- 2020-07-14 02:38:19
- ព័ត៌មាន
ភ្ញាក់ផ្អើល! តួក្នុងរឿង «Glee» ត្រូវគេរកឃើញថាលង់ទឹកស្លាប់
- 2020-07-14 02:38:19
- ចំនួនមតិ 0 | ចំនួនចែករំលែក 0
ភ្ញាក់ផ្អើល! តួក្នុងរឿង «Glee» ត្រូវគេរកឃើញថាលង់ទឹកស្លាប់
ចន្លោះមិនឃើញ
តារាសម្ដែង Naya Rivera ដែលគេស្គាល់ច្បាស់ជាតួក្នុងរឿងភាគទូរទស្សន៍ «Glee» ត្រូវបានប្រទះឃើញថាបានស្លាប់ នៅអាយុ ៣៣ឆ្នាំ ដោយសារលង់ទឹក ស្របពេលកូនប្រុសមានសុវត្ថិភាពល្អ។
មានការភ្ញាក់ផ្អើលជាខ្លាំងនៅព្រឹកថ្ងៃច័ន្ទ ក្រោយសាកសពមួយត្រូវបានគេរកឃើញក្នុងបឹងមួយកន្លែងនៅរដ្ឋ California ហើយបន្ទាប់ពីពិនិត្យច្បាស់លាស់ហើយ ទើបមានការភ្ញាក់ផ្អើលជាថ្មីពេលដឹងថាសាកសពនេះគឺជាតារាសម្ដែង Naya Rivera។ នេះបើតាមក្រុមប៉ូលីសរបស់រដ្ឋនេះបញ្ជាក់។
តារារូបនេះ បានបាត់ដំណឹងសូន្យឈឹង បន្ទាប់ពីជួលទូកជិះលើបឹង Piru ស្ថិតនៅភាគខាងលិចឆៀងខាងជើង ជាមួយនឹងកូនប្រុសរូចអាយុ ៤ឆ្នាំ កាលពីថ្ងៃពុធ។
ដំណឹងដ៏តក់ស្លុតនេះ បានធ្វើឲ្យមិត្តរួមអាជីព ក៏ដូចជាអ្នកគាំទ្រទាំងអស់របស់នាងមានការសោកស្ដាយជាខ្លាំង។
ដោយឡែក បើតាមវិបសាយ Metro បានបញ្ជាក់ថា កូនប្រុសរបស់នាងត្រូវគេឃើញនៅលើទូក ស្របពេលនាងដែលជាម្ដាយបាត់ខ្លួន។ ចំណែក ប្រភពពី វិបសាយ TMZ ក៏បានបន្ថែមថា Josey (កូនប្រុសរសប់ Naya) បាននិយាយថាម្ដាយរបស់គេបានហក់ចូលទឹក តែមិនឃើញងើបត្រឡប់មកវិញទេ។ ជាមួយគ្នានេះ ក្មេងតូចនេះមានសុវត្ថិភាពល្អណាស់ និងស្ថិតក្រោមការគ្រប់គ្រងរបស់គ្រួសារ៕
