- 2020-04-21 02:06:16
- ព័ត៌មាន
Heechul លើក IU ជាតារាគំរូដែលអាចយកឈ្នះអ្នករិះគន់ទាំងឡាយ ដោយវិធីត្រជាក់
- 2020-04-21 02:06:16
- ចំនួនមតិ 0 | ចំនួនចែករំលែក 0
Heechul លើក IU ជាតារាគំរូដែលអាចយកឈ្នះអ្នករិះគន់ទាំងឡាយ ដោយវិធីត្រជាក់
ចន្លោះមិនឃើញ
អំឡុងពេលចូលរួមកម្មវិធី "Love of 7.7 Billion” Heechul បានលើកឡើងនូវរឿងរ៉ាវមួយចំនួនទាក់ទងនឹងអ្វីដែលខ្លួនធ្លាប់ជួបប្រទះ ពិសេសក៏បានបង្ហើបពីការយកចិត្តទុកដាក់របស់ផលិតកម្ម SM ទៅកាន់តារាៗប្រចាំ ធ្វើយ៉ាងណាជួយពួកគេពីវិបត្តិផ្លូវចិត្តតាមដែលអាចធ្វើទៅបាន។
តារាប្រុស សមាជិកក្រុម Super Junior រូបនេះបានលើកឡើងថា SM បានផ្ដល់នូវទំនួលខុសត្រូវចំពោះតារាៗក្នុងផលិតកម្មណាស់ ជាពិសេសទប់ស្កាត់នូវមតិរិះគន់មិនល្អពីអ្នកប្រើបណ្ដាញអ៊ីនធើណិតដែលចោទតារាៗ ពីចំណុចនេះចំណុចនោះ។ និយាយដល់ចំណុចនេះ Heechul ក៏បានលើកយក IU ជាតារាគំរូដែលចេះទប់ទល់ជាមួយនឹងមតិមិនល្អទាំងនោះមកកាន់ខ្លួននាង។
Heechul និយាយថា IU ជាតារាម្នាក់ក្នុងចំណោមតារាផ្សេងទៀត ដែលបានឆ្លងកាត់ និងជួបប្រទះនូវពាក្យមិនល្អជាច្រើនកន្លងមក ប៉ុន្តែនាងនៅតែជំនះទាល់តែបាន និងធ្វើខ្លួនយ៉ាងណាឲ្យខ្លួនឯងមានសុខភាពល្អ ហើយអាចឈានដល់ចំណុចជោគជ័យក្នុងអាជីព។
ពេលខ្លះ នាងបានប្រើយុទ្ធសាស្ត្រឆ្លាតវៃប្រឈមនឹងករណីលាបពណ៌នាងទាំងនោះ ហើយមិនអើពើ និងមិនខ្វល់នឹងពាក្យមិនពិត បែបនេះហើយដែលអ្វីដែល IU អាចប្រយុទ្ធនឹងអ្នកទាំងនោះដោយវិធីត្រជាក់បំផុត៕