- 2020-04-23 05:10:00
- ស្ទីលតារា
ចេញពី EXO យូរហើយមែនពិត តែTao និង Luhan នៅមិនចោលស្ទីលឈររបស់ SM
- 2020-04-23 05:10:00
- ចំនួនមតិ 0 | ចំនួនចែករំលែក 0
ចេញពី EXO យូរហើយមែនពិត តែTao និង Luhan នៅមិនចោលស្ទីលឈររបស់ SM
ចន្លោះមិនឃើញ
ទោះបីជាលែងជាប់សាច់ឈាមនឹងគ្នាយូរហើយក៏ដោយ តែតារាចម្រៀងល្បីឈ្មោះចិន Tao និង Luhan នៅតែរក្សាស្ទីលឈររបស់ផលិតកម្ម SM ដែលជាអតីតជម្រករបស់ខ្លួនដដែរ។
ក្រោយរយៈពេលរង់ចាំជាយូរថ្ងៃ នៅចុងបញ្ចប់ កម្មវិធីប្រកួតចម្រៀងទ្រង់ទ្រាយធំ Produce Camp បានធ្វើកម្មវិធីសន្និសីទកាសែតដើម្បីផ្សព្វផ្សាយកម្មវិធីរបស់ខ្លួនហើយ។ នៅក្នុងកម្មវិធីដែលធ្វើឡើងកាលពីថ្ងៃទី ២២ ខែមេសា គឺមានគ្រប់វត្តមានរបស់គ្រូបង្វឹកទាំង៤តែម្ដង ដែលរួមមាន តារាចម្រៀង Tao, Luhan, Mao Bu Yi និង Victoria។
ក្រោយពេលកម្មវិធីនេះត្រូវចុះផ្សាយ កម្រងរូបមួយចំនួនស្រាប់តែល្បីភ្លាមនៅលើបណ្ដាញសង្គមដោយសារតែស្ទីលឈររបស់តារា៣ដួង។ តាមនោះដែរ អតីតតារារបស់ SM គឺ Tao និង Luhan ព្រមទាំងសមាជិកក្រុមចម្រៀង F(X) តារាចម្រៀងស្រី Victoria សុទ្ធតែមានស្ទីលឈរដាក់ដៃនៅពីមុខខ្លួនទាំងអស់។ ស្ទីលឈររបស់តារាទាំង៣បានធ្វើឲ្យតារាចម្រៀង Mao Bu Yi ជ្រួលច្របល់មិនដឹងត្រូវធ្វើម៉េច កណ្ដោចកណ្ដែងតែឯង។
ទស្សនិជនជាច្រើនបានរកឃើញថា ក្រុមចម្រៀងរបស់ SM ជាច្រើនដូចជា EXO, Super Junior, NCT សុទ្ធតែមានស្ទីលឈរដូចប្រុសស្អាតទាំង២ខាងលើទាំងអស់។
ផ្ទុយមកវិញ គេសង្កេតឃើញថា តារាចម្រៀងប្រុស Mao Bu Yi មានស្ទីលឈរសុភាពទន់ភ្លន់ប្រៀបដូចគិលានុបដ្ឋយិការដែលធ្វើឲ្យគេទប់សំណើចមិនបាន៕
