- 2020-04-30 02:58:16
- ជីវិតតារា
ពៅ បញ្ញាពេជ្រ បង្ហើបរឿងអកុសល មានអ្នកធ្វើឲ្យជើងនាងបាក់
- 2020-04-30 02:58:16
- ចំនួនមតិ 0 | ចំនួនចែករំលែក 0
ពៅ បញ្ញាពេជ្រ បង្ហើបរឿងអកុសល មានអ្នកធ្វើឲ្យជើងនាងបាក់
ចន្លោះមិនឃើញ
អតីតតារាចម្រៀងកញ្ញា ពៅ បញ្ញាពេជ្រ ដែលកំពុងសម្ងំលាក់ខ្លួនរស់នៅប្រទេសថៃជាច្រើនឆ្នាំមកហើយនោះ បានឲ្យដឹងថា ពេលនេះនាងមិនអាចហាត់ប្រាណបានច្រើនយ៉ាងដូចពីមុនឡើយ ដោយសារឆ្អឹងជើងរបស់នាងបាក់។
ពៅ បញ្ញាពេជ្រ បានប្រាប់ដំណឹងនេះដល់មហាជនតាមរយៈហ្វេសប៊ុករបស់នាងថ្មីៗនេះ ដោយមានភ្ជាប់រូប និងវីដេអូហាត់ប្រាណ ព្រមទាំងហ្វីលថតឆ្អឹងបាក់នោះទៀតផង។ នាងបន្ថែមថា ក្នុងសកម្មភាពរស់នៅប្រចាំថ្ងៃ របស់នាងបានជួបរឿងរ៉ាវមិនល្អជាច្រើន ហើយមកដល់ពេលនេះនាងត្រូវបានគេធ្វើឲ្យបាក់ជើងទៀត។ ប៉ុន្តែនាងមិនបានបញ្ជាក់ទេថា គេនោះគឺជានណា និងមូលហេតុអ្វីបានជាបាក់ ហើយវាបានកើតឡើងតាំងពេលណានោះទេ។
ពៅ បញ្ញាពេជ្រ៖"ដោយសាររឿងមួយដែលមិនគួរឲ្យកើតសោះ គេបានធ្វើឲ្យខ្ញុំបាក់ជើងដែលធ្វើឲ្យខ្ញុំមិនអាចហាត់ប្រាណបានច្រើនយ៉ាងដូចដើម។ ចង់ហាត់ឈរក៏មិនបាន ឈឺតែទ្រាំ គ្រាន់តែចង់បង្ហាញថាជីវិតគឺបែបនេះ"។
ពៅ បញ្ញាពេជ្រ សម្រេចចិត្ដថាមិនចងគំនុំ ឬកម្មពៀរនឹងអ្នកណាឡើយ ដោយនាងគិតថាវាគឺជារសជាតិជីវិតរបស់នាងផ្ទាល់។
តារាចម្រៀងល្បីឈ្មោះកញ្ញា ពៅ បញ្ញាពេជ្រ ត្រូវបានខ្មាន់កាំភ្លើងបាញ់ប្រហារជាច្រើនគ្រាប់ ដោយក្នុងនោះ១គ្រាប់ត្រូវចំពោះ និងមួយគ្រាប់ទៀតចំបំពង់ករកាលពីចុងខែកុម្ភៈ ឆ្នាំ២០០៧ កន្លងទៅ។
នាងត្រូវបានក្រុមគ្រួសារបញ្ជូនយកទៅព្យាបាលនៅក្រៅប្រទេស រហូតដល់សង្គ្រោះជីវិតបាន ប៉ុន្ដែក្លាយជាជនពិកា។ តាមការបញ្ជាក់របស់សាមីខ្លួន មុននឹងបាក់ជើងជាថ្មីទៀត គឺនាងអាចក្រោកឈរ និងអង្គុយលើរទេះរុញហើយឡាយលក់ផលិតផលសម្អាងការបានជាហូរហែ៕
