ឌីជេ ម៉ៃលី៖ "ខ្ញុំឈឺចាប់នឹងភាពបរាជ័យ ទើបខ្ញុំជោគជ័យ ពោរពេញដោយមោទនភាព"

2020-07-20 09:31:55
ព័ត៌មាន

2020-07-20 09:31:55
ចំនួនមតិ 0 | ចំនួនចែករំលែក 0

ចន្លោះមិនឃើញ

បើយើងនិយាយពី DJ ក្នុងប្រទេសកម្ពុជាមានមិនតិចនាក់នោះទេ ហើយបើយើងសួរថា តើ DJ រូបណាដែលមានស្នាដៃ ចាក់បទភ្លេង និងស្ទាយល៍ តុបតែងខ្លួនទាន់សម័យព្រមទាំងខុសប្លែកគេទៀតនោះ គេប្រាកដជាមិនអាចបំភ្លេច DJ ស្រីម្នាក់ដែលមានរាងតូចច្រលឹង សក់ពណ៍ផ្កាឈូក ឬពណ៌ស្រស់ផ្សេងទៀតនោះ គឺ DJ ម៉ៃលី។

អ្វីដែលគួរភ្ញាក់ផ្អើល និងសាទរនោះចំពោះ ម៉ៃលី គឺ ក្រុមហ៊ុននាឡិកាដៃ Ice-Watch ដែលជាក្រុមហ៊ុននាឡិកាដៃ Fashion ដ៏លេចធ្លោមួយក្នុងតំបន់អាស៊ី និងអឺរ៉ុប បានបន្តកុងត្រាជាមួយនាង សម្រាប់ជាទូតសុឆន្ទៈប្រចាំម៉ាកក្នុងប្រទេសកម្ពុជា។

យោងតាមការរៀបរាប់ខាងក្រុមហ៊ុន Ice-Watch ប្រចាំប្រទេសកម្ពុជាបាននិយាយថា “ មានហេតុផលជាច្រើន ដែលយើងបន្តកុងត្រាជាមួយ ម៉ៃលី ដោយសារមូលហេតុមួយចំនួនដូចជា៖

១. ម៉ៃលី មានស្ទីលផ្ទាល់ខ្លួនហើយខុសប្លែកពីគេ ដែលនេះជាតម្រូវការចាំបាច់ដែលក្រុមហ៊ុន Fashion ធំៗ តែងតែសម្លឹងរកមើលតារាតំណាងម៉ាកប្រភេទដូចនេះ។

២. ភាពខុសប្លែករបស់នាង មានសភាពដូចគ្នាច្រើនទៅនឹងចំណុចរបស់ម៉ាកនាឡិកាដៃ Ice-Watch។

៣. នាងមានអត្តចរិតល្អ និងគោរពទំនាក់ទំនងរាល់ពេលធ្វើការជាមួយក្រុមហ៊ុន។ ៤. នាងជាមនុស្សដែលអាចផ្លាស់ប្ដូរផ្នត់គំនិតសង្គម ដែលមិនអោយតម្លៃអាជីពជា DJ ស្រី អោយទទួលយកអ្វីដែលជាតម្លៃពិត។ នេះដូចទៅនឹង ពាក្យស្លោកនៃម៉ាកនាឡិកាដៃ Ice-Watch គឺ ”change.you can” មានន័យថា អ្នកអាចផ្លាស់ប្ដូរបាន។

៤ ចំណុចខាងលើវាគ្រប់គ្រាន់ល្មមអោយម៉ាកនាឡិកាដែលល្បីល្បាញផ្នែក Fshion បន្តកុងត្រាជាមួយ ម៉ៃលី។ ប៉ុន្តែក្នុងចំណោមនោះ ចំណុចទី ៤ គឺជាចំណុចដែល Ice-Watch អោយតម្លៃ និងយើងគ្រប់គ្នាចាំបាច់ត្រូវដឹងរឿងនេះ។

តាមប្រភពជិតស្និទ្ធរបស់ ម៉ៃលី បានអោយដឹងថា ”ទម្រាំម៉ៃលី តស៊ូនឹងទទួលបានជោគជ័យមកដល់បច្ចុប្បន្នពិតជាមិនងាយស្រួលទេ។ នាងត្រូវបានសង្គម ឬអ្នកដែលមិនស្គាល់ច្បាស់វាយតម្លៃថា ជាមនុស្សមិនល្អ ដោយខ្លួនជាស្រីធ្វើការយប់ ទាំងដែលនេះជាអាជីពរបស់បុរស។

មិនត្រឹមតែប៉ុនណោះ នាងត្រូវបានអ្នកសិក្សារួមជំនាន់ ឬរៀមច្បងជំនាន់មុននាងមួយចំនួនតូច ព្យាយាមបំបាក់ទឹកចិត្តថែមទៀតផង”។

ប៉ុន្តែទោះជាយ៉ាងនេះក្ដី អ្វីដែលយើងបានដឹងពីបច្ចុប្បន្នរបស់ ម៉ៃលី គឺបានក្លាយជា Dj លំដាប់ប្រទេសដែលគ្រប់គ្នាតែងតែនិយាយពីស្នាដៃ និង ភាពខុសប្លែករបស់គាត់ថែមទៀត។ មិត្តភក្ដិរបស់ ម៉ៃលី តែងនិយាយថា រាល់ពេលមិត្តភក្ដិនៅក្នុងក្រុមជួបបញ្ហាដោះស្រាយមិនចេញ។ ម៉ៃលីតែងតែលើកទឹកចិត្ត និងរៀបរាប់ប្រាប់ប្រវត្តិការតស៊ូរបស់នាងទៅអ្នកនោះ ហើយតែងនិយាយថា៖ ”ខ្ញុំឈឺចាប់នឹងភាពបរាជ័យ ទើបខ្ញុំជោគជ័យពោរពេញដោយមោទនភាព”។

មិត្តភក្ដិរបស់ម៉ៃលីបានបន្តថា ”ដោយសារចំណុចទាំងនេះហើយ ទើបម៉ៃលីខំប្រឹងធ្វើខ្លួនអោយរឹងមាំ និងតស៊ូយកអ្វីដែលនាងប្រាថ្នាអោយបាន។ បច្ចុប្បន្ន ម៉ៃលីបានក្លាយខ្លួន International DJ brand name ហើយ ក្រោយពី ម៉ៃលីបានសម្រេចនឹងជាប់ឈ្មោះក្នុងតារាងកម្មវិធី International DJ ជាច្រើន ដូចជា៖

Pioneer Digital DJ Battle Championship 2014 (Cambodia)
Pioneer DJ Finalist Digital Asia Battle (Manila , Philipine)
#11 Top 20 Asia DJ 2019 by Asiaedm
#97 Top100 DjanemagSEA 2018

ទាំងនេះជាសារកើនរំលឹកទៅដល់អ្នកគ្រប់គ្នា បើទោះជាអ្នកកំពុងជួបបញ្ហាយ៉ាងណាក្ដីក៏កុំបោះបង់ចោលក្ដីស្រមៃ ត្រូវខំតស៊ូពុះពារ និង ប្រយុទ្ធជាមួយវាអោយអស់លទ្ធភាព នោះពេលចុងក្រោយអ្នកនឹងទទួលបានលទ្ធផលជាទីគាប់ប្រសើរសម្រាប់ខ្លួនឯង៕

អត្ថបទ៖ យី សុធារី