- 2020-05-19 04:21:42
- ព័ត៌មាន
អារម្មណ៍ពិត Lisa យ៉ាងណាពេលរស់ជុំសមាជិក BLACKPINK រយៈពេលជាង១០ឆ្នាំមកនេះ
- 2020-05-19 04:21:42
- ចំនួនមតិ 0 | ចំនួនចែករំលែក 0
អារម្មណ៍ពិត Lisa យ៉ាងណាពេលរស់ជុំសមាជិក BLACKPINK រយៈពេលជាង១០ឆ្នាំមកនេះ
ចន្លោះមិនឃើញ
ក្នុងភាគថ្មីរបស់កម្មវិធីកំពុងពេញល្បីរបស់ចិនគឺ "Youth With You” Lisa ដែលជាគ្រូបង្វឹករាំរបស់បេក្ខនារីចូលរួមទាំងអស់ បាននិយាយពីការរស់នៅរបស់ខ្លួនជាមួយនឹងសមាជិក BLACKPINKទាំងអស់។
Lisa ផ្ដើមថា៖ «លើកមុន ពួកគេទិញទូរទឹកកកតូចឲ្យខ្ញុំ ហើយខ្ញុំក៏បានទុកវាក្នុងបន្ទប់របស់ខ្ញុំ អ៊ីចឹងខ្ញុំក៏មិនបាច់ចេញមកក្រៅ ដើម្បីរកអីផឹកដែរ»។ នាងបានប្រាប់ដែរថា នាងរស់នៅជាប់គ្ជាមួយនឹងសមាជិក BLACKPINK រយៈពេលជិត១០ឆ្នាំហើយ។
បន្ទាប់មក Lisa ក៏បានបង្ហើបពីរឿងរ៉ាវមួយចំនួនពីភាពលំបាកដែលពួកគេម្នាក់ៗបានឆ្លងកាត់ និងជំនះ ដោយនាងលើកឡើងថា៖ «ពេលដែលខ្ញុំ ឬអ្នកណាម្នាក់បាក់ទឹកចិត្តខ្លាំង យើងចាប់ផ្ដើមនិយាយថា “អូ! តោះទៅរកអីញ៉ាំឆ្ងាញ់ៗ”, “តោះ!ទៅរកបង្អែមញ៉ាំ” ឬក៏ “តោះ!ទៅរកញ៉ាំអីហិរៗ” ព្រោះអ្នកដឹងអត់? ដូចថា នៅពេលអ្នកញ៉ាំរបស់ហិរៗ អារម្មណ៍ស្ត្រេសរបស់អ្នកក៏រសាយបាត់ដែរ»។
ក្នុងនាមជាសមាជិកពៅគេរបស់ក្រុម Lisa បានបង្ហើបថា សមាជិកបងៗទាំង៣ពិតជាមើលថែនាងបានយ៉ាងល្អខ្លាំងបំផុត។ នាងនិយាយថា «ដំបូង ខ្ញុំមិនចេះនិយាយភាសា (កូរ៉េ) ទេ តែមានម្នាក់ក្នុងចំណោមសមាជិកទាំងអស់ បានមើលថែការពារខ្ញុំគ្រប់យ៉ាង ដូចជានាំទៅញ៉ាំអី ឬធ្វើអ្វីផ្សេងទៀត ខ្ញុំក៏អរគុណគាត់ខ្លាំងដែរសម្រាប់អ្វីដែលគាត់បានជួយខ្ញុំ បើមិនមានគាត់ទេ ខ្ញុំក៏មិនអាចនិយាយភាសាបានស្ទាត់បែបនេះដែរ»៕
ទស្សនាវីដេអូដូចខាងក្រោម៖