- 2020-06-24 04:37:44
- ព័ត៌មាន
សិល្បការិនី និងឥស្សរជនល្បីឈ្មោះ៣រូប ទទួលការឈឺចាប់ដូចគ្នា នៅចុងខែមិថុនា នេះ
- 2020-06-24 04:37:44
- ចំនួនមតិ 0 | ចំនួនចែករំលែក 0
សិល្បការិនី និងឥស្សរជនល្បីឈ្មោះ៣រូប ទទួលការឈឺចាប់ដូចគ្នា នៅចុងខែមិថុនា នេះ
ចន្លោះមិនឃើញ
នៅថ្ងៃទី២២ និងថ្ងៃទី២៣ ខែមិថុនា ម្សិលមិញ អាចនិយាយបានថាជាថ្ងៃអាក្រក់ ឬជាថ្ងៃដែលមិនចង់ឲ្យមានឡើយ សម្រាប់សិល្បការិនី និងឥស្សរជនល្បីឈ្មោះ៣រូប ព្រោះវាជាថ្ងៃដែលបាត់បង់អ្នកជាទីស្រលាញ់របស់ខ្លួន។
រហូតមកដល់ថ្ងៃហើយពួកគេនៅតែមានភាពសោកសៅខ្លាំង ខណៈដែលគ្រួសារខ្លះ កំពុងធ្វើបុណ្យឧទ្ទិសកុសលជូនសពដែលជាសាច់ញាតិជាទីស្រឡាញ់របស់ខ្លួនទើបចែកឋានទៅ មិនទាន់ចប់ស្រួលបួលផង។
ទី១ គឺឪពុករបស់តារាចម្រៀងប្រពៃណីអ្នកនាង ខាត់ សុឃីម គឺលោក លាវ ខាត់ បានទទួលអនិច្ចកម្ម នៅផ្ទះរបស់លោកស្ថិតនៅភ្នំបាសិត ក្នុងស្រុកពញាឮ ខេត្តកណ្ដាល កាលពីវេលាទៀបភ្លឺ ថ្ងៃទី២២ ខែមិថុនា។
លោក លាវ ខាត់ គឺជាអ្នកចម្រៀងប្រពៃណី និងជាជើងចាស់ផ្នែកលេងភ្លេងប្រពៃណី។ មុននឹងចែកឋានទៅលោកបានបណ្ដុះបណ្ដាលកូនប្រុស-ស្រីទាំង៩នាក់របស់លោកឲ្យចេះលេង និងស្គាល់ពីតម្លៃសិល្បៈបុរាណខ្មែរ ជាពិសេសវង់ភ្លេងប្រពៃណីខ្មែរ រហូតដល់កូនរបស់លោកខ្លះបានចាប់យកអាជីពសិល្បៈរហូតមកដល់បច្ចុប្បន្ន។
លោកគ្រូ លាវ ខាត់ ដែលជាឪពុកបង្កើតរបស់តារាចម្រៀង ខាត់ សុឃីម បានចែកឋាននៅអាយុ៦៩ឆ្នាំ។ លោកត្រូវបានគ្រួសារសន្និដ្ឋានថា ស្លាប់ដោយសារជំងឺលើសឈាម ពីព្រោះរូបលោកធ្លាប់មានជំងឺលើសឈាម ហើយគ្រួសារធ្លាប់បញ្ជូនទៅសង្គ្រោះនៅមន្ទីរពេទ្យកាលម៉ែត មុនពេលដែលលោកដេកស្លាប់នៅនឹងផ្ទះដោយពុំមានកូនចៅណាម្នាក់ទាន់ដង្ហើមចុងក្រោយរបស់លោកនោះ។
ទី២ គឺម្ដាយបង្កើតរបស់តារាសម្ដែង អ៊ុំ សក្ខណា ហៅម៉ែនឿន បានទទួលអនិច្ចកម្មនៅក្នុងផ្ទះដ៏កម្សត់របស់គាត់ ស្ថិតនៅជិតជ្រោះពេជ្រនិល ក្នុងឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ កាលពីព្រឹកថ្ងៃទី២២ ខែមិថុនា។
ម្ដាយរបស់តារាសម្ដែងអ៊ុំ សក្ខណា មិនមែនជាអ្នកសិល្បៈនោះទេ ប៉ុន្តែតារាសម្ដែង អ៊ុំ សក្ខណា បានទុកជីវិតម្ដាយដូចជាជីវិតរបស់ខ្លួន ដោយពេលម្ដាយធ្លាក់ខ្លួនឈឺ គាត់បានលក់គ្រប់ទ្រព្យសម្បត្តិដែលមាន និងប្រាក់បានមកពីការសម្ដែង ត្រូវប្រមូលយកទៅមើលជំងឺម្ដាយ។ តែជាអកុសលម្ដាយអ្នកស្រី បានចែកឋាននៅអាយុ៩៧ឆ្នាំ ដោយជរាពាធ។
និងទី៣ គឺបងស្រីតែម្នាក់គត់របស់ស្ដេចនំដូណាត់ និងជាបុគ្គលដែលសកម្មបំផុតក្នុងការរួមចំណែកលើកកម្ពស់វិស័យភាពយន្តខ្មែរ លោក ទិត ង៉ូយ បានអនិច្ចកម្មកាលពីថ្ងៃទី២៣ ខែមិថុនា ម្សិលមិញនេះ។
កាលពីថ្ងៃទី១១ ខែមិថុនា បាននិយាយនៅលើបណ្ដាញសង្គមហ្វេសប៊ុកផ្ទាល់ខ្លួនថា បងស្រីជាទីស្រឡាញ់តែម្នាក់គត់របស់លោកកំពុងស្ថិតនៅក្នុងស្ថានភាពកាន់តែយ៉ាប់ហើយ ប៉ុន្ដែលោកមិនបានបញ្ជាក់ថា បងស្រីរបស់លោកមានឈ្មោះអ្វី មានជំងឺអី ហើយកំពុងសម្រាកព្យាបាលនៅឯណានោះទេ។ ប៉ុន្តែសភាពបងស្រីរបស់លោកដែលឃើញនៅតាមហ្វេសប៊ុកនោះ គឺអាចចែកឋានដោយជំងឺចាស់ជរា បណ្ដាលឲ្យលោកមានការសោកសៅជាខ្លាំង៕
