- 2020-04-22 04:34:39
- ព័ត៌មាន
ផ្ទះចម្រើន! ផ្ទះមួយនៅតំបន់បាសិត ម្ចាស់រកលុយស្រួលណាស់ ព្រោះត្រូវប៉ាន់ផលិតកម្មធំៗ!
- 2020-04-22 04:34:39
- ចំនួនមតិ 0 | ចំនួនចែករំលែក 0
ផ្ទះចម្រើន! ផ្ទះមួយនៅតំបន់បាសិត ម្ចាស់រកលុយស្រួលណាស់ ព្រោះត្រូវប៉ាន់ផលិតកម្មធំៗ!
ចន្លោះមិនឃើញ
ប្រសិនបើនិយាយផ្ទះ គ្រូរ៉ា នៅបាសិត អ្នកដឹកនាំសម្ដែងឲ្យផលិតកម្មធំៗ ក៏ដូចជាតារាសម្ដែងល្បីៗស្ទើរតែទាំងអស់ ច្បាស់ជាស្គាល់ជាក់ជាមិនខាន ព្រោះផ្ទះមួយនេះត្រូវបានផលិតកម្មធំៗស្ទើរតែទាំងអស់បានទៅជួលថត ជាច្រើនរឿង និងជាច្រើនបទចម្រៀងមកហើយ។
ផ្ទះមួយនោះស្ថិតក្នុងភូមិ តាពេជ្រ ឃុំ ឈ្វាំង ស្រុក ពញាឮ ខេត្ត កណ្ដាល ជិតភ្នំបាសិតតែម្ដង ដែលជាកម្មសិទ្ធិ របស់ លោក គង់ រ៉ា ហៅគ្រូរ៉ា។ ផ្ទះមួយនេះជាប្រភេទផ្ទះប៉ិត សាងសង់កាលពីឆ្នាំ ១៩៩៣។
ដំបូងឡើយមានផលិតកម្មមួយបានចុះមកថតរឿង "ចៅស្រទបចេក" ក្នុងអំឡុងឆ្នាំ ១៩៩៨។ ដោយមើលឃើញទេសភាពល្អ ចាប់ផ្ដើមមានមានផលិតកម្មផ្សេងទៀត បានមកទាក់ទងថតជាបន្តបន្ទាប់ ស្ទើរតែគ្រប់ផលិតកម្មធំៗទាំងអស់តែម្ដង។
ម្ចាស់ផ្ទះខាងលើបានបន្តឲ្យដឹងថា ដំបូងឡើយផលិតកម្មដែលថតបានឲ្យថ្លៃផ្ទះលោកតែ២០ ទៅ ៣០ ដុល្លារប៉ុណ្ណោះ ក្រោយមកក៏ចាប់ផ្ដើមឡើងថ្លៃជាបន្តបន្ទាប់។ ជាធម្មតាបើថត១ថ្ងៃ មានផលិតកម្មខ្លះឲ្យ ១០០ ដុល្លារ ខ្លះថត ១រឿង ៣០០-៥០០ ដុល្លារជាដើម។
ទន្ទឹមនឹងគ្នានេះ ខាងផលិតកម្មក៏បានឲ្យលោកជួយធ្វើបាយទឹក ក្នុងនោះតួភាគច្រើនចូលចិត្តស្នាដៃធ្វើម្ហូបរបស់លោក។ ឆាក្ដៅ គឺជាជំនាញ របស់លោកគ្រូរ៉ា តួភាគច្រើនកុម្ម៉ង់ឲ្យធ្វើ ជាពិសេសក្រុមកំប្លែងមកពី CTN តែម្ដងដូចជា BIG ពែកមី ខ្ញុង ជាដើម។
ដោយសារតែមានការសំណូមពរ ពីបណ្ដាផលិតកម្មជាច្រើន លោក គង់ រ៉ា ហៅគ្រូរ៉ា មិនមានគម្រោងរុះរើផ្ទះនេះ ឬលក់ចេញឡើយ គឺនៅរក្សាបន្តទៀត។ ប្រសិនបើថ្ងៃក្រោយខ្លួនមានលទ្ធភាព លោកចង់ធ្វើផ្ទះមួយកន្លែងទៀត ពីថ្ម នៅផ្នែកខាងក្រោយផ្ទះនោះ៕