- 2020-04-24 07:32:00
- ព័ត៌មាន
សិស្សកូរ៉េនាំគ្នាច្រៀងបទ "Power” របស់ EXO ជម្រុញកម្លាំងចិត្តគ្រប់គ្នាឲ្យស៊ូនឹង COVID-19
- 2020-04-24 07:32:00
- ចំនួនមតិ 0 | ចំនួនចែករំលែក 0
សិស្សកូរ៉េនាំគ្នាច្រៀងបទ "Power” របស់ EXO ជម្រុញកម្លាំងចិត្តគ្រប់គ្នាឲ្យស៊ូនឹង COVID-19
ចន្លោះមិនឃើញ
បទចម្រៀងប្រភេទ Electro-Pop របស់ EXO មានចំណងជើងថា «Power» មិនត្រឹមតែជាបទចម្រៀងសំណព្វប្រចាំអាល់ប៊ុម «The War: The Power of Music» ទេ ប៉ុន្តែវាក៏ជាបទដែលបង្កើននូវថាមពលផ្លូវចិត្តខ្លាំងបំផុតដែរដល់អ្នកគ្រប់គ្នាពេលស្ដាប់ម្ដងៗ។
ជាក់ស្ដែងថ្មីៗនេះ សិស្សៗជាច្រើននាក់មកពីសាលា Donga-Ah Institute of Media and Arts ចំនួន ៥០នាក់បានសម្រេចនាំគ្នាច្រៀង និងលេងភ្លេងបទ «Power» ដាក់កាមេរ៉ានៅផ្ទះរៀងៗខ្លួន ព្រមទាំងកែប៉ារ៉ូលខ្លះៗ ដើម្បីបង្ហាញជាសារលើកទឹកចិត្តឲ្យគ្រប់គ្នាមានក្ដីសង្ឃឹម និងកម្លាំងចិត្តបន្តអំឡុងពេលដែលកូរ៉េ ក៏ដូចជាពិភពលោកទាំងមូលកំពុងរងនូវការគំរាមកំហែងដោយសារជំងឺ COVID-19 ហើយគ្រប់គ្នាត្រូវតម្រូវឲ្យនៅផ្ទះដើម្បីសុវត្ថិភាព។
អមជាមួយនឹងវីដេអូដែលបានបង្ហោះនោះ ក៏មានសារសរសេរថា៖ «យើងចង់ចែករំលែកវីដេអូមួយនេះជាមួយនឹងសិស្សដែលត្រូវនៅផ្ទះដូចយើង។ យើងក៏ចង់ជូនបទចម្រៀងនេះទៅកាន់ក្រុមគ្រូពេទ្យ និងអ្នកស្ម័គ្រចិត្តទាំងអស់ដែលយើងកោតសរសើរខ្លាំងបំផុត។ ស៊ូៗប្រឆាំងជាមួយគ្នានូវពេលវេលាមួយនេះ! Power!»។
ទស្សនាវីដេអូដូចខាងក្រោម៖