- 2020-04-28 03:23:00
- ភាពយន្ត
គេឯង កំពុងសម្រុកវាយកម្ចាត់កូវីដ-១៩ រីឯ ម៉ឺនឯក សុភារិទ្ធ កំពុងសម្រុកថតបញ្ចប់រឿងថតរឿង
- 2020-04-28 03:23:00
- ចំនួនមតិ 0 | ចំនួនចែករំលែក 0
គេឯង កំពុងសម្រុកវាយកម្ចាត់កូវីដ-១៩ រីឯ ម៉ឺនឯក សុភារិទ្ធ កំពុងសម្រុកថតបញ្ចប់រឿងថតរឿង
ចន្លោះមិនឃើញ
ពិធីករ និងជាតារាសម្ដែងរូបសង្ហា ម៉ឺនឯក សុភារិទ្ធ កំពុងសម្រុងថតបញ្ចប់ខ្សែភាពយន្ដចំនួន២ ទៀតនៅក្នុងឆ្នាំ២០២០ នេះ។
សុភារិទ្ធ និយាយថា ចាប់តាំងពីចុងឆ្នាំ២០១៩ រហូតមកដល់ពេលនេះរូបលោកនៅតែវក់វីនឹងការសម្ដែងនៅឡើយ ស្របពេលដែលគេឯងស្ទើរគ្រប់គ្នាផ្អើលរឿងកូវីដ-១៩។ ការដែលលោកយល់ព្រមថតនៅក្នុងកាលៈទេសៈនេះ គឺដោយសារលោកមានលក្ខខណ្ឌជាមួយអ្នកដឹកនាំរឿង ឬម្ចាស់ផលិតកម្មក្នុងការសម្ដែង ដើម្បីសុវត្ថិភាពលោកផង និងក្រុមការងារផង។
លោកមិនបានសម្រាកនៅផ្ទះស្រួលបួល ឬចេញទៅលេងស្រុកកំណើតឡើយក្នុងរយៈពេលប៉ុន្មានខែមកនេះ គឺលោកសម្រុកតែថតរហូត ប៉ុន្ដែបានឯកភាពគ្នាជាមួយម្ចាស់ផលិតកម្ម ដោយថតនៅក្នុងស្ទូឌីយូ និងកន្លែងដែលមានសុវត្ថិភាពប៉ុណ្ណោះ ព្រោះលោកក៏ព្រួយបារម្ភពីការឆ្លងរីករាលដាល នៃមេរោគកូវីដ-១៩ នោះដែរ។
រឿងដែលសុភារិទ្ធ បានថតចប់ហើយ គឺមានរឿង"មរតកកម្ម” រឿង"កូនឥតខាន់ស្លា**”។ រីឯរឿងដែលលោកកំពុងសម្រុកថតបញ្ចប់នៅក្នុងឆ្នាំ២០២០ គឺរឿង"ប្រហុកក្រអូប” និងមួយរឿងទៀតដែលលោកកំពុងមមាញឹកថតបញ្ចប់ដែរនោះ គឺមិនទាន់អាចប្រាប់ចំណងជើងបាននៅឡើយទេ។ ប៉ុន្តែលោកថារឿងទាំងនេះនឹងចាប់ផ្ដើមចាក់បញ្ចាំងតាមកញ្ចក់ទូរទស្សន៍ពីពាក់កណ្ដាលឆ្នាំ២០២០ តទៅ។
ម៉ឺនឯក សុភារិទ្ធ ត្រូវបានមហាជនទទួលស្គាល់ថា ជាពិធីករ និងជាតារាសម្ដែងវ័យក្មេងរូបសង្ហា ហើយមានទីផ្សារខ្ពស់ក្នុងអាជីពសិល្បៈ។ ជាក់ស្ដែងលោកបានដើរជាតួអង្គឯក២រឿង និងតួអង្គរង២រឿង ក្នុងចំណោមរឿងចំនួន៤ ដែលលោកបានថតចាប់ចុងឆ្នាំ២០១៩ រហូតដល់ពាក់កណ្ដាល់ឆ្នាំ២០២០ នេះ៕
