- 2020-04-27 10:00:00
- ស្ទីលតារា
Lee Min Ho បង្ហើបតិចនិកសម្រកគីឡូឲ្យបានលឿន ពេលថតរឿងភាគ The King
- 2020-04-27 10:00:00
- ចំនួនមតិ 0 | ចំនួនចែករំលែក 0
Lee Min Ho បង្ហើបតិចនិកសម្រកគីឡូឲ្យបានលឿន ពេលថតរឿងភាគ The King
ចន្លោះមិនឃើញ
ដោយសារតែមានរាងបែបងាយឡើងទម្ងន់ ដូចនេះហើយកំពូលតារាសម្ដែងប្រុសកូរ៉េ Lee Min Ho ត្រូវចាប់អារម្មណ៍ពិសេសចំពោះអ្វីដែលលោកទទួលទាន។ រាល់ពេលត្រលប់មកថតរឿងថ្មី លោកត្រូវអនុវត្តរបបអាហារដ៏តឹងតែង។
មិនត្រឹមតែមានកេរ្តិ៍ឈ្មោះល្បីនៅក្នុងស្រុកនោះទេ តែរូបភាពរបស់តារាសម្ដែងប្រុសកូរ៉េ Lee Min Ho ក៏គ្របដណ្ដប់នៅទូទាំងអាស៊ីផងដែរ។ ទោះចូលសិល្បៈជាង១០ឆ្នាំ និងមានវ័យនៅ៣០ឆ្នាំហើយក្ដី តែប្រុសស្អាតកើតឆ្នាំ ១៩៨៧ នៅតែរក្សាប្រជាប្រិយភាពបានយ៉ាងល្អ។
ថ្មីៗនេះបំផុត តួរឿង F4 កូរ៉េ បានត្រលប់មកកញ្ចក់ទូរទស្សន៍វិញ តាមរយៈខ្សែភាពយន្តភាគ The King ដែលកំពុងទាក់ទាញចំណាប់អារម្មណ៍ជាខ្លាំង។ យ៉ាងណាក្ដី ខុសពីរូបភាពមានសាច់មានឈាមដែលគេប្រទះឃើញមុននោះ នៅក្នុងរឿងថ្មីនេះ ប្រុសស្អាតវ័យ៣៣ឆ្នាំ នៅតែសង្ហារដូចដើម។
បង្ហាញខ្លួនលើគ្របទស្សនាវដ្ដីថ្មីដើម្បីផ្សព្វផ្សាយរឿងថ្មី Lee Min Ho បានចែករំលែកពីវិធីសាស្ត្រជួយឲ្យលោកស្រកបានគីឡូលឿនរាល់ពេលត្រូវថតរឿង។ តារាខ្ពស់ស្រឡះនេះបានឲ្យដឹងថា បើអនុវត្តតាមវិធីរបស់លោក ក្នុង១សប្ដាហ៍អាចចុះបាន២គីឡូ។
តាមនោះដែរ វិធីរបស់លោក មិនមានអ្វីពិបាកឡើយ ដោយលោកបរិភោគចេកឲ្យបានច្រើនដើម្បីកុំឲ្យឆាប់ឃ្លាន។ គួបផ្សំពីលើនេះគឺហាត់ប្រាណឲ្យបានទៀងទាត់។ លោកក៏បន្ថែមផងដែរថា ដោយសារតែជាមួយមនុស្សចូលចិត្តការហូបចុក ដូចនេះនៅពេលមិនមានគម្រោងថ្មី លោកមិនបង្ខំខ្លួនឲ្យសម្រកគីឡូខ្លាំងពេកឡើយ ដោយលោកនៅតែទទួលទានអ្វីដែលខ្លួនចូលចិត្ត៕