- 2020-07-21 03:23:39
- ព័ត៌មាន
V ទម្លាយរឿងឈឺក្បាល និងគួរឲ្យខ្លាចបំផុត ទាក់ទងនឹង Sasaeng Fans
- 2020-07-21 03:23:39
- ចំនួនមតិ 0 | ចំនួនចែករំលែក 0
V ទម្លាយរឿងឈឺក្បាល និងគួរឲ្យខ្លាចបំផុត ទាក់ទងនឹង Sasaeng Fans
ចន្លោះមិនឃើញ
Sasaeng Fans ត្រូវបានគេស្គាល់ថាជាអ្នកគាំទ្រជ្រុលនិយមប្រចាំវិស័យសិល្បៈ ពិសេស K-Pop នេះឯង។ មិនថាតារាធ្វើអ្វីនៅទីសាធារណៈ ក្រុមអ្នកគាំទ្រហួសហេតុទាំងនេះ តែងសង្កេត និងដេញតាមជាប់ជានិច្ច ស្ធិតដូចតុកកែ។
តារាប្រុសស្រីមិនតិចទេ ត្រូវប្រឈមគ្រោះថ្នាក់ និងជួបបទពិសោធន៍ហួសចិត្តជាមួយនឹងក្រុមមនុស្សទាំងនេះ។ ជាឧទាហរណ៍ជាក់ស្ដែង ដូច V សមាជិក BTS ជាដើម ក៏ឆ្អែតឆ្អន់នឹងបទពិសោធន៍ទាំងនោះដែរ។
និយាយក្នុងកម្មវិធីមួយ លោកបានបង្ហើបថា គ្រប់ពេលឲ្យតែ BTS ធ្វើដំណើរតាមជើងហោះហើរណាមួយ មិនថាជិត ឬឆ្ងាយ Sasaeng តែងតែដឹងមុនជានិច្ច។ បើតាមដឹងដើម្បីធ្វើរឿងបែបនេះបាន អ្នកដែលចង់ដឹងព័ត៌មាននៃជើងហោះហើរត្រូវបង់លុយសិន។
ហេតុផលដែលពួកគេធ្វើបែបនេះ ក៏ដោយសារពួកគេចង់ដឹងម៉ោងពេលដែលត្រូវធ្វើដំណើរ និងអាចមកដល់ទីតាំងទាន់ពេល ដើម្បីអាចជួបតារាផ្ទាល់ និងអាចថតវីដេអូ ឬប្រមាញ់រូបភាពផ្សេងៗ។
ករណីផ្សេងទៀត ក្រុមអ្នកគាំទ្រទាំងនោះ ហ៊ានទាំងចំណាយលុយទិញសំបុត្រយន្តហោះ ដើម្បីអាចធ្វើដំណើររួមជើងហោះហើរជាមួយ Idol ថែមទៀតផង។ រឿងនេះកើតឡើងញយដងណាស់ជាមួយនឹង BTS ហើយទាក់ទងនឹងបញ្ហានេះ V បាននិយាយថាសមាជិកទាំងអស់មានអារម្មណ៍តឹងតែង និងពិបាកទ្រាំណាស់។ លោកតែងសង្ឃឹមថា ទង្វើបែបនេះលែងមានតទៀត ព្រោះនេះក៏ជាអ្វីដែលលោកខ្លាចដែរ។
ក្រៅពីរឿងបែបនេះ BTS ក៏នៅមានបទពិសោធន៍ហួសចិត្តផ្សេងទៀតដែរ ដូចជាលេខទូរសព្ទត្រូវបានបែកធ្លាយ ជាធ្វើឲ្យចំនួនលេខប្លែកៗ Call ចូលច្រើនរាប់មិនអស់។
ចូលដល់ករណីមួយទៀត នៅប្រទេសស៊ុយអែត ពេលសមាជិកទាំងអស់ថតកម្មវិធី និងសម្រាកនៅហាងកាហ្វេមួយសិន ក្រុមអ្នកគាំទ្រជ្រុលនិយម ឬ Sasaeng Fans ទាំងនោះបានតាមលបមើលពួកគេជាប់ ថែមទាំងចាំនៅខាងក្រៅ ដើម្បីពេល BTS ចេញមកបានជួប។ នៅពេលអ្នកកាន់កាមេរ៉ាកម្មវិធីសុំពួកគេឲ្យចេញ ពួកគេបែរជារត់ដេញតាមសមាជិក BTS ទៅវិញ៕