- 2020-07-04 02:41:27
- ភាពយន្ត
លេងមែនទែន ស្រីអូន ដែលល្បីលើហ្វេសប៊ុក ហក់ចូលប្រឡូកក្នុងវិស័យភាពយន្តហើយ!
- 2020-07-04 02:41:27
- ចំនួនមតិ 0 | ចំនួនចែករំលែក 0
លេងមែនទែន ស្រីអូន ដែលល្បីលើហ្វេសប៊ុក ហក់ចូលប្រឡូកក្នុងវិស័យភាពយន្តហើយ!
ចន្លោះមិនឃើញ
លោកស្រី នួន ស៊ុន្ទរី ហៅ "ស្រីអូន" ដែលស្គាល់ថាជាថៅកែផលិតផលថែរក្សាសម្ភស្ស "សម្រស់ធម្មជាតិ" និងជាបុគ្គលល្បីលើបណ្ដាញសង្គមដោយសារសកម្មភាពសប្បុរសនានានោះ ពេលនេះ បានហក់ចូលមកប្រឡូកក្នុងវិស័យភាពយន្តគួរឲ្យភ្ញាក់ផ្អើល។
នៅក្នុងវេលាបើកពិធីក្រុងពាលីត្រៀមចេញនៅម្សិលមិញនេះ ថៅកែហាង ដ៏ស្រស់ស្អាត ត្រូវបានគេដឹងថា ការហក់ចូលមកប្រឡូកក្នុងវិស័យភាពយន្តនាពេលនេះ គឺក្នុងនាមជាចាងហ្វាងផលិតកម្មផង និងជាតួសម្តែងផង ដោយផលិតកម្មរបស់អ្នកស្រីមានឈ្មោះថា "ផលិតកម្ម រាម" ឬ "Ream Production"។
ដោយឡែករឿងដំបូងរបស់ផលិតកម្មថ្មីថ្មោង ដែលទើបក្រុងពាលីនៅពេលនេះ មានចំណងជើងថា "កម្ម" ឬ "Karma" ជាប្រភេទរឿងបែបរន្ធត់ខ្នាតធំ ប្រមូលផ្តុំដោយតារាសម្តែងអាជីពស្អាតៗជាច្រើន។ ចំណុចគួរចាប់អារម្មណ៍តាមការបញ្ជាក់របស់ចាងហ្វាងដ៏ស្រស់ស្អាត ផលិតកម្មអ្នកស្រីបានចំណាយថវិកាមហាសាលវិនិយោគលើឧបករណ៍ថតទំនើប មិនឲ្យចាញ់ផលិតកម្មក្រៅស្រុកឡើយ។
ស្រីអូន បានពន្យល់ថា មូលហេតុដែលអ្នកស្រី ហក់ចូលមកក្នុងវិស័យភាពយន្ត ក៏ព្រោះដោយសារទឹកចិត្តខ្ញុំស្រលាញ់ហើយចិត្តស្រឡាញ់នេះ បាននាំអ្នកស្រី ឲ្យចង់រួមចំណែក អភិវឌ្ឍនឧស្សាហកម្មភាពយន្តកម្ពុជាថែមទៀតក្នុងទិសដៅច្បាស់លាស់មួយ។
"ក្រុមហ៊ុនបានកំណត់ទស្សន:វិស័យយ៉ាងច្បាស់លាស់ថា "នាំភាពយន្តខ្មែរ ទៅកាន់ពិភពលោក"។ ហេតុដូចនេះហើយបានជាយើងសម្រេចវិនិយោគ ៥០ម៉ឺនដុល្លារ ជាការដាក់ទុនដំបូង ដោយ៣០ម៉ឺនដុល្លារ លើកាមេរ៉ាថតលំដាប់ហូលីវូដម៉ាក ARRI កុំព្យូទ័រកាត់តរូបភាព ឧបករណ៍ច្នៃសម្លេង និងសម្ភារៈ ទំនើបផ្សេងៗទៀត និងចំណាយ២០ម៉ឺនដុល្លារទៀត លើការផលិតរឿងទី១រឿង "កម្ម" រឺហៅជា ភាសាអង់គ្លេសថា “Karma” នេះ"។ ស្រីអូន ថ្លែង។
ក្រុមការងារផលិតរឿង "កម្ម" របស់ ស្រីអូន ត្រៀមនឹងចេញថតឆាប់ៗនេះហើយ ក្រោយពីធ្វើពិធីប្រពៃណីចប់សព្វគ្រប់។ រឿងនេះ ប្រមូលផ្ដុំដោយតារាប្រុសស្រីអាជីពជាច្រើនរូប ដូចជាលោក ឃឹម ហ្សានីត កញ្ញា Bella និងតារាវ័យក្មេងស្រស់ស្អាតជាច្រើនទៀត។ តួឯកប្រុស ស្រី ទាំងពីរ បានពោលដូចៗគ្នាថា ពួកគេមានមោទកភាពណាស់ដែលបានចូលរួមក្នុងខ្សែភាពយន្តខ្នាតធំរបស់ចាងហ្វាងដែលត្រូវបានគេស្គាល់ច្បាស់នៅលើបណ្ដាញសង្គម។ ពិសេស គឺពេញចិត្តសាច់រឿងតែម្ដង ដូច្នេះហើយពួកគេនឹងខិតខំឲ្យអស់ពីលទ្ធភាព។
លោក ភិជិត ឬទ្ធា ដែលជាអ្នកដឹកនាំរឿង បញ្ជាក់ថា ដំណើរការផលិតនៃរឿង "កម្ម" ប្រព្រឹត្តដោយមានការសម្អិតសម្អាងពិសេស ទាំងលើការតុបតែងឆាក ការរចនាសម្លៀកបំពាក់ ការផាត់មុខ ពិសេសគឺបច្ចេកទេសថត និង រចនាសម្លេង និងបច្ចេកទេសផ្សេងៗទៀត សុទ្ធតែគាំទ្រដោយឧបករណ៍ ក៏ដូចជាបច្ចេកវិទ្យាទំនើបចុងក្រោយ។ ដូច្នេះហើយ លោកអះអាងថា រឿងនេះនឹងចេញមកជាមួយគុណភាពស្តង់ដារខ្ពស់មួយ។
តាមផែនការរឿង "កម្ម" របស់ "ផលិតកម្ម រាម" គ្រោងនឹងដាក់បញ្ចាំងនៅគ្រប់រោងភាពយន្តក្នុងស្រុកនាដើមឆ្នាំ ២០២១ នេះ៕