- 2020-05-21 02:38:00
- ព័ត៌មាន
ប្រវត្តិជូរចត់របស់តារាកូរ៉េ ៩នាក់ដែលមានប្រភពចេញពីគ្រួសារក្រីក្រ
- 2020-05-21 02:38:00
- ចំនួនមតិ 0 | ចំនួនចែករំលែក 0
ប្រវត្តិជូរចត់របស់តារាកូរ៉េ ៩នាក់ដែលមានប្រភពចេញពីគ្រួសារក្រីក្រ
ចន្លោះមិនឃើញ
មុនទទួលបានភាពជោគជ័យ តារាម្នាក់ៗតេងជួបនូវរឿងរ៉ាវជាច្រើនផ្សេងៗគ្នា។ ក្នុងនោះខ្លះកើតពី គ្រួសារធូរធារ ស្របពេលខ្លះទៀតជាអ្នកដែលកើតចេញពីគ្រួសារក្រីក្រលំបាកលំបិន ដូចអ្នកទាំង ៩នេះស្រាប់៖
១. Rain
កាលពីនៅក្មេង Rain ជាក្មេងប្រុសដែលមានជីវិភាពក្រីក្របំផុត ហើយលោកត្រូវអត់ទ្រាំខ្លាំងណាស់។ មានម្ដង Rain ធ្លាប់ប្រាប់ថា លោកធ្លាប់ទាំងដាច់បាយច្រើនថ្ងៃទៀតផង។ សុខភាពរបស់ម្ដាយលោកក៏ទ្រុឌទ្រោមរ៉ាំរ៉ៃ ច្រើនឆ្នាំជាប់គ្នា ហើយគ្មានលុយទិញថ្នាំព្យាបាល។ រហូតដល់ឆ្នាំ ២០០០ ម្ដាយរបស់ Rain ក៏បានលាចាកលោកទៅ។
២. Park Shin Hye
នៅពេលដែល Shin Hye សម្រេចមកទីក្រុងសេអ៊ូល ដើម្បីធ្វើជាតារាសម្ដែង ឪពុកម្ដាយរបស់នាងសុខចិត្តទុកអ្វីគ្រប់យ៉ាងចោលនៅស្រុកកំណើតទាំងអស់ ដើម្បីមកគាំទ្រនៅជិតកូន។ គ្រួសារនាងពីតជាជួបបញ្ហាសេដ្ឋកិច្ចខ្លាំងបំផុតនៅពេលនោះ ប៉ុន្តែទោះជាយ៉ាងណាក៏អ្នកទាំង ២នៅតែនៅជិតកូនស្រីម្នាក់នេះដែរ។
៣. Seo In Guk
In Guk មានកំណើតមកពីគ្រួសារក្រីក្រ ដែលពេលខ្លះដាច់បាយក៏មាន។ ម្ដាយរបស់លោក ថែមទាំងធ្លាប់ធ្វើការជាអ្នកលើកឥវ៉ាន់ទៀត ដើម្បីបានលុយខ្លះទ្រទ្រង់ជីវិភាពគ្រួសារ។
៤. IU
កុមារភាពរបស់ IU ស្រស់បំព្រងបំផុត ប៉ុន្តែរហូតដល់ពេលមួយគ្រួសាររបស់នាងស្រាប់តែជួបបញ្ហាទាក់ទងនឹងបំណុល។ ហេតុនេះហើយទើបបណ្ដាលឲ្យ IU និងប្អូនប្រុស ត្រូវទៅនៅជាមួយនឹងជីដូន។ ពួកគេរស់នៅក្នុងជីវិតក្រីក្រ សូម្បីផ្ទះស្នាក់នៅក៏សម្បូរទៅដោយសត្វកន្លាតដែរ។
៥. Park Bo Geum
ចាប់ផ្ដើមអាជីពសិល្បៈ Bo Geum ជួបរឿងលំបាកជាច្រើន លោកថែមទាំងជួបវិបត្តក្ស័យធន ស្របពេលមានអាយុត្រឹម ២២ឆ្នាំពេលនោះ។ ឪពុករបស់ Bo Geum បានខ្ចីលុយគេ ហើយយកឈ្មោះកូនធ្វើជាអ្នកធានា។ បន្ទាប់ពីចូលសិល្បៈ Bo Geum ក៏ត្រូវយកលុយដែលខំរកបានទៅដោះបំណុលទាំងនោះ ប៉ុន្តែចំនួនដែលត្រូវសងក៏ច្រើន ស្របពេលអត្រាការប្រាក់កើនឡើង។
៦. Han So Hee
So Hee ឯណេះវិញ ក៏មានជីវភាពយ៉ាប់យ៉ឺនដែរកាលពីមុន ជាពិសេសអំឡុងពេលដែលនាងចាប់ផ្ដើមអាជីពសិល្បៈ។ កាលពីពេលដែលនាងប្ដូរមកនៅក្នុងទីក្រុងសេអ៊ូលដើម្បីចាប់យកអាជីពសម្ដែង នាងមានលុយក្នុងខ្លួនត្រឹមតែ ៣សែនវ៉ុន (ខ្ទង់ ២៤៣សុល្លារ) ប៉ុណ្ណោះ។ ហេតុនេះហើយ ទើបនាងរកការងារមកបន្ថែម ដើម្បីបង្កើនចំណូល ហើយពេលនោះនាងបានសម្រេចធ្វើការក្នុងបារមួយកន្លែងអស់រយៈពេលជាង ១ឆ្នាំ។
៧. Song Jae Rim
រឿងរ៉ាវក្នុងគ្រួសាររបស់ Jae Rim វិញត្រូវបានរក្សាជាសំងាត់ ហើយលោកកម្របង្ហាញទៅក្រៅណាស់។ ប៉ុន្តែនៅតែមានអ្នកដឹងថា លោកកើតចេញពីគ្រួសារដែលមានជីវិតខ្សត់ខ្សោយ ហើយកត្តានេះហើយ ទើបតម្រូវឲ្យតារាប្រុសរូបនេះទទួលបន្ទុកក្នុងការរកចំណូលផ្គត់ផ្គង់ការចំណាយក្នុងផ្ទះ។
៨. Hyeri
កន្លងមក គេដឹងហើយថា នាងតែងបរិច្ចាគថវិកាជួយក្នុងយុទ្ធនាការសប្បុរធម៌ជាច្រើន កើតចេញពីចិត្តអាណិតមេត្តា។ នេះក៏ព្រោះតែបទពិសោធន៍កម្សត់កម្រ ក្នុងនាមជាកូនស្រីដែលរស់នៅក្នុងជីវភាពក្រីក្រតោកយ៉ាកកាលពីនៅតូច។ គ្រួសាររបស់នាងកាលពីមុន ត្រូវរងនូវវិបត្តិហិរញ្ញវត្ថុ រហូតម្ដាយនាងសម្រេចចិត្តទៅសុំការងារគេធ្វើនៅរោងចក្រអស់រយៈពេលច្រើនឆ្នាំទៀតផង។
៩. Cha Seung Won
ជីវិតរបស់ Seung Won លំបាកលំបិនហួសថ្លែង សូម្បីពេលរៀបការមានប្រពន្ធហើយក៏ដោយ។ លោក និងប្រពន្ធត្រូវទ្រាំរស់នៅក្នុងបន្ទប់ជាន់ក្រោមដីរយៈពេលជាច្រើនឆ្នាំ ដោយសារក្រពេក។ បើនិយាយពីកាលពីនៅតូចវិញ លោកក៏មិនបានធ្វើអ្វីច្រើនដែរ ព្រោះតែជីវភាពគ្រួសារមិនធូរធារដូចគេ៕
