ប្រាប់ឲ្យដឹង! “សំណើចគ្រួសារខ្ញុំ វគ្គ២” តួអង្គថ្មីស្រឡាងមួយនឹងបង្ហាញខ្លួន ទាយទៅនរណាគេ!

2020-04-24 07:12:21
ព័ត៌មាន

2020-04-24 07:12:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ទស្សនិកជនទូទៅច្បាស់ជាស្គាល់ និងបានតាមដានរួចមកហើយចំពោះកម្មវិធីបែបកំប្លែង “សំណើចគ្រួសារខ្ញុំ វគ្គ២” នេះ ដែលលើកឡើងពីជីវិតរស់នៅប្លែកៗប្រចាំថ្ងៃរបស់គ្រួសារ កំពូលកូរមួយ ព្រមទាំងផ្តល់ជូននូវសំណើច និងរឿងហួសចិត្តជាច្រើនមិនចេះចប់។

កម្មវិធីនេះត្រូវបាននាំមកជូនដោយក្រុមហ៊ុន Smart Axiata និងផលិតកម្មកងចក្រភីកឈ័រ ក្រោមការដឹកនាំរឿងរបស់លោក ហ្សង់ ឈរ ជាមួយក្រុមការងារផលិតដែលមាន បទពិសោធន៍ខ្ពស់។ ភាគនីមួយៗក្នុងរដូវកាលទី២នេះគឺត្រូវបានទទួលការគាំទ្រយ៉ាង ខ្លាំងក្លា តាមរយៈអ្នកចូលទៅទស្សនារហូតដល់រាប់ម៉ឺននាក់។ នេះក៏ព្រោះតែការខិតខំ សម្រិតសម្រាងរិះរកសាច់រឿងកំប្លែងថ្មីៗ បច្ចេកទេសរូបភាពកាន់តែច្បាស់ ការតុបតែង ឆាក ជាពិសេសគឺមានការចូលរួមពីតារាកិត្តិយសល្បីឈ្មោះមួយចំនួនថែមទៀតផង។

ងាកមកមើលភាគមុនវិញ ទស្សនិកជនដែលបានតាមដានច្បាស់ជាដឹងហើយថា តួអង្គ បញ្ញា ត្រូវចាកចេញទៅបរទេស ដែលធ្វើឲ្យសមាជិកក្នុងក្រុមគ្រួសារគ្រប់គ្នា រួមជាមួយអ្នកទស្សនាផងនោះ នាំគ្នានឹកអាឡោះអាល័យយ៉ាងខ្លាំង។ ប៉ុន្តែទន្ទឹមនឹងនេះ ក៏មានដំណឹងល្អមួយផងដែរ ព្រោះតាមរយៈអ្នកដឹកនាំរឿងបានបង្ហើបឲ្យដឹងថា នៅភាគថ្មីខាងមុខនេះ នឹងមានតួអង្គពិសេសថ្មីស្រឡាងមួយទៀត ដែលនឹងបង្ហាញខ្លួន ដើម្បីមកចូលរួមជាមួយគ្រួសារត្រកូល “ជា” ហើយនឹងធ្វើឲ្យសាច់រឿងបន្តកាន់តែជក់ចិត្ត។

ចំពោះតួអង្គថ្មីនេះគឺមានឈ្មោះថា “ឧត្តម” ដែលត្រូវជាកូនបងប្រុសរបស់លោកតា និងត្រូវជាពូរបស់ស្រីពេជ្រផងដែរ។ រូបគេជាកូនអ្នកមាន រស់នៅបែបទាន់សម័យ ហើយយល់ដឹងតិចតួចពីជីវិតពិតរបស់មនុស្សធម្មតា។ គេជាមនុស្សឆ្លាត ហើយចង់ដឹង ពីរបៀបរស់នៅរបស់គ្រួសារត្រកូល”ជា” ម្ល៉ោះហើយឧត្តមតែងព្យាយាមសម្របខ្លួនរស់នៅ ជាមួយពួកគាត់បន្តិចម្តងៗ។

ចង់ដឹងថាតើតួអង្គថ្មីដែលមានឈ្មោះថា "ឧត្តម" នេះមានរូបរាងយ៉ាងណា និងមានអត្តចរិត យ៉ាងណាខ្លះ? ដូច្នេះសូមរង់ចាំតាមដាន វគ្គថ្មីទាំងអស់គ្នា ដែលមានផ្សាយ ជូនទស្សនានៅរៀងរាល់ថ្ងៃសៅរ៍ វេលាម៉ោង 5:00 ល្ងាចនៅលើទំព័រ ហ្វេសប៊ុក និង YouTube channel Smart Axiata ។

ដើម្បីទស្សនារឿងពេញ និងភាគមុនៗ សូមចូលទៅកាន់: Facebook និង Youtube នេះ!!!

អត្ថបទ៖ ទារិកា