លេចតារាកំប្លែងថ្មីម្នាក់ គេសង្ស័យថាជាកូនរបស់តារាកំប្លែងស្ងួតនាយ ខ្ជឹប

2020-05-20 08:12:37
ព័ត៌មាន

2020-05-20 08:12:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ មានលេចចេញតារាកំប្លែងជើងថ្មីវ័យក្មេងមួយរូប ដែលបាន និងកំពុងធ្វើឲ្យមានការចាប់អារម្មណ៍ខ្លាំង តាមរយៈទេពកោសល្យកំប្លែងរបស់ខ្លួន ដោយក្នុងនោះ គ្រប់គ្នាពេលទស្សនាការសម្ដែងរបស់គេរមែងលាន់មាត់សរសើរមិនដាច់ពីមាត់។

តារាកំប្លែងជើងថ្មីនេះ បានលេចមុខក្នុងវីដេអូឃ្លីបរបស់ក្រុមហ៊ុនឯកជនមួយ។ ចំណុចគួរចាប់អារម្មណ៍លើតារាកំប្លែងវ័យក្មេង គឺក្រៅពីទេពកោសល្យសម្ដែង គឺមុខមាត់ និងការសម្តែងពិតជាដូចតារាកំប្លែងជើងចាស់មួយរូប គឺនាយ ខ្ជឹប ដែលប្រិយមិត្តស្គាល់ថាជាតារាកំប្លែងស្ងួតពោរពេញដោយសំណួនវោហារអប់រំ និងមិនចំអេសចំអាសឡើយ។ ចំណុចនេះហើយ ដែលគេសង្ស័យថា នាយ គឺអាចជាសាច់ញាតិរបស់តារាកំប្លែងជើងចាស់ខាងលើ។

ជុំវិញបញ្ហានេះ តារាកំប្លែងជើងថ្មី បានប្រាប់សារព័ត៌មានថា លោកគឺជាសាច់ឈាមរបស់នាយ ខ្ជឹម មែន ពោលគឺនាយជាកូនបង្កើតរបស់ តារាកំប្លែងស្ងួតពិតមែន ហើយនាយ មានឈ្មោះថា នាយខ្ចៅ។ពិតជាដូចពាក្យចាស់លោកថា ស្លឹកឈើជ្រុះមិនឆ្ងាយពីគល់ នាយខ្ចៅបានចាប់កំណើតដោយភាពកំប្លែងក្រមិចក្រមើម ឆ្នាំ២០១២ មកម្ល៉េះ។

នាយ ខ្ចៅ បង្ហើបថា ដោយសារមាននិស្ស័យសិល្បៈតាមឪពុក នាយធ្លាប់បានទៅប្រឡងកំប្លែងនៅទូរទស្សន៍ស៊ីធីអិន ថែមទៀតផង។ ប៉ុន្តែសំណាងមិនល្អ នាយមិនទទួលបានលទ្ធផលនោះទេ ដូច្នេះហើយ ក៏បានត្រឡប់ទៅស្រុកកំណើតនៅខេត្ត កែប វិញ ប៉ុន្តែនិស្ស័យសិល្បៈកំប្លែងដែលជាឈាមរបស់ឪពុកនោះ មិនបានសាបរលាបឡើយ ហើយនាយតែងតាំងចិត្តថា នឹងរកឱកាសត្រឡប់មកវិញម្ដងទៀត។

ក្រោយមកនៅឆ្នាំ ២០១៦ នាយ ខ្ចៅ ក៏បានសម្រេចឡើងមកភ្នំពេញម្តងទៀតមែន តែលើកនេះមិនបានមកចូលរួមក្នុងការប្រឡងណាមួយទេ គឺនាយឡើងមកការងារធ្វើផ្នែកសិល្បៈកំប្លែងនេះតែម្ដង។ កូនប្រុសនាយ ខ្ជឹប ប្រាប់ថា នាងបានព្យាយាមសុំដើរសម្ដែងតាមរាមច្បងចាស់ៗ ពិសេសជាមួយឪពុកតែម្ដងដើម្បីដុះខាត់សមត្ថភាពសម្ដែង ហើយជាក់ស្ដែង លោកកាន់តែរីកចម្រើនឡើងៗរហូតមកដល់សព្វថ្ងៃ៕