ចំណូលគ្រប់ផ្នែកត្រូវកាត់បន្ថយដោយ Covid-19 ខាត់ សុឃីម នឹកឃើញធ្វើរឿងមួយសង្ឃឹមចេញឆាប់ៗនេះ

2020-04-15 08:33:17
ចម្រៀង

2020-04-15 08:33:17
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងសម័យ និងចម្រៀងប្រពៃណីវ័យកណ្ដាល អ្នកនាង ខាត់ សុឃីម ត្រៀមបង្កើតស្ទូឌីយូផ្ទាល់ខ្លួនមួយ ដើម្បីផលិតបទចម្រៀងរកចំណូលបន្ថែម ខណៈដែលចំណូលពីសិល្បៈ និងផ្ទះជួលរបស់នាង ត្រូវបានកាត់បន្ថយ។

អ្នកនាង ខាត់ សុឃីម និយាយថា អ្នកនាងបានជួលជាងវាយទម្លុះផ្ទះពីរល្វែងបញ្ចូលគ្នាតែមួយ ហើយកន្លែងខ្លះត្រូវជួលជុលឡើងវិញ មិនទាន់បានហើយស្រួលបួលនៅឡើយទេ។ ប៉ុន្ដែនៅថ្ងៃនេះអ្នកនាង និងក្រុមគ្រួសារបានរៀបចំផ្ទះបណ្ដើៗ នៅគ្រាហ៍ដែលនាង និងគ្រួសារទំនេរទំនេរពីការងារសិល្បៈ ឬសម្ងំនៅផ្ទះដើម្បីគេចពីការឆ្លងកូវីដ-១៩។ នាងសង្ឃឹមថា ស្ទូឌីយូផ្ទាល់ខ្លួននេះ អាចដំណើរការបាននៅក្នុងខែឧសភា ឆ្នាំ២០២០ ខាងមុខ។

អ្នកនាង ខាត់ សុឃីម៖" អូនឯងគិតមើល...ចំណូលត្រូវបានកាត់បន្ថយគ្រប់កន្លែង។ បើបងបង្កើតស្ទូឌីយូខ្លួនឯងទៅ វាបានច្រៀងរកចំណូលបានខ្លះ ព្រោះយើងមានឧបករណ៍ភ្លេង និងធនធានមនុស្សស្រាប់ហើយផង"។

សិល្បការិនីពូកែវោហាររូបនេះ មិនបានបង្ហាញពីទំហំទឹកប្រាក់ដែលត្រៀមចំណាយលើការរៀបចំស្ទូឌីយូថ្មីនេះទេ។ ប៉ុន្តែនាងថា បច្ចុប្បន្ននាងពុំមានសល់ប្រាក់ដើម្បីទិញឧបករណ៍ថ្មី ឬទំនើបបញ្ចូលបន្ថែម ក្រៅពីប្រើឧបករណ៍ភ្លេងរបស់នាងដែលមានស្រាប់នោះសិនទេ។

រូបថត៖ ហ្វេសប៊ុក ខាត់ សុឃីម

ផ្ទះពីរល្វែងដែលគ្រោងនឹងបង្កើតជាស្ទូឌីយូ ដើម្បីថតបទចម្រៀងប្រពៃណី និងសម័យ របស់អ្នកនាង ខាត់ សុឃីម នេះ គឺមានទីតាំងស្ថិតនៅក្នុងបុរីជ័យជម្រះ ម្ដុំលូប្រាំ ខណ្ឌមានជ័យ រាជធានីភ្នំពេញ៕

អត្ថបទ៖ ជិន សុភ័ក្ដ្រ