដែលមានស្វាមីជាពេទ្យត្រូវយកជីវិតទៅប្រថុយជាមួយជំងឺកំណាច ព្រោះមិនអាចទម្លាក់ចោលបានវិជ្ជាជីវៈពេទ្យ។
ជំងឺ Covid-19 បាន និងកំពុងធ្វើឲ្យមនុស្សឆ្ងាយគ្នា ឆ្ងាយពីមនុស្សដែលខ្លួនស្រឡាញ់ទាំងចិត្តមិនបានប៉ង ប៉ុន្តែអ្វីៗមិនអាចឃាត់បាន។ អ្នកជំងឺ ត្រូវដាក់ឲ្យនៅដាច់ដោយឡែក ឆ្ងាយពីសាច់ញាតិទាំងអស់ ដោយឡែកគ្រូពេទ្យ ក៏ត្រូវបង្ខំចិត្តឃ្លាតឆ្ងាយពីគ្រួសារ តម្រូវតាមវិជ្ជាជីវៈ ដោយមិនអាចទុកអ្នកជំងឺចោល ហើយសម្ងំសុខតែខ្លួនឯងបាន។ ដូច្នេះហើយ ទើបថ្មីៗនេះ ក្រសួងបានបញ្ចេញបទចម្រៀងមួយបទខាងលើ ឆ្លុះបញ្ចាំងពីស្ថានភាពក្រុមគ្រួសារពេទ្យនៅក្នុងសម័យ Covid-19។
បទ "ឃ្លាតបងព្រោះ Covid-19” និពន្ធដោយលោកវេជ្ជបណ្ឌិត នូ ចន្ទ្រា គ្រូពេទ្យជួរមុខកំពុងពិនិត្យព្យាបាលអ្នកជំងឺកូវីដ-១៩ ចល័តគ្នានៅមណ្ឌលសុខភាពចាក់អង្រែក្រោម។ បទដែលយកលំនាំតាមបទ "ដួងច័ន្ទប្រឹងរះ" នេះ បកស្រាយដោយ លោកស្រី ស៊ុយ សីម៉ា ជាអ្នកគ្រូពេទ្យឆ្មប ធ្វើការប្រចាំនៅ មណ្ឌលសុខភាពចាក់អង្រែក្រោមនៅក្នុងក្រុមគ្រូពេទ្យជួរមុខប្រយុទ្ធប្រឆាំងជំងឺកូវីដ-១៩។
មហាជន បាន និងកំពុងរំជួយចិត្តជាមួយបទចម្រៀងត្អូញត្អែរ បារម្ភពីសាច់ញាតិមួយនេះ។ តោះ...ស្ដាប់ទាំងអស់គ្នា!!!
