- 2020-07-15 01:50:18
- ព័ត៌មាន
កំពូលតារាស្រីទាំង ១២ ដែលប្រើសម្លេងច្រៀងប្លែកខុសគេ និងងាយចំណាំបំផុត
- 2020-07-15 01:50:18
- ចំនួនមតិ 0 | ចំនួនចែករំលែក 0
កំពូលតារាស្រីទាំង ១២ ដែលប្រើសម្លេងច្រៀងប្លែកខុសគេ និងងាយចំណាំបំផុត
ចន្លោះមិនឃើញ
ពេលខ្លះ នៅពេលអ្នកឮបទចម្រៀងថ្មីៗ មិនទាន់បានដឹងចំណងជើងបទនោះផង គ្រាន់តែឮសម្លេងអ្នកច្រៀង អ្នកដឹងបាត់ទៅហើយថាជាអ្នកណា? នេះក៏ព្រោះតែទឹកដមរបស់ពួកគេខុសប្លែកពីអ្នកផ្សេងៗ។
តារាចម្រៀងមួយចំនួនមានសម្លេងប្រហាក់ប្រហែលគ្នា ប៉ុន្តែសម្លេងអ្នកខ្លះទៀតមានតែមួយគ្មាន ២ខុសគេ។ ក៏មិនមែនមានន័យថាទឹកដមពួកគេពីរោះ ឬខ្សោយជាងអ្នកដទៃដែរ តែយ៉ាងណាពួកគេចេះច្រៀង ដោយប្រើរបៀបច្រៀងខុសពីគេផ្សេង បង្កើតស្ទីលប្រចាំខ្លួន ធ្វើឲ្យគ្រប់គ្នាសរសើរ និងពិបាកនឹងបំភ្លេចសម្លេងពួកគេណាស់។ ពេលនេះសូមបង្ហាញជូន ជើងខ្លាំងនារីៗទាំង ១២រូប៖
១. Park Bom
កាល 2NE1 នៅមិនទាន់បំបែក តួនាទីរបស់ Park Bom គឺអ្នកច្រៀងនាំមុខ។ សម្លេងរបស់នាងអាចស្រែកបានខ្ពស់បំផុត កម្រអ្នកទៅដល់ណាស់ ហើយស្ទីលច្រៀងរបស់នាងក៏កម្រមានអ្នកធ្វើតាមបានដែរ។
២. Jessica Jung
អតីតសមាជិកក្រុម Girls' Generation រូបនេះវិញក៏ជា Main Vocalist ប្រចាំក្រុមដែលមានសមត្ថភាពអាចស្រែកច្រៀងតុងខ្ពស់ៗបំផុត។ ជាឧទាហរណ៍ជាក់ស្ដែងដូចពេលនាងស្រែកវគ្គមួយក្នុងបទ «The Boys» និងបទផ្សេងទៀតរបស់ក្រុម និងបទទោលនាងផ្ទាល់។
៣. Rosé (ក្រុម BLACKPINK)
ចូលដល់តារាស្រីជំនាន់ទី៣របស់ K-Pop ម្នាក់នេះ ក៏ប្រើស្ទីលច្រៀងខុសគេដែរ តាំងពីនាងចេញមុខជាមួយ BLACKPINK មកម្ល៉េះ។ ទាំងប្លែកទាំងពីរោះ ហេតុនេះហើយទើបធ្វើឲ្យ Rosé ក្លាយជាតារាស្រីសម្លេង Unique ប្រចាំ K-Pop ជំនាន់នេះ។
៤. Yuqi (ក្រុម (G)-IDLE)
Yuqi គឺជាម្ចាស់សម្លេងធំ និងជ្រៅម្នាក់ប្រចាំប្រទេសកូរ៉េ។ ទោះជាយ៉ាងណា នាងក៏បានទទួលស្គាល់ខ្លួនឯងថាមិនសូវពូកែខាងច្រៀងតុងខ្ពស់ៗទេ ដោយសារសម្លេងនាងអំណោយផលតែតុងទាបបំផុត។
៥. HyunA
អតីតសមាជិក 4MINUTE, HyunA មានសមត្ថភាពពិសេសប្រចាំខ្លួនគឺ ការរ៉េប។ មិនថាច្រៀង និងរ៉េប នាងទៅរួចទាំងអស់ ដូចនេះទើបវាបានក្លាយទៅជារឿងល្អបំផុតម្រាប់នាងពេលចាប់អាជីពជាតារាទោល។ ជាមួយគ្នានោះ នៅពេលនាងច្រៀងរួមជាមួយតារាផ្សេងទៀត នោះបទចម្រៀងនោះក៏ត្រូវតែមានអ្វីពិសេសពីក្នុងដែរ។
៦. Jisoo (ក្រុម BLACKPINK)
សម្រាប់ Jisoo ក៏ជាអ្នកដែលមានសំឡេងធ្ងន់ដែរ ជាអំណោយផលសម្រាប់បទចម្រៀងបែប Ballad។
៧. HYOLYN
នាងត្រូវបានគេលើកជាម្ចាស់សម្លេងធ្ងន់ប្រចាំពិភព K-Pop ផ្នែកនារី។ នាងអាចរ៉េប ច្រៀងដោយមិនបាច់ប្រឹងខ្លាំង ហើយសម្លេងបែបនេះពិតជាកម្ររកបានអ្នកធ្វើតាមណាស់។
៨. LE (ក្រុម EXID)
ចំណែកស្ទីលរ៉េបពេញទៅដោយថាមពល និងបែបសិចស៊ីនេះហើយ ដែលធ្វើឲ្យនាងឈ្នះតំណែង «Best Female Rapper» ។
៩. Soyeon (ក្រុម (G)-IDLE)
មន្តស្នេហ៍របស់ Soyeon គឺលើការរ៉េបនេះឯង ហើយនេះក៏ជាចំណុចទាក់ទាញប្រចាំក្រុម (G)-IDLE ដែរ។
១០. Joy (ក្រុម Red Velvet)
នាងគឺជា អ្នកច្រៀងនាំមុខរបស់ Red Velvet។ សម្លេងផ្អែមប្រៀបដូចទឹកឃ្មុំរបស់ Joy អាចធ្វើឲ្យបទចម្រៀងបែបលន្លង់លន្លោច ពោរពេញទៅដោយថាមពលខ្លាំងបំផុត។
១១. Moonbyul (ក្រុម MAMAMOO)
អ្នកពូកែរ៉េបម្នាក់ទៀតនេះ ក៏ធ្វើឲ្យបទចម្រៀងនីមួយៗរបស់ក្រុមពីរោះមួយកម្រិតដែរ។ តុងទាប និងសម្លេងច្រៀងខុសគេរបស់នាង ធ្វើឲ្យគេចាំយ់ាងងាយស្រួល តែចង់ភ្លេចវិញពិតជាពិបាក។
១២. Ahn Jiyoung (ក្រុម BOL4)
ទាំងអាចប្រើសម្លេងផ្អែម ទាំងអាចស្រែកតុងខ្ពស់ ជាកត្តាធ្វើឲ្យ Jiyoung ត្រូវគេសរសើរថាជាតារាចម្រៀងជំនាន់ថ្មីដែលអាចនិយាយបានថា មានឥទ្ធិពលខ្លាំងក្នុងវិស័យតន្ត្រីប្រចាំ K-Pop៕