- 2020-07-01 07:14:15
- ព័ត៌មាន
មានដំណឹងថា ពេជ្រ សោភា ឥឡូវ រកស៊ីកាន់តែធំទៅៗហើយឥឡូវ!
- 2020-07-01 07:14:15
- ចំនួនមតិ 0 | ចំនួនចែករំលែក 0
មានដំណឹងថា ពេជ្រ សោភា ឥឡូវ រកស៊ីកាន់តែធំទៅៗហើយឥឡូវ!
ចន្លោះមិនឃើញ
តារាចម្រៀងហង្សមាស ពេជ្រ សោភា ត្រូវបានគេមើលឃើញថា នាងកាន់តែហក់លោតខ្លាំង ដោយនៅពេលនេះមានដំណឹងថា នាងបានបោះទុនរាប់សែនដុល្លារ ធ្វើជាអ្នកចែកចាយផលិតផលថែរក្សាសម្រស់ផ្ដាច់មុខមួយ ក្រោយពីនាងលឺពាក្យមើលស្រាលមួយចំនួនចំពោះមនុស្សនៅក្នុងស្រុក។
តាមព័ត៌មាន ពេជ្រ សោភា បាននាំយកផលិតរក្សាសម្រស់មួយប្រភេទដែលមានមូលដ្ឋាននៅប្រទេសកូរ៉េពីគ្លីនិក វ៉ុនជីន មកចែកចាយផ្ដាច់មុខនៅស្រុកខ្មែរ។តារាហង្សមាសរូបនេះមិនប្រាប់ពីទំហំទឹកប្រាក់ដែលនាងធ្វើវិនិយោគនេះទេ ប៉ុន្តែតាមអ្នកដែលរកស៊ីផ្នែកនេះបានបង្ហើបឲ្យដឹងថាការចំណាយដល់ទៅរាប់សែនដុល្លារឯណោះព្រោះការកុម្ម៉ង់ទិញដឹកតាមកប៉ាល់គឺក្នុងមួយមុខៗដល់ទៅរាប់ពាន់ដើម។
ចំពោះបញ្ហានេះ សោភា បានបញ្ជាក់ថា គឺជាការពិតដែលថា នាងបានទិញសិទ្ធិនាំចូលមកចែកចាយផ្ដាច់មុខក្នុងប្រទេសកម្ពុជានូវផលិតផលសម្រស់ពីគ្លីនិកខាងលើ។នាងថាមិនមែនជារឿងងាយស្រួលនោះទេ ទម្រាំតែនាងទទួលបានសិទ្ធិជាដៃគូចែកចាយលក់បន្ដមួយនេះ ពោលគឺនាងបានធ្វើការទាក់ទងជាមួយខាងភាគីកូរ៉េជាច្រើនខែមកហើយ។
តារាស្រីលើកឡើងថា ការងារនេះ មិនមែនថា មានលុយហើយអាចទៅទិញផលិតផលរបស់គេមកលក់បាននោះទេ ប៉ុន្ដែគេត្រូវការទំនុកចិត្តជាធំ ព្រោះគេខ្លាចអ្នកចែកចាយធ្វើឲ្យខូចឈ្មោះរបស់គេ។ ចំណុចនេះ ធ្វើឲ្យនាងមានអារម្មណ៍តូចចិត្ត ក្នុងនាមជាជនជាតិកម្ពុជាម្នាក់រស់នៅក្នុងស្រុក ហើយបានដាក់ចិត្តដាក់កាយ តាមទិញផលិតផលនោះឲ្យបាន។
សោភា បន្តថា ទម្រាំដាច់ចិត្តហក់មកធ្វើជំនួញនេះ គឺមិនមែនលំៗទេ គឺនាងបានទៅលួចរៀនសូត្រពីមូលដ្ឋានគ្រឹះសំខាន់ៗផ្នែកធ្វើជំនួញនេះអស់រយៈពេលដល់ទៅ៥ខែឯណោះរហូតដល់នាងយល់ដឹងច្រើនពីការងារក្រៅសិល្បៈមួយនេះ ទើបសម្រេចចិត្តទៅជួបចរចាជាមួយខាងកូរ៉េ ហើយក្រោយពីព្យាយាមជាច្រើនលើក ទីបំផុតនាងក៏អាចធ្វើបានមែន ដោយគេព្រមលក់សិទ្ធិចែកចាយផ្ដាច់មុខនៅកម្ពុជាឲ្យនាងហើយ។
តាមការបញ្ជាក់របស់តារាស្រីដដែល ឥវ៉ាន់របស់នាងនឹងមកដល់ក្នុងស្រុកនាពេលឆាប់ៗនេះ ប៉ុន្ដែនាងមិនមានគម្រោងធ្វើពិធីសម្ពោធអ្វីនោះទេ គ្រាន់តែថានាងនឹងបើកហាងផ្ទាល់ខ្លួនមួយដែលមានការទទួលស្គាល់ពីក្រសួងពាក់ព័ន្ធតាមក្រិតក្រមច្បាប់ទាំងអស់៕