- 2020-04-17 09:59:45
- ព័ត៌មាន
តាំងពីចូលសិល្បៈជាង ១០ឆ្នាំ ទើបតែបទរបស់ D.O អាចធ្វើឲ្យ IU យំពេលស្ដាប់
- 2020-04-17 09:59:45
- ចំនួនមតិ 0 | ចំនួនចែករំលែក 0
តាំងពីចូលសិល្បៈជាង ១០ឆ្នាំ ទើបតែបទរបស់ D.O អាចធ្វើឲ្យ IU យំពេលស្ដាប់
ចន្លោះមិនឃើញ
ពេលចូលរួមកម្មវិធី Jung Eunji's Gayo Plaza របស់វិទ្យុ KBS Cool FM កាលពីថ្ងៃទី១៣ ខែមេសា Iuបានប្រាប់ថាបទ «That's Okay» របស់ D.O (ក្រុម EXO) ជាបទដែលនាងស្រឡាញ់។
IU ផ្ដើមថា៖ «កាលពីនៅជាអ្នកហាត់ថ្មីថ្មោង មិនមានបទច្រើនទេដែលអាចលួងលោមអារម្មណ៍ខ្ញុំឬក៏ធ្វើឲ្យខ្ញុំយំ វាជាង ១០ឆ្នាំហើយ»។
នាងបន្តថា៖ «ទោះជាយ៉ាងណាខ្ញុំធ្លាប់យំពេលស្ដាប់បទរបស់ D.O (ក្រុម EXO) គឺបទ “That's Okay” ពេលយប់។ ដោយសារតែបទនេះលួងចិត្តខ្ញុំខ្លាំងបំផុត ខ្ញុំចាក់បទនេះស្ដាប់ហើយច្រៀងតាម ដោយដាក់សំឡេងតិចៗ ធ្វើបែបនេះខ្ញុំអាចគេងលក់ស្រួល»។
«ខ្ញុំស្ដាប់ចម្រៀងមួយបទនេះពេលមានរឿងអីមិនសប្បាយចិត្ត ពិសេសជាមួយការងារសរសេរបទចម្រៀង ឬក៏ពេលខ្ញុំនឹកអ្នកណាម្នាក់» IU បន្ថែម។
«That's Okay» ជាបទចម្រៀងចេញកាលពីថ្ងៃទី០១ ខែកក្កដា ឆ្នាំ ២០១៩ គឺចំថ្ងៃដែល D.O (ក្រុម EXO) ចូលធ្វើទាហាន។ បទនេះផងដែរក៏ជាស្នាដៃចូលរួមសរសេររបស់ D.O ដែរ ឯអត្ថន័យបទវិញគឺចង់លួងលោមអ្នកស្ដាប់ថា កុំបារម្ភច្រើន បណ្ដោយរឿងខ្លះដែលធ្វើឲ្យយើងមិនសប្បាយចិត្តខ្លះទៅក៏ល្អដែរ ហើយពេលវេលានឹងជាអ្នកព្យាបាលស្នាមរបួសយើង៕
