- 2020-05-15 06:48:40
- ព័ត៌មាន
Jin ទម្លាយពីមិត្តភាពដែលបាត់បង់ និងរស់នៅបែបមនុស្ស ២នាក់ផ្សេងគ្នា
- 2020-05-15 06:48:40
- ចំនួនមតិ 0 | ចំនួនចែករំលែក 0
Jin ទម្លាយពីមិត្តភាពដែលបាត់បង់ និងរស់នៅបែបមនុស្ស ២នាក់ផ្សេងគ្នា
ចន្លោះមិនឃើញ
និយាយក្នុងឃ្លីបវីដេអូបែបឯកសារ "Break The Silence” សមាជិកម្នាក់ៗរបស់ BTS បានលើកយកបញ្ហាជាច្រើនមកទម្លាយ ដែលរឿងទាំងនោះមិនមែនអ្នកគាំទ្រសុទ្ធតែធ្លាប់ដឹងនោះទេ។
បើងាកត្រឡប់ទៅកាលពីថ្ងៃទី ១៣ខែមិថុនា ឆ្នាំ ២០១៣ ជាពេលដែលជីវិតរបស់យុវជនកូរ៉េ ៧នាក់ត្រូវបានកែប្រែខ្លាំង។ Kim Seokjin, Min Yoongi, Jung Hoseok, Kim Namjoon, Park Jimin, Kim Taehyung និង Jeon Jungkook បានក្លាយមកជា Jin, Suga, J-Hope, RM, Jimin, V និង Jungkook របស់ BTSវិញ។
ស្ថិតក្នុងភាគទី ៣របស់ "Break The Silence” Jin បានបើកកកាយនូវជីវិតរស់នៅរបស់ Kim Seokjin និង Jin (ក្រុម BTS) ពិសេសថែមទាំងបានទម្លាយពីការបាត់បង់មិត្តភ័ក្ដិដែលលោកធ្លាប់មាន។
«ខ្ញុំគិតថាជីវិត ២នេះវាស្រដៀងតែគ្នា តែខ្ញុំមិនចង់ប្រើជីវិតនោះឲ្យវាដើរផ្លូវដូចគ្នានោះទេ។ ខ្ញុំគិតថា Jin របស់ BTS តែងតែរស់ជាមនុស្សសប្បាយស្រស់ស្រាយ។ បើងាកមកមើលការរស់នៅរបស់ Kim Seokjin វិញ មិនមានអ្វីផ្លាស់ប្ដូរច្រើនទេ ហើយខ្ញុំក៏អាចរស់នៅជីវិតរីករាយដែររាល់ថ្ងៃនេះ។ ប៉ុន្តែបើរស់ជា Jin (ក្រុម BTS) វិញ ជីវិតត្រូវជួបរឿងលំបាកច្រើន មានន័យថាពេលណាទទួលបានអ្វីមួយច្រើន យើងក៏ត្រូវបាត់បង់អ្វីផ្សេងទៀតដែរ»។
តារាប្រុសម្នាក់នេះបានបន្តទៀតថា «យើងត្រូវរងសម្ពាធច្រើន ពេលជួបមនុស្សម្នា ខ្ញុំមិនបានផ្លាស់ប្ដូរអ្វីទេ តែមិត្តភ័ក្ដិខ្ញុំត្រូវជួបរឿងលំបាក ពេលនៅជិតខ្ញុំម្ដងៗ ហើយក៏ជារឿងតូចចិត្តដែរ ពេលឃើញពួកគេកាន់តែឃ្លាតឆ្ងាយពីខ្ញុំ។ ខ្ញុំបាត់បង់មនុស្សច្រើននាក់ណាស់»។
ទោះជាការបាត់បង់មិត្តភ័ក្ដិ ជារឿងឈឺចាប់យ៉ាងណាក៏ដោយ តែ Jin បានទៅសម្លឹងមើលអ្វីដែលលោកបានមក ច្រើនជាងអ្វីដែលបាត់បង់ នោះគឺអ្នកគាំទ្រដែលជាអ្នកជួយលោកសម្រេចក្ដីសុបិន្តឲ្យក្លាយជាការពិត។លោកបានធ្វើឲ្យមនុស្សជាច្រើនសប្បាយចិត្ត ដូចនេះលោកក៏សប្បាយចិត្តតាមហ្នឹងដែរ ហេតុនេះហើយទើប Jin ចង់សម្ដែងលើឆាកឲ្យបានយូរតទៀត៕