- 2020-04-23 06:25:00
- ព័ត៌មាន
ក្ដៅពេក Heechul ព្រលះមួយចាស់ដៃតបអ្នកកាសែតម្នាក់ដែលរិះគន់លោកទាក់ទងនឹង Sulli និង Hara
- 2020-04-23 06:25:00
- ចំនួនមតិ 0 | ចំនួនចែករំលែក 0
ក្ដៅពេក Heechul ព្រលះមួយចាស់ដៃតបអ្នកកាសែតម្នាក់ដែលរិះគន់លោកទាក់ទងនឹង Sulli និង Hara
ចន្លោះមិនឃើញ
រម្លឹកទៅក្រោយបន្តិច ពេល Heechul ចូលរួមកម្មវិធី «7.7 Million Love» របស់ទូរទស្សន៍ JTBC កាលពីថ្ងៃទី ២០ ខែមេសា លោកបានលើកយករឿងរ៉ាវជាច្រើនមកនិយាយ ហើយពេលនោះលោកក៏បានបង្ហាញការយល់ឃើញ និងការមិនសប្បាយចិត្តចំពោះមតិយល់ឃើញរបស់មនុស្សមួយចំនួន ពេលលោកទម្លាយពីការបាត់បង់មិត្តល្អ ២នាក់គឺ Sulli និង Hara។
បង្ហាញមុខពេលនោះ Heechul បានរិះគន់ចំៗ ចំពោះមនុស្ស្មួយចំនួន ដោយបានលើកឡើងថា ពួកគេមិនបានគិតឲ្យបានដិតដល់ពីអ្វីដែលពួកគេធ្វើទេ ប៉ុន្តែបែជាតទល់ប្រឆាំងអ្នកផ្សេងទៀតដែលមានភេទផ្ទុយពីពួកគេ ពិសេសតវ៉ា ទម្លាក់កំហុសទៅវិញទៅមកចំពោះការស្លាប់របស់តារាទៅវិញ។
បន្ទាប់ពីកម្មវិធីបានចាក់ផ្សាយ អ្នកកាសែតម្នាក់ មានឈ្មោះថា Wi Geun Woo បានបង្ហាញការយល់ឃើញតាមរយៈបណ្ដាញសង្គមដោយបានសរសេរថា៖ «ខ្ញុំដូចជាមិនយល់ពីកំហឹងរបស់ Heechul អ្នកដែលបាត់បង់មិត្តល្អដល់ទៅ ២នាក់នេះទេ។ ប៉ុន្តែ Sulli មិនមែនមានតែប្រុសៗទេដែល Comment ថាឲ្យនូវពាក្យមិនល្អ សូម្បីតែស្រីៗក៏ថាឲ្យដែរ។»
អ្នកកាសែតដដែលក៏បានបន្ថែមដែរថា ក្នុងករណីនេះ អាចក្លាយកំហុសដ៏ធំ បើបើពាក្យថា «ជម្លោះរើសអើងភេទ» ម្យ៉ាងបើបញ្ចេញការយល់ឃើញដោយទម្លាក់កំហុសលើភាគីណាមួយក៏ជារឿងខុសដែរ។ លោកថា សម្ដីរបស់ Heechul មិនគួរស្រង់យកតែការយល់ឃើញរបស់ Sulli ទេ។
ចំណែក Heechul គ្រាន់តែឃើញ Post នោះភ្លាមក៏បានតបយ៉ាងវែងតពីក្រោមថា៖ «លោក! តើវាសំខាន់ខ្លាំងមែន ដែលថាអ្នកប្រើពាក្យមិនល្អទៅ Comment ជាប្រុសឬជាស្រី? ឥលូវបើមិនគិតពីភេទរបស់ពួកគេ ឧទាហរណ៍ពួកគេប្រព្រឹត្តិបទល្មើស អ៊ីចឹងពួកគេក៏ត្រូវក្លាយជាជនល្មើសដែរ។»
សមាជិក Super Junior នៅបន្តទៀតថា៖ «ខ្ញុំ និងមិត្តដទៃទៀតដែលស្និទ្ធជាមួយនឹងពួកគេ នៅតែមិនហ៊ាននិយាយឈ្មោះពួកគេចំៗ និងបញ្ជាក់ឈ្មោះពួកគេ គឺក្នុងន័យការពារ និងប្រុងប្រយ័ត្នបំផុត តែអ្នកជាអ្នកណាដែរបានជាមកសរសេរឈ្មោះអ្នកស្លាប់ចំៗបែបនេះទៅវិញ? ខ្ញុំមិនចង់ខ្វល់នឹងអ្វីដែលអ្នកនិយាយទេ ក៏ព្រោះបើសិនរឿងអស់នេះវាក្លាយជាប្រថានបទថ្មី អ៊ីចឹងវានឹងដូចអីដែលអ្នកចង់បានហើយ តែរឿងឡប់ៗដែលអ្នកធ្វើពេលនេះ គឺចង់ល្បីប៉ុណ្ណោះ។ ចុងបញ្ចប់ សូមសំណូមពរ កុំយកអ្នកដែលបានស្លាប់ទៅហើយជាឧបករណ៍ប្រើក្នុងជម្លោះតវ៉ា»៕